Anjam - 2014 Edition (NT) Non-Drama

Anjam - 2014 Edition (NT) Drama

<div class="version vid1743 iso6393boj" data-vid="1743" data-iso6393="boj">
 <div class="book bkMAT">
 <div class="chapter ch3" data-usfm="MAT.3">
 <div class="label">3</div><div class="s1">Jon yansnjro qaji a Qotei aqa anjam palontoqnej</div><div class="p"> 1Bunuqna Jon yansnjro qaji a Judia na&#331;go wadau sawaq di brantej. Brantosiq dia tamo u&#331;gasari na&#331;gi Qotei aqa anjam palontosiq endegsi minjroqnej, 2&#8220;Qotei la&#331; qureq di unu qaji a nu&#331;go Mandor Koba sosim ni&#331;gi taqat&#331;gwajqa bati jojomqo. Deqa ni&#331;gi are bulyiy.&#8221; 3Jon a kumbra degyej deqa anjam bei Qotei aqa medabu o tamo Aisaia nami marej qaji di aqa damu brantej. A Jon qa endegsi marej, &#8220;Tamo bei a wadau sawaq di tigelosimqa a tula&#331; lele&#331;oqnsim tamo u&#331;gasari na&#331;gi endegsim minjroqnqas, &#8216;Tamo Koba a bqajqa gam gereiyetiy. Gam tingitetiy.&#8217;&#8221;</div><div class="p"> 4Jon a wadau sawaq di sosiqa a gara jugo kamel aqa ju&#331;gum na gereiyo qaji di jugoqnsiqa alalag na si&#331;gilatosiq laqnej. A i&#331;gi uyo saiqoji deqa a sis ti bisim qaq ti uyoqnej. 5Bati deqa tamo u&#331;gasari Jerusalem di soqneb qaji na&#331;gi ti Judia sawaq di soqneb qaji na&#331;gi ti qure kalil Jordan ya qalaq di soqneb qaji na&#331;gi ti tigelosib Jon aqa areq boqneb. 6Boqnsibqa na&#331;go une kalil babteqnab Jon na Jordan yaq di yansnjroqnej.</div><div class="p"> 7Bati deqa Farisi tamo ti Sadyusi tamo ti tula&#331; gargekoba na&#331;gi Jon na yansnjrqa marsibqa aqa areq beqnabqa unjrsiqa na&#331;gi endegsi minjroqnej, &#8220;Ni&#331;gi kumbra uge yo qaji tamo. Ni&#331;gi amal uge bul. Ni&#331;gi yai na mer&#331;gwoqa mondo&#331; Qotei aqa minji&#331; nu&#331;goq aiyaim deqa ulaosib ijoq bonub? 8Ni&#331;gi are bulyosib nu&#331;go kumbra uge kalil uratosib kumbra bole bole yoqniy. Yim e unsiy marqai, &#8216;Bole, ni&#331;gi are bulyonub.&#8217; Osiy ni&#331;gi yans&#331;gwai. 9Ni&#331;gi endegsib are qalaib, &#8216;Abraham a gago moma utru unu deqa iga Qotei aqa &#331;amgalaq di tamo bole.&#8217; Ni&#331;gi degsib are qalaib. Ni&#331;gi quiy. Qotei na marimqa meni&#331; kalil endi dego tamo bulyosib tigelosib Abraham aqa moma brantqab. 10Qotei na tapor qalat ojsiqa &#331;am qomqajqa utruq di atej unu. Deqa &#331;am kalil gei bole atosaieqnub qaji di Qotei na tapor dena qomele&#331;osim &#331;amyuwoq di breinjrqas.</div><div class="p"> 11&#8220;Ni&#331;gi are bulyqajqa deqa e ya na ni&#331;gi yans&#331;geqnum. Ariya Tamo Koba a bunuqna ijo qoreq na bqas. A tamo si&#331;gila koba. Ijo si&#331;gila aqa si&#331;gila ti keresai. Deqa e a ka&#331;galyqajqa e tamo bolesai. A bosimqa Mondor Bole aqa si&#331;gila na ti &#331;amyuwo na ti ni&#331;gi yans&#331;gwas. 12A bem sum &#241;oqoryosim damu ele&#331;osim aqa talq di atqas. Osim a bem sum aqa suwi breinjrim &#331;amyuwo gaigai yuejunu qaji dia yuekritqab.&#8221;</div><div class="s1">Jon na Yesus yansej</div><div class="p"> 13Bati deqa Yesus a Galili sawaq dena tigelosiqa walwelosiq Jordan yaq gilej. A Jon na yansqa marsiqa aqa areq gilej. 14Gilnaqa Jon na saidyosiq minjej, &#8220;Ni e yansbqam di kere. Kiyaqa e ni yansmqa marsim ijoq bonum?&#8221; 15Onaqa Yesus na kamba minjej, &#8220;U&#331;gum. Ni ijo anjam dauryosim e yansbe. Yimqa kumbra dena iga Qotei aqa areqalo kalil keretosim dauryqom.&#8221; Onaqa Jon a Yesus aqa anjam di dauryosiqa a yansej.</div><div class="p"> 16Yesus a yanso osiqa a yaq na tigelosiqa tarosiq la&#331; goge koqyonaqa la&#331; waqej. La&#331; waqonaqa Qotei aqa Mondor a bino&#331; bulosiq aisiq Yesus aqa jejamuq di awoonaq unej. 17Unnaqa la&#331; goge dena Qotei aqa anjam bei endegsi brantej, &#8220;Endi ijo a&#331;gro qujai. E a tula&#331; qalaqalaiyeqnum. E a qa tula&#331; areboleboleibeqnu.&#8221;</div>
 </div>
 </div>
</div>

