Bible Text in Txitxopi© SociedadeBíblica de Moçambique, 1999 Audio recording of the Bible Text ℗ Hosanna, 2018

Txitxopi - 1999 MOZ (NT) Drama

<div class="version vid2848 iso6393cce" data-vid="2848" data-iso6393="cce">
 <div class="book bkJHN">
 <div class="chapter ch10" data-usfm="JHN.10">
 <div class="label">10</div><div class="s">Txidinganiso txa txibala txa tinvuta</div><div class="p"> 1&#8220;Ngu ditshuri, ngu ditshuri, na mi gela ti to awule asi wuleliko ngu ha txikeni, txibalani ka tinvuta, kambe a wulelako ngu wumwani wukhalo, ndikhamba, didhawa njigevenga. 2Ani wule i ku m'dyisi wa tinvuta a wulela ngu txike. 3Muwoneleti wa txike, wa mtulela txibala, se tinvuta tiengisa dipswi dakwe. Se ene a dhana tinvuta takwe ngu matina a tona, e ti humisa hahanze. 4Se ngako a di humisile totshe tinvuta takwe, wa thangela masoni ka tona, se tinvuta ti mu londetela ngu msana, nguko ta di ziva dipswi dakwe. 5Aniko kha ti londeteli awule ti si mu ziviko, kambe ti na mu thava, nguko kha ti di zivi dipswi da vamwanyane.&#8221; 6Jesu a va mahete txidinganiso txiya, aniko vona kha va ti pima ti a nga ti lava ku va gela tona.</div><div class="p"> 7Jesu a engetile e va gela kambe a txi khene &#8220;Ngu ditshuri, ngu ditshuri, na mi gela ti to ani ngani ni ku txike txa tinvuta. 8Votshe vale va nga ta, ni sanzi kubwaka ani, makhamba phuho nzigevenga, kambe tinvuta kha ta va engisa. 9Ani ngani ni ku txike: Ngako m'thu a txi wulela ngu ngani, a na hanyiswa; a na wulela, a txi huma, eya mana lihawu. 10Dikhamba di tela ku ta pa ni ku ta daya ni ku ta vhandamusa basi. Ani ni tete ku ta ti ninga wutomi, ti txi mana kuhanya ka kuenela.&#8221;</div><div class="p"> 11&#8220;Ani ngani mudyisi wamnene. M'dyisi wamnene ngu wu a ningelako wutomi wakwe ngu mhaka ya tinvuta takwe. 12Mthumeli wa male, awu i ku si nga m'dyisi, awu tinvuta ti si mu lumbiko, ngako a txi wona dixolwa di txi ta, a leka tinvuta, a txi tutuma, se dixolwa di txi honyola tinvuta, di txi ti hangalasa. 13Ene a maha tiya nguko a humela male dwe, kha khatali ngu tinvuta. 14#Wona ni ka: Mat. 11:27; Luk. 10:22. Ani ni M'dyisi wamnene, tinvuta tangu na tiziva, nitona tinvuta tangu ta ni ziva. 15Nga tiya Tate wangu a ni zivako, nanani na m'ziva Tate, se ni ningela wutomi wangu ngu mhaka ya tinvuta tangu. 16Nina ni timwani tinvuta kambe, ti sinziko kuvata txibala txiya, aniko kulaveka ti to ni ti tshanganisa, ti ta engisa dipswi dangu, se ku nava ni mtxhambi wumwewo ni M'dyisi mmweyo. 17Tate wa ni randa, nguko ni ningela wutomi wangu, awu ni tshumelako kambe ni txi wu mana; 18Ku walo m'thu wu a ni tekelako wutomi, aniko ngani ngu kuranda kwangu ni wu ningelako. Nina ni mtamo wa ku wu ningela, kambe ni na ni mtamo wa kutshumela ni txi wu mana. Awuwa ngu wona mlayo wu ni nga ningwa ngu Tate wangu.&#8221;</div><div class="p"> 19Ku to wuka kambe kuhambana hagari ka Vajudha ngu mhaka ya dipswi diya. 20Wungi wawe, va ti ti kha vona: &#8220;Ana ni didhimoni, a hundekile! Ngu kutxani mi mu engiselako kani?&#8221; 21Vamwani va txi kha vona: &#8220;Mapswi awa hi nga a m'thu wu a ku ni didhimoni. Didhimoni ina di nga tula maso a mabhofu kani?&#8221;</div><div class="s">Jesu ngako a txi nyenywa ngu Vajudha</div><div class="p"> 22Jerusalema, ku ti ni m'buso wa Kusawulekiswa ka Dithepele. I ti wuxika. 23Se Jesu a txi tsimbilatsimbila Dithepeleni, m'hubheni ka Solomoni. 24Vajudha va to mu randela, va txi kha vona kwakwe:</div><div class="p">&#8220;U na leka ditshiku muni ku hi kanakanisa timbilu, kani? Ngako u di Mesiya, ti wombe ha kubasani.&#8221;</div><div class="p"> 25Jesu a to xamula a txi khene:</div><div class="p">&#8220;Ni mi gete, aniko kha mi tumeli. Mithumo yi ni yi mahako ngu ditina da Tate wangu, ngu yona yi ni fakazelako. 26Kambe anu kha mi tumeli, nguko kha mi nga tinvuta tangu. 27Tinvuta tangu ta engisa dipswi dangu, se ani na tiziva, nitona ta ni londisa. 28Ani na ti ninga wutomi wu wu si gumiko. Txima kha ti na mbi lova ni ditshiku ni da dimwedo, kambe kha ku na m'thu wu a no ti honyola manzani kwangu. 29Tate wangu, a nga ni ninga tona, mbwa hombe ngutu ka votshe; se kha ku na m'thu wu a sikotako kuhonyola txilo manzani ka Tata. 30Ani ni Tate hi mmweyo.&#8221;</div><div class="p"> 31Sekoko Vajudha va to tshumela ve rola marigwi, kasi ku m'balisela. 32Jesu a to va xamula, a txi khene:</div><div class="p">&#8220;Ni mi kombisile mithumo yo tala, yo tshura, ayi yi humako ngu ka Tata. Mi lava ku ni balisela ngu wuhi ka yona, kani?&#8221;</div><div class="p"> 33Vajudha va to xamula, va txi kha vona:</div><div class="p">&#8220;Kha hi lavi ku kubalisela ngu mhaka ya mthumo wa kutshura, aniko ngu mhaka ya txiruko, nguko awe, u ku m'thu, u ti maha Txizimu.&#8221;</div><div class="p"> 34 # Wona ni ka: Mas. 82:6. Jesu a to va xamula a txi khene:</div><div class="p">&#8220;Ina kha ka bhalwa Mlayoni kwanu tito: &#8216;Ni ti khani: Mi sizimu.&#8217; 35Amu ka Mlayo va dhanwa ku i sizimu ava dipswi da Txizimu di nga rumelwa kwawe; se awalo wu a sikotako kufuvisa Mibhalo. 36Ka wule a nga sawulekiswa e rumwa ngu Txizimu ha ditikoni, anu mi khanu: &#8216;Awe wa ruka!&#8217; Nguko ni nga khani: &#8216;Ni Mwanana wa Txizimu&#