ACT 2
2
पवित्र आत्माद प्रगटीकरन — 2:1-4
पवित्र आत्माद दान
1यप्पुड पेन्टेकॉस्ट आंटे पन्नासावा दिनमु वच्या आप्पुड वार आंदार वगातळा जमा आयनीर. 2अचानक फेद्दा सुटुरघाली लेका मोडाम लोन्केल आवाज आय्या, इंगा या इंटल्या वार कुसनीनीर आदी दानता निंडी फोया. 3इंगा आग्गी दिगुळ लेका न्यालकाल वारकी कमशा, आय अलग-अलग आय्यी इंगा वार दिंटल्योन्केल प्रत्येक मनशी मिंदा वगाट-वगाट इल्ला कुसन्या. 4आप्पुड वार आंदार पवित्र आत्माता निंडी फोईर इंगा यल्ला पवित्र आत्मा वारकी सामर्थ्य इच्या आल्ला वार अलग-अलग भाषालला माटलाडेदेंक आंटीर.
पवित्र आत्मा तीकेल प्रेषितलाद यरुशलेम लोनदी सेवाकार्य इंगा मंदी तीकेल मंडळीद छळ — 2:5—8:3
5“आप्पुड मोडाम किंदुड प्रत्येक राष्ट्रलोन परमेश्वरदी यरपु फेट्टेतोड यहुदी मनशी यरुशलेम शहरला निलदु. 6आदी आवाज आयनेंका मंदीद वगातळा वच्चीर इंगा वार यरस्कुनीर, येनटीक की प्रत्येक मनशीक इद्दे इना वद्दु, की इर ना भाषालाने माटलाडतुनार. 7इंगा वार आंदार आश्चर्य चकीत आय फोईर इंगा आनेदेंक आंटीर, इर आंदार यवार माटलाडतुनार गालील लोन्टोरे लेर येम? 8तर मनाम आंदार मनाद मातृभाषा माटलाडेद यल्ला इंटुनाम? 9पार्थी, मेदी, एलामी, मेसोपटेम्या, यहुदीया, कप्पदुकिया, पंत, आशिया, 10फ्रुगीया, पंफुलिया, मिसर इंगा कुरेण देगारदी लिबुवा देशला निलचेतोर, यहुदी इंगा यहुदी धर्म लेका नडशेतोर रोम लोन्टोर, 11क्रेतीय, अरब, इल्ला मनाम वारनी मना स्वता भाषाला परमेश्वर शेशीने महान फनुलाद वर्णन इंटुनाम.” 12आप्पुड वार आंदार आश्चर्य चकीत आय्यी वगामेगारनी आडगेदेंक आंटीर, “इदी येम आयतुनाद?” 13पण काही मंदी वारदी मजाक यगरा मतीर इंगा आनीर, “वार सराय नशाला उंडार.”
पेन्टेकॉस्ट वेळला पेत्रनदी उपदेश
14आप्पुड पेत्रड अकरा प्रेषितला जताक नीला फडी, फेद्दा आवाजला मंदीन आनेदेंक आंट्या, हे यहुदी मंदीलाला इंगा यरुशलेम शहरला निलचेतोरलाला, नाद माटा लक्ष इच्ची इनना इंगा निन मिक शपतान की इदी येम आयतुनाद. 15यल्ला मीर विचार शेस्तार की इ मंदी नशाला उंडार पण इल्ला लेद येनटीक की फद्दीनी नऊ वागीनाय. 16पण योएल संदेष्ट्याड येम शप्पीन्या आदी इदी उंडाद:#योएल 2:28-32.
17परमेश्वर आंटाड, “आखरी दिनमुलाला इल्ला आय्यी की,
निन आंता मंदी मिंदा ना पवित्र आत्माद वर्षाव शेशान,
आप्पुड मी कोडकुल इंगा कुतुरलु भविष्यवाणील शेशार.
मी जवानोरकी दृष्टांतलु कमशी इंगा मी मुसल्योरकी कलाल फडी.
18इंगा आ दिनमुलाला निन ना दासला मिंदा इंगा दासिला मिंदा
ना पवित्र आत्माद वर्षाव शेशान,
इंगा वार भविष्यवाणील शेशार.
19इंगा फैना मोडामला अद्भुत फनुल
इंगा पृथ्वी मिंदा चिन्हल, आंटे रक्ताम, आग्गी इंगा फोगाय ढगलु सुपीच्यान.
20प्रभुनदी महान इंगा प्रसिद्ध दिनमु दावा काना मुंची
सुर्य अंधकारमय इंगा चंद्र रक्तामदी आय्यी.
