<div class="version vid2698 iso6393oci" data-vid="2698" data-iso6393="oci">
 <div class="book bkMAT">
 <div class="chapter ch6" data-usfm="MAT.6">
 <div class="label">6</div><div class="cl">CHAPITRE SIEISEN</div><div class="d">Seguido d&#243;u Sermoun sus la mountagno: l'&#243;u morno, la preguiero, lou june. &#8212; Destacamen di b&#232;n terr&#232;stre e fisan&#231;o &#224; la Prouvid&#232;nci.</div><div class="p"> 1Avisas-vous de pas faire v&#242;sti b&#242;nis obro davans lis ome, sus l'estigan&#231;o que vous vegon: autramen, aur&#233;s ges de recoump&#232;nso enc&#242; de voste Paire qu'es dins lou c&#232;u.</div><div class="p"> 2Adounc quouro fas l'&#243;umorno, lou fagues pas troumpeta davans tu, coume lis ipoucrito fan dins li sinagogo e dins li carriero, en visto d'&#232;stre ounoura dis ome. Veramen vous lou dise, au re&#231;aupu sa recoump&#232;nso.</div><div class="p"> 3Mai tu, quouro fas l'&#243;umorno, que ta man sen&#232;co sache pas &#231;o que faita man drecho,</div><div class="p"> 4P&#232;r que toun &#243;umorno iste dins lou secr&#232;t: e toun Paire, que v&#232;i dins lou secr&#232;t, te lou rendra.</div><div class="p"> 5Tamb&#232;n quand pregas, fugu&#233;s pas coume lis ipoucrito qu'amon de prega, en se ten&#232;nt dre dins li sinagogo emai i cantoun di pla&#231;o de ci&#233;uta, p&#232;r &#232;stre vist d&#243;u mounde#6.5 &#199;o que Noste Segnour coundano es pas de prega publicamen, mai de prega &#224; la modo farisenco p&#232;r &#232;stre v&#237;st d&#243;u mounde.. Veramen vous lou dise, an re&#231;aupu sa recoump&#232;nso.</div><div class="p"> 6Mai tu, quand pregaras, intro dins ta chambro, e, porto sarrado, pr&#232;go toun Paire d'escoundoun, e toun Paire, que v&#232;i &#224; l'escoundoun, te lou rendra.</div><div class="p"> 7Dins v&#242;sti pr&#232;go parl&#233;s pas for&#231;o, coume li pagan que s'imaginon, &#233;li, em&#233; soun paraulage, d'&#232;stre escouta.</div><div class="p"> 8Adounc prengu&#233;s pas eis&#232;mple sus &#233;li; voste Paire saup, d&#243;umaci, &#231;o que vous fai de besoun, avans que i&#233; demand&#233;s.</div><div class="p"> 9Adounc veici coume vautre pregar&#233;s:</div><div class="p">Noste Paire que sias dins lou c&#232;u, siegue voste noum santifica.</div><div class="p"> 10Que voste r&#232;gne av&#232;ngue. Siegue facho vosto voulounta coume dins lou c&#232;u ansin sus terro.</div><div class="p"> 11Donnas-nous vuei noste pan p&#232;r vi&#233;ure#6.11 L'espressioun latino supersubstantialem, revirado elo memo d&#243;u gr&#232;, v&#242;u dire &#171;lou pan necite p&#232;r la sustentacioun d&#243;u cors&#187; (V&#232;ire Knab e P. Didon, Op. cit.).</div><div class="p"> 12E remet&#232;s-nous n&#242;sti d&#232;ute, coume li remet&#232;n nous-autre en quau nous es dev&#232;nt.</div><div class="p"> 13E noun nous adugu&#233;s en tentacioun; mai deli&#233;uras-nous d&#243;u mau#6.13 O b&#232;n, coume d'&#249;ni traduson, d&#243;u Cati&#233;u.. Ansin siegue.</div><div class="p"> 14Car se perdounas is ome si mancamen, voste Paire cel&#232;ste vous perdounara per&#233;u &#224; vautre v&#242;sti pecat.</div><div class="p"> 15Mai se noun perdounas is ome, voste Paire vous perdounara pas nimai v&#242;sti pecat.</div><div class="p"> 16Quand junas, fagu&#233;s pas li triste coume lis ipoucrito: prenon uno figuro estirado p&#232;r faire v&#232;ire au mounde que junon. Veramen vous lou dise, an re&#231;aupu sa recoump&#232;nso.</div><div class="p"> 17Mai tu, quouro junes, perfumo-te la t&#232;sto e lavo-te la caro,</div><div class="p"> 18P&#232;r pas faire v&#232;ire is ome que junes, mai &#224; toun Paire, qu'es aqui &#224; l'escoundu; e toun Paire, que v&#232;i &#231;o qu'es escoundu, te lou rendra.</div><div class="p"> 19Vous acamp&#233;s pas de tresor sus la terro, que lou rouvi e li verme vous li manjon e li laire li dessousterron e li raubon.</div><div class="p"> 20Mai acampas-vous de tresor dins lou c&#232;u ounte ni lou rouvi ni li verme li manjon, ounte i'a ges de laire que li dessousterron e li raubon.</div><div class="p"> 21Car ounte i'a toun tresors, aqui per&#233;u i'a toun cor.</div><div class="p"> 22Toun uei es la l&#224;mpi de toun cors. Se toun uei es simple#6.22 San, clar e linde. tout toun cors sara luminous.</div><div class="p"> 23Mai se toun uei es cati&#233;u#6.23 Degaia, nebla. &#8212; Dins aqu&#233;sti dous verset, Noste Segne J&#232;su coumparo l'entencioun &#224; l'uei que nous failume. Aqu&#233;u qu'agis p&#232;r Di&#233;u em'uno entencioun simplo e puro p&#242;u pas faire autre que d'&#232;stre enfant de lumiero. Mai aqu&#233;u-d'aqui es enfant de sourniero qu'agis em&#233; d'entencioun marrido, emai fugon bono sis acioun. (V&#232;ire S. Lu, xi, 34-35). tout toun cors sara sourne. Adounc, se la lumiero qu'es en tu es sourniero, de quant sara mai grando la sourniero elo-memo!</div><div class="p"> 24Degun p&#242;u servi dous m&#232;stre: car n'aura un en &#242;di e l'autre en afecioun, o b&#232;n prendra li part de l'un e mespresara l'autre. Noun poud&#232;s servi Di&#233;u e Manmoun#6.24 Val&#232;nt-&#224;-dire l'arg&#232;nt qu'ac&#242;'s l'idolo e lou di&#233;u d'aquest mounde. V&#232;ire &#231;o que S. Pau dis d&#243;u lucrige, i Couloussen, iii, 5..</div><div class="p"> 25Amor d'ac&#242; vous dise: Fugu&#233;s pas en pensamen p&#232;r voste cors, saupre coume l'abihar&#233;s. La vido, es que vau pas mai que la nourrituro, e lou cors pas mai que lou vi&#232;sti?</div><div class="p"> 26Espinchas lis auc&#232;u de l'&#232;r: noun semenon ni meissounon e n'acampon r&#232;n dins lis &#242;rri; mai voste Paire d'amoundaut lis apasturo. Es que sias pas, vous-autre, b&#232;n mai qu'&#233;li?</div><div class="p"> 27Quau d'entre-vautre, em&#233; si pensamen, p&#242;u apoundre &#224; sa taio soulamen uno couidado#6.27 Loungour de l'avans-bras enjusquo au bout di det.?</div><div class="p"> 28Perqu&#233; tamb&#232;n vous lagna raport &#224; voste vi&#232;sti? Ousservas coume lis ile de champ#6.28 P&#232;r aqu&#233;lis ile de champ fau ent&#232;ndre l'anemouno qu'es for&#231;o coumuno en Jud&#232;io e que, p&#232;r sa coulour d'un rouge d'or, reverto lou vi&#232;sti de pourpro di r&#232;i de l'Ouri&#232;nt (V&#232;ire Jud. viii, 26; Cant. vii, 5; Est. viii, 15; Dan. v. 7, 16, 29 e Vigouroux, Dictionnaire de la Bible, mot An&#233;mone e la plancho qu'aquelo flour i'es pintado. fan soun creiss&#232;nt: ni travaion, ni fielon.</div><div class="p"> 29E pamens, vous l'afourtisse, Salamoun dins touto sa gl&#242;ri noun &#232;ro abiha coume l'un d'&#233;li.</div><div class="p"> 30Adounc, s'uno erbo de champ, que vuei es aqui e deman la jitaran dins lou four, Di&#233;u a siuen de la vesti coume ac&#242;, de quant aura mai siuen de v&#224;utri, g&#232;nt de pau de fe?</div><div class="p"> 31Noun vous metegu&#233;s dounc en soucit, dis&#232;nt: Dequ&#233; manjaren? dequ&#233; b&#233;uren! coume nous abiharen?</div><div class="p"> 32De tout ac&#242;-d'aqui li pagan se n'inquieton. Saup, boutas, voste Paire, que de tout ac&#242; n'av&#232;s besoun.</div><div class="p"> 33Cercas dounc proumi&#233; lou reiaume de Di&#233;u#6.33 Sa gr&#224;ci en aquest mounde esa gl&#242;ri dins l'autre. e sa justi&#231;o#6.33 Val&#232;nt-&#224;-dire d'acoumpli si coumandamen. e t&#243;uti aqu&#233;li causo vous vendran p&#232;r dessus.</div><div class="p"> 34Ansin noun vous metegu&#233;s en soucit de l'endeman; car l'endeman aura siuen d'&#233;u: chasque jour a proun de soun mau.</div>
 </div>
 </div>
</div>

Historical text printed in 1903, maintained by the British and Foreign Bible Society.

Avisas-vous de pas faire vòsti bònis obro davans lis ome, sus l'estiganço que vous vegon: autramen, aurés ges de recoumpènso encò de voste Paire qu'es dins lou cèu.
Adounc quouro fas l'óumorno, lou fagues pas troumpeta davans tu, coume lis ipoucrito fan dins li sinagogo e dins li carriero, en visto d'èstre ounoura dis ome. Veramen vous lou dise, au reçaupu sa recoumpènso.
Mai tu, quouro fas l'óumorno, que ta man senèco sache pas ço que faita man drecho,
Pèr que toun óumorno iste dins lou secrèt: e toun Paire, que vèi dins lou secrèt, te lou rendra.
Tambèn quand pregas, fugués pas coume lis ipoucrito qu'amon de prega, en se tenènt dre dins li sinagogo emai i cantoun di plaço de ciéuta, pèr èstre vist dóu mounde. Veramen vous lou dise, an reçaupu sa recoumpènso.
Mai tu, quand pregaras, intro dins ta chambro, e, porto sarrado, prègo toun Paire d'escoundoun, e toun Paire, que vèi à l'escoundoun, te lou rendra.
Dins vòsti prègo parlés pas forço, coume li pagan que s'imaginon, éli, emé soun paraulage, d'èstre escouta.
Adounc prengués pas eisèmple sus éli; voste Paire saup, dóumaci, ço que vous fai de besoun, avans que ié demandés.
Adounc veici coume vautre pregarés:
Noste Paire que sias dins lou cèu, siegue voste noum santifica.
Que voste règne avèngue. Siegue facho vosto voulounta coume dins lou cèu ansin sus terro.
Donnas-nous vuei noste pan pèr viéure.
E remetès-nous nòsti dèute, coume li remetèn nous-autre en quau nous es devènt.
E noun nous adugués en tentacioun; mai deliéuras-nous dóu mau. Ansin siegue.
Car se perdounas is ome si mancamen, voste Paire celèste vous perdounara peréu à vautre vòsti pecat.
Mai se noun perdounas is ome, voste Paire vous perdounara pas nimai vòsti pecat.
Quand junas, fagués pas li triste coume lis ipoucrito: prenon uno figuro estirado pèr faire vèire au mounde que junon. Veramen vous lou dise, an reçaupu sa recoumpènso.
Mai tu, quouro junes, perfumo-te la tèsto e lavo-te la caro,
Pèr pas faire vèire is ome que junes, mai à toun Paire, qu'es aqui à l'escoundu; e toun Paire, que vèi ço qu'es escoundu, te lou rendra.
Vous acampés pas de tresor sus la terro, que lou rouvi e li verme vous li manjon e li laire li dessousterron e li raubon.
Mai acampas-vous de tresor dins lou cèu ounte ni lou rouvi ni li verme li manjon, ounte i'a ges de laire que li dessousterron e li raubon.
Car ounte i'a toun tresors, aqui peréu i'a toun cor.
Toun uei es la làmpi de toun cors. Se toun uei es simple tout toun cors sara luminous.
Mai se toun uei es catiéu tout toun cors sara sourne. Adounc, se la lumiero qu'es en tu es sourniero, de quant sara mai grando la sourniero elo-memo!
Degun pòu servi dous mèstre: car n'aura un en òdi e l'autre en afecioun, o bèn prendra li part de l'un e mespresara l'autre. Noun poudès servi Diéu e Manmoun.
Amor d'acò vous dise: Fugués pas en pensamen pèr voste cors, saupre coume l'abiharés. La vido, es que vau pas mai que la nourrituro, e lou cors pas mai que lou vièsti?
Espinchas lis aucèu de l'èr: noun semenon ni meissounon e n'acampon rèn dins lis òrri; mai voste Paire d'amoundaut lis apasturo. Es que sias pas, vous-autre, bèn mai qu'éli?
Quau d'entre-vautre, emé si pensamen, pòu apoundre à sa taio soulamen uno couidado?
Perqué tambèn vous lagna raport à voste vièsti? Ousservas coume lis ile de champ fan soun creissènt: ni travaion, ni fielon.
E pamens, vous l'afourtisse, Salamoun dins touto sa glòri noun èro abiha coume l'un d'éli.
Adounc, s'uno erbo de champ, que vuei es aqui e deman la jitaran dins lou four, Diéu a siuen de la vesti coume acò, de quant aura mai siuen de vàutri, gènt de pau de fe?
Noun vous metegués dounc en soucit, disènt: Dequé manjaren? dequé béuren! coume nous abiharen?
De tout acò-d'aqui li pagan se n'inquieton. Saup, boutas, voste Paire, que de tout acò n'avès besoun.
Cercas dounc proumié lou reiaume de Diéu e sa justiço e tóuti aquéli causo vous vendran pèr dessus.
Ansin noun vous metegués en soucit de l'endeman; car l'endeman aura siuen d'éu: chasque jour a proun de soun mau.

Luister na Sant Matiéu 6