Kwabase-Efesu 3:14-21
Kwabase-Efesu 3:14-21 IsiZulu 2020 (ZUL20)
Ngenxa yalokho, ngiguqa ngamadolo kuYise eyethiwe ngaye imindeni yonke ezulwini nasemhlabeni, ukuba ngokwengcebo yenkazimulo yakhe aninike ukuba niqiniswe emandleni kumuntu wangaphakathi ngoMoya wakhe. UKhristu ahlale ezinhliziyweni zenu ngokukholwa, ukuze nigxile, nisekelwe othandweni, nibe namandla okuqonda kanye nabangcwele bonke okungububanzi, ubude, ukuphakama, nokujula kothando lwakhe, nilwazi uthando lukaKhristu olwedlula ukuqonda konke, ukuze nipheleliswe ngokuphelela konke kukaNkulunkulu. KuYena onamandla okwenza okukhulu kakhulu kunakho konke esikucelayo nesikuqondayo ngokwamandla asebenza kithi, makube kuye udumo ebandleni nakuKhristu uJesu ezizukulwaneni zonke, phakade naphakade. Amen.
Kwabase-Efesu 3:14-21 IBHAYIBHELI ELINGCWELE (ZUL59)
Ngenxa yalokho ngiguqa ngamadolo ami kuYise, eyethiwa ngaye imindeni yonke ezulwini nasemhlabeni, ukuba ngokwengcebo yenkazimulo yakhe aninike ukuqiniseka emandleni ngoMoya wakhe kumuntu ongaphakathi; uKristu ahlale ezinhliziyweni zenu ngokukholwa, ukuze nigxile, nisekelwe othandweni, nibe namandla okuqonda kanye nabangcwele bonke okungububanzi, nobude, nokuphakama, nokujula, nokulwazi uthando lukaKristu oludlula ukwazi konke, ukuze nigcwaliswe kube ngukugcwala konke kukaNkulunkulu. Kepha yena onamandla okwenza okukhulu kakhulu kunakho konke esikucelayo nesikuqondayo ngokwamandla asebenza kithi, makube kuye udumo ebandleni nakuKristu Jesu ezizukulwaneni zonke zaphakade naphakade. Amen.
Kwabase-Efesu 3:14-21 Contemporary Zulu Bible 2024 (CZB24)
Ngalokho ngiyaguqa kuYise weNkosi yethu uJesu Kristu; okuqanjwe ngaye umndeni wonke wasezulwini nasemhlabeni. Ukuze aninike ngokwengcebo yenkazimulo yakhe ukuba niqiniswe ngamandla ngoMoya wakhe kumuntu ongaphakathi; ukuze uKristu ahlale ezinhliziyweni zenu ngokukholwa; ukuze nina, nigxilile, nisekelwe othandweni; Kambe likwazi kanye labo bonke abangcwele ukuthi buyini ububanzi, lobude, lokujula, lokuphakama; Nokwazi uthando lukaKristu oludlula ukwazi, ukuze nigcwaliswe ngakho konke ukugcwala kukaNkulunkulu. Kuye yena onamandla okwenza okukhulu kakhulu kunakho konke esikucelayo nesikucabangayo ngokwamandla asebenza kithi. Makube kuye udumo ebandleni ngoKristu Jesu ezizukulwaneni zonke zaphakade naphakade. Amen.
Kwabase-Efesu 3:14-21 Baasraak Zulu New Testament Bible (ZULUNT)
Ngalokho ngiyaguqa kuYise weNkosi yethu uJesu Kristu; okuqanjwe ngaye umndeni wonke wasezulwini nasemhlabeni. ukuze aninike ngokwengcebo yenkazimulo yakhe ukuba niqiniswe ngamandla ngoMoya wakhe kumuntu ongaphakathi; ukuze uKristu ahlale ezinhliziyweni zenu ngokukholwa; ukuze nina, nigxilile, nisekelwe othandweni; Kambe likwazi kanye labo bonke abangcwele ukuthi buyini ububanzi, lobude, lokujula, lokuphakama; Nokwazi uthando lukaKristu oludlula ukwazi, ukuze nigcwaliswe ngakho konke ukugcwala kukaNkulunkulu. Kuye yena onamandla okwenza okukhulu kakhulu kunakho konke esikucelayo nesikucabangayo ngokwamandla asebenza kithi. Makube kuye udumo ebandleni ngoKristu Jesu ezizukulwaneni zonke zaphakade naphakade. Amen.