21आप्पुड इल्ला आय्यी की यवाड पण प्रभुनदी फेर तिस्कुनी वानदी तारण आय्यी.”
22“हे इस्राएललोन मंदीलाला इनना: मिक आंदारकी यरका उंडाद की, परमेश्वर नासोरी येशुन शेयता मी मुंदार यंता फेद्दाय फनुल, चमत्कारलु इंगा चिन्हल शेशा. दिन मिंदकेल इदी सिद्ध आयताद की येशुड परमेश्वर तीकेल मी तीकुड आंपीनोड उंड्या. 23परमेश्वर योजनालेका वाड पहिलाने इदी ठराया मतीन्या की येशुन मी शेतल्या इच्चेदेंक वच्ची इंगा मीर वान फट्टी पापी मंदी शेतलाला इच्ची वान क्रुस मिंदा खिळाशी मतेशार; 24पण वाने परमेश्वर साव दुखलोन्केल इडपीच्ची वापस जिवंत शेशा, येनटीक की वानकी सावला निलचेद अशक्य उंड्या. 25दाविद राजा वान बद्दल इल्ला आंटाड,
‘निन परमेश्वरनी ना मुंदार नेहमी सुशीनान;
निन फडाराद आंका वाड ना मंची शेय तीकुड उंडाड.
26दिनिचांग नाद मन आनंदीत आयनाद इंगा नाद न्यालका वानदी स्तुती शेस्तुनाद इंगा नाद फय पण आशाला टीकाशी उंडी.
27येनटीक की नु नाद जेम मृतलोकला फेट्टाक फोयाव,
इंगा नी पवित्र मनशीन कबरला शेडानियाक फोयाव.
28जीवनदी दावा नु नाक शप्पीनाव; नु नन्नु नी उपस्थितीला आनंदता निंचेशाव.’”#स्तोत्रसंहिता 16:8-11.
29“हे आक्का-तम्मुळ्ळालाला, निन पुर्ण विश्वासता कुलाधीपती दाविद राजान बद्दल मिक शपतान की वाड सच्ची फोया, वान बुडशेदेंक वच्या इंगा वानदी कबर इबद पण मना नडमा उंडाद.#1 राजे 2:10. 30वाड संदेष्टाड उंड्या, इंगा वानकी यरका उंड्या की परमेश्वर वानकी अभिवचन इच्चीन्या की नी बिळ्ळा लोन्केल वगान निन नी राजासन मिंदा कुसना मत्यान. 31इदी वानकी पहिलाने यरका उंड्या आंका वाड ख्रिस्तन पुनरुत्थान बद्दल इल्ला आन्या की, वान मृतलोकला इडस्काडा लेद, इंगा वान शरीरनी कबरला शेडीफोनीयालेद. 32इद्दे येशुन परमेश्वर सच्चीनोर लोन्केल लेप्या, दिन बद्दल मिम आंदार साक्षी उंडाम. 33दिनिचांग येशुड परमेश्वर मंची शेय तीकुड कुसनीनोड उंडाड, वानकी पवित्र आत्मा बद्दलदी वचन आब्बान तीकेल शिक्कीन्या, इंगा इप्पुड मीर येम सुस्तुनार इंगा इंटुनार दानदी वर्षाव वाड शेशीनाड.”
34“येनटीक की दाविद राजा स्वर्गलोंग फोलेद, पण वाड स्वता आंटाड,
‘परमेश्वर ना प्रभुनकी#2:34 प्रभुनकी ख्रिस्त शप्या की,
35निन नी शत्रुलान नी काळा किंदा येशी नंताक
नु ना मंची शेय तीकेल कुसुन.’”#स्तोत्रसंहिता 110:1.
36“दिनिचांग, इस्राएल लोन्टोर आंदार मंदी निश्चयपुर्वक समजाशी तिस्कुनाला की, या येशुन मीर क्रुस मिंदा खिळाशी मतेस्तीर वान परमेश्वर प्रभु इंगा ख्रिस्त इल्ला ठराया मत्या.” 37पेत्रय माटलु इनी वार मनला शेंगेम दुख आय्या इंगा वार पेत्रन इंगा बाकी प्रेषितलान आडगेदेंक आंटीर, “हे तम्मुळ्ळालाला, मिम येम शेयाला?” 38पेत्र वारनी आन्या, “पश्चात्ताप शेयना इंगा मी पापलाद क्षमा कावाला, आंका मी दिंटल्योन्टोड प्रत्येक मनशी येशु ख्रिस्तन फेरता बाप्तिस्मा तिस्कोंडा, आंटे मिक पवित्र आत्माद दान शिक्की. 39येनटीक की इदी वचन मिक मी बिळ्ळाक इंगा यवार धुराम उंडार, वार आंदार इचांग इच्चीनाड, यवारनी परमेश्वर वान देगार फिल्चीनाड.” 40इंगा वाड इंगोगोय शेंगेम माटलु शप्पी वारकी साक्ष इच्या इंगा समजायमती शप्या, “इ दुष्ट पिढीकेल स्वतान बतका मतना.” 41आप्पुड यवार वान संदेशनी स्वीकार शेशीर वारदी बाप्तिस्मा आय्या, इंगा आबद वार दिंटल्या तीन हजार मंदी जुळाशीर.
विश्वासी मंदीद धार्मिक जीवन
42वार प्रेषितला तीकेल नेरशेदेंक इंगा संगती शेशेदेंक, प्रभुभोज तिस्कुनेदेंक इंगा प्रार्थना शेशेदेंक तत्पर उंडदुर.
43आप्पुड प्रत्येक मनशीक यरपु आय्या, इंगा प्रेषितला शेतलाता शेंगेम चमत्कारी फनुल इंगा चिन्हल घडायदु. 44आप्पुड आंता विश्वासी मंदी वगातळा निलदुर इंगा वार देगार येम उंडु आदी फंचकेन तिस्कुंदुर, 45वार स्वताद भुमी इंगा धन आम्मी यल्ला-यल्ला प्रत्येक मनशीक गरज फडदु, आल्ला-आल्ला आंदारकी फंची इद्दुर. 46वार धीन्नाम वगामनता परमेश्वर भवनला जमा आयदुर, प्रत्येक इंटल्या प्रभुभोज तिस्कुंदुर इंगा परमेश्वरदी स्तुती शेस्केन आनंदता इंगा निष्कपट मनता रोट्या तिनदुर; 47आंता मंदी वार इचांग खुश उंडदुर इंगा प्रभुड तारण आयने मंदीन धीन्नाम मंडळीला जोडदु.
Okuqokiwe okwamanje:
ACT 2: WNT
Qhakambisa
Kopisha
Qhathanisa
Dlulisela
Ufuna ukuthi okuvelele kwakho kugcinwe kuwo wonke amadivayisi akho? Bhalisa noma ngena ngemvume
ACT 2
2
पवित्र आत्माद प्रगटीकरन — 2:1-4
पवित्र आत्माद दान
1यप्पुड पेन्टेकॉस्ट आंटे पन्नासावा दिनमु वच्या आप्पुड वार आंदार वगातळा जमा आयनीर. 2अचानक फेद्दा सुटुरघाली लेका मोडाम लोन्केल आवाज आय्या, इंगा या इंटल्या वार कुसनीनीर आदी दानता निंडी फोया. 3इंगा आग्गी दिगुळ लेका न्यालकाल वारकी कमशा, आय अलग-अलग आय्यी इंगा वार दिंटल्योन्केल प्रत्येक मनशी मिंदा वगाट-वगाट इल्ला कुसन्या. 4आप्पुड वार आंदार पवित्र आत्माता निंडी फोईर इंगा यल्ला पवित्र आत्मा वारकी सामर्थ्य इच्या आल्ला वार अलग-अलग भाषालला माटलाडेदेंक आंटीर.
पवित्र आत्मा तीकेल प्रेषितलाद यरुशलेम लोनदी सेवाकार्य इंगा मंदी तीकेल मंडळीद छळ — 2:5—8:3
5“आप्पुड मोडाम किंदुड प्रत्येक राष्ट्रलोन परमेश्वरदी यरपु फेट्टेतोड यहुदी मनशी यरुशलेम शहरला निलदु. 6आदी आवाज आयनेंका मंदीद वगातळा वच्चीर इंगा वार यरस्कुनीर, येनटीक की प्रत्येक मनशीक इद्दे इना वद्दु, की इर ना भाषालाने माटलाडतुनार. 7इंगा वार आंदार आश्चर्य चकीत आय फोईर इंगा आनेदेंक आंटीर, इर आंदार यवार माटलाडतुनार गालील लोन्टोरे लेर येम? 8तर मनाम आंदार मनाद मातृभाषा माटलाडेद यल्ला इंटुनाम? 9पार्थी, मेदी, एलामी, मेसोपटेम्या, यहुदीया, कप्पदुकिया, पंत, आशिया, 10फ्रुगीया, पंफुलिया, मिसर इंगा कुरेण देगारदी लिबुवा देशला निलचेतोर, यहुदी इंगा यहुदी धर्म लेका नडशेतोर रोम लोन्टोर, 11क्रेतीय, अरब, इल्ला मनाम वारनी मना स्वता भाषाला परमेश्वर शेशीने महान फनुलाद वर्णन इंटुनाम.” 12आप्पुड वार आंदार आश्चर्य चकीत आय्यी वगामेगारनी आडगेदेंक आंटीर, “इदी येम आयतुनाद?” 13पण काही मंदी वारदी मजाक यगरा मतीर इंगा आनीर, “वार सराय नशाला उंडार.”
पेन्टेकॉस्ट वेळला पेत्रनदी उपदेश
14आप्पुड पेत्रड अकरा प्रेषितला जताक नीला फडी, फेद्दा आवाजला मंदीन आनेदेंक आंट्या, हे यहुदी मंदीलाला इंगा यरुशलेम शहरला निलचेतोरलाला, नाद माटा लक्ष इच्ची इनना इंगा निन मिक शपतान की इदी येम आयतुनाद. 15यल्ला मीर विचार शेस्तार की इ मंदी नशाला उंडार पण इल्ला लेद येनटीक की फद्दीनी नऊ वागीनाय. 16पण योएल संदेष्ट्याड येम शप्पीन्या आदी इदी उंडाद:#योएल 2:28-32.
17परमेश्वर आंटाड, “आखरी दिनमुलाला इल्ला आय्यी की,
निन आंता मंदी मिंदा ना पवित्र आत्माद वर्षाव शेशान,
आप्पुड मी कोडकुल इंगा कुतुरलु भविष्यवाणील शेशार.
मी जवानोरकी दृष्टांतलु कमशी इंगा मी मुसल्योरकी कलाल फडी.
18इंगा आ दिनमुलाला निन ना दासला मिंदा इंगा दासिला मिंदा
ना पवित्र आत्माद वर्षाव शेशान,
इंगा वार भविष्यवाणील शेशार.
19इंगा फैना मोडामला अद्भुत फनुल
इंगा पृथ्वी मिंदा चिन्हल, आंटे रक्ताम, आग्गी इंगा फोगाय ढगलु सुपीच्यान.
20प्रभुनदी महान इंगा प्रसिद्ध दिनमु दावा काना मुंची
सुर्य अंधकारमय इंगा चंद्र रक्तामदी आय्यी.
21आप्पुड इल्ला आय्यी की यवाड पण प्रभुनदी फेर तिस्कुनी वानदी तारण आय्यी.”
22“हे इस्राएललोन मंदीलाला इनना: मिक आंदारकी यरका उंडाद की, परमेश्वर नासोरी येशुन शेयता मी मुंदार यंता फेद्दाय फनुल, चमत्कारलु इंगा चिन्हल शेशा. दिन मिंदकेल इदी सिद्ध आयताद की येशुड परमेश्वर तीकेल मी तीकुड आंपीनोड उंड्या. 23परमेश्वर योजनालेका वाड पहिलाने इदी ठराया मतीन्या की येशुन मी शेतल्या इच्चेदेंक वच्ची इंगा मीर वान फट्टी पापी मंदी शेतलाला इच्ची वान क्रुस मिंदा खिळाशी मतेशार; 24पण वाने परमेश्वर साव दुखलोन्केल इडपीच्ची वापस जिवंत शेशा, येनटीक की वानकी सावला निलचेद अशक्य उंड्या. 25दाविद राजा वान बद्दल इल्ला आंटाड,
‘निन परमेश्वरनी ना मुंदार नेहमी सुशीनान;
निन फडाराद आंका वाड ना मंची शेय तीकुड उंडाड.
26दिनिचांग नाद मन आनंदीत आयनाद इंगा नाद न्यालका वानदी स्तुती शेस्तुनाद इंगा नाद फय पण आशाला टीकाशी उंडी.
27येनटीक की नु नाद जेम मृतलोकला फेट्टाक फोयाव,
इंगा नी पवित्र मनशीन कबरला शेडानियाक फोयाव.
28जीवनदी दावा नु नाक शप्पीनाव; नु नन्नु नी उपस्थितीला आनंदता निंचेशाव.’”#स्तोत्रसंहिता 16:8-11.
29“हे आक्का-तम्मुळ्ळालाला, निन पुर्ण विश्वासता कुलाधीपती दाविद राजान बद्दल मिक शपतान की वाड सच्ची फोया, वान बुडशेदेंक वच्या इंगा वानदी कबर इबद पण मना नडमा उंडाद.#1 राजे 2:10. 30वाड संदेष्टाड उंड्या, इंगा वानकी यरका उंड्या की परमेश्वर वानकी अभिवचन इच्चीन्या की नी बिळ्ळा लोन्केल वगान निन नी राजासन मिंदा कुसना मत्यान. 31इदी वानकी पहिलाने यरका उंड्या आंका वाड ख्रिस्तन पुनरुत्थान बद्दल इल्ला आन्या की, वान मृतलोकला इडस्काडा लेद, इंगा वान शरीरनी कबरला शेडीफोनीयालेद. 32इद्दे येशुन परमेश्वर सच्चीनोर लोन्केल लेप्या, दिन बद्दल मिम आंदार साक्षी उंडाम. 33दिनिचांग येशुड परमेश्वर मंची शेय तीकुड कुसनीनोड उंडाड, वानकी पवित्र आत्मा बद्दलदी वचन आब्बान तीकेल शिक्कीन्या, इंगा इप्पुड मीर येम सुस्तुनार इंगा इंटुनार दानदी वर्षाव वाड शेशीनाड.”
34“येनटीक की दाविद राजा स्वर्गलोंग फोलेद, पण वाड स्वता आंटाड,
‘परमेश्वर ना प्रभुनकी#2:34 प्रभुनकी ख्रिस्त शप्या की,
35निन नी शत्रुलान नी काळा किंदा येशी नंताक
नु ना मंची शेय तीकेल कुसुन.’”#स्तोत्रसंहिता 110:1.
36“दिनिचांग, इस्राएल लोन्टोर आंदार मंदी निश्चयपुर्वक समजाशी तिस्कुनाला की, या येशुन मीर क्रुस मिंदा खिळाशी मतेस्तीर वान परमेश्वर प्रभु इंगा ख्रिस्त इल्ला ठराया मत्या.” 37पेत्रय माटलु इनी वार मनला शेंगेम दुख आय्या इंगा वार पेत्रन इंगा बाकी प्रेषितलान आडगेदेंक आंटीर, “हे तम्मुळ्ळालाला, मिम येम शेयाला?” 38पेत्र वारनी आन्या, “पश्चात्ताप शेयना इंगा मी पापलाद क्षमा कावाला, आंका मी दिंटल्योन्टोड प्रत्येक मनशी येशु ख्रिस्तन फेरता बाप्तिस्मा तिस्कोंडा, आंटे मिक पवित्र आत्माद दान शिक्की. 39येनटीक की इदी वचन मिक मी बिळ्ळाक इंगा यवार धुराम उंडार, वार आंदार इचांग इच्चीनाड, यवारनी परमेश्वर वान देगार फिल्चीनाड.” 40इंगा वाड इंगोगोय शेंगेम माटलु शप्पी वारकी साक्ष इच्या इंगा समजायमती शप्या, “इ दुष्ट पिढीकेल स्वतान बतका मतना.” 41आप्पुड यवार वान संदेशनी स्वीकार शेशीर वारदी बाप्तिस्मा आय्या, इंगा आबद वार दिंटल्या तीन हजार मंदी जुळाशीर.
विश्वासी मंदीद धार्मिक जीवन
42वार प्रेषितला तीकेल नेरशेदेंक इंगा संगती शेशेदेंक, प्रभुभोज तिस्कुनेदेंक इंगा प्रार्थना शेशेदेंक तत्पर उंडदुर.
43आप्पुड प्रत्येक मनशीक यरपु आय्या, इंगा प्रेषितला शेतलाता शेंगेम चमत्कारी फनुल इंगा चिन्हल घडायदु. 44आप्पुड आंता विश्वासी मंदी वगातळा निलदुर इंगा वार देगार येम उंडु आदी फंचकेन तिस्कुंदुर, 45वार स्वताद भुमी इंगा धन आम्मी यल्ला-यल्ला प्रत्येक मनशीक गरज फडदु, आल्ला-आल्ला आंदारकी फंची इद्दुर. 46वार धीन्नाम वगामनता परमेश्वर भवनला जमा आयदुर, प्रत्येक इंटल्या प्रभुभोज तिस्कुंदुर इंगा परमेश्वरदी स्तुती शेस्केन आनंदता इंगा निष्कपट मनता रोट्या तिनदुर; 47आंता मंदी वार इचांग खुश उंडदुर इंगा प्रभुड तारण आयने मंदीन धीन्नाम मंडळीला जोडदु.