Bunuqna Jon yansnjro qaji a Judia naŋgo wadau sawaq di brantej. Brantosiq dia tamo uŋgasari naŋgi Qotei aqa anjam palontosiq endegsi minjroqnej, “Qotei laŋ qureq di unu qaji a nuŋgo Mandor Koba sosim niŋgi taqatŋgwajqa bati jojomqo. Deqa niŋgi are bulyiy.” Jon a kumbra degyej deqa anjam bei Qotei aqa medabu o tamo Aisaia nami marej qaji di aqa damu brantej. A Jon qa endegsi marej, “Tamo bei a wadau sawaq di tigelosimqa a tulaŋ leleŋoqnsim tamo uŋgasari naŋgi endegsim minjroqnqas, ‘Tamo Koba a bqajqa gam gereiyetiy. Gam tingitetiy.’”
Jon a wadau sawaq di sosiqa a gara jugo kamel aqa juŋgum na gereiyo qaji di jugoqnsiqa alalag na siŋgilatosiq laqnej. A iŋgi uyo saiqoji deqa a sis ti bisim qaq ti uyoqnej. Bati deqa tamo uŋgasari Jerusalem di soqneb qaji naŋgi ti Judia sawaq di soqneb qaji naŋgi ti qure kalil Jordan ya qalaq di soqneb qaji naŋgi ti tigelosib Jon aqa areq boqneb. Boqnsibqa naŋgo une kalil babteqnab Jon na Jordan yaq di yansnjroqnej.
Bati deqa Farisi tamo ti Sadyusi tamo ti tulaŋ gargekoba naŋgi Jon na yansnjrqa marsibqa aqa areq beqnabqa unjrsiqa naŋgi endegsi minjroqnej, “Niŋgi kumbra uge yo qaji tamo. Niŋgi amal uge bul. Niŋgi yai na merŋgwoqa mondoŋ Qotei aqa minjiŋ nuŋgoq aiyaim deqa ulaosib ijoq bonub? Niŋgi are bulyosib nuŋgo kumbra uge kalil uratosib kumbra bole bole yoqniy. Yim e unsiy marqai, ‘Bole, niŋgi are bulyonub.’ Osiy niŋgi yansŋgwai. Niŋgi endegsib are qalaib, ‘Abraham a gago moma utru unu deqa iga Qotei aqa ŋamgalaq di tamo bole.’ Niŋgi degsib are qalaib. Niŋgi quiy. Qotei na marimqa meniŋ kalil endi dego tamo bulyosib tigelosib Abraham aqa moma brantqab. Qotei na tapor qalat ojsiqa ŋam qomqajqa utruq di atej unu. Deqa ŋam kalil gei bole atosaieqnub qaji di Qotei na tapor dena qomeleŋosim ŋamyuwoq di breinjrqas.
“Niŋgi are bulyqajqa deqa e ya na niŋgi yansŋgeqnum. Ariya Tamo Koba a bunuqna ijo qoreq na bqas. A tamo siŋgila koba. Ijo siŋgila aqa siŋgila ti keresai. Deqa e a kaŋgalyqajqa e tamo bolesai. A bosimqa Mondor Bole aqa siŋgila na ti ŋamyuwo na ti niŋgi yansŋgwas. A bem sum ñoqoryosim damu eleŋosim aqa talq di atqas. Osim a bem sum aqa suwi breinjrim ŋamyuwo gaigai yuejunu qaji dia yuekritqab.”

Bati deqa Yesus a Galili sawaq dena tigelosiqa walwelosiq Jordan yaq gilej. A Jon na yansqa marsiqa aqa areq gilej. Gilnaqa Jon na saidyosiq minjej, “Ni e yansbqam di kere. Kiyaqa e ni yansmqa marsim ijoq bonum?” Onaqa Yesus na kamba minjej, “Uŋgum. Ni ijo anjam dauryosim e yansbe. Yimqa kumbra dena iga Qotei aqa areqalo kalil keretosim dauryqom.” Onaqa Jon a Yesus aqa anjam di dauryosiqa a yansej.
Yesus a yanso osiqa a yaq na tigelosiqa tarosiq laŋ goge koqyonaqa laŋ waqej. Laŋ waqonaqa Qotei aqa Mondor a binoŋ bulosiq aisiq Yesus aqa jejamuq di awoonaq unej. Unnaqa laŋ goge dena Qotei aqa anjam bei endegsi brantej, “Endi ijo aŋgro qujai. E a tulaŋ qalaqalaiyeqnum. E a qa tulaŋ areboleboleibeqnu.”

Luister na Matyu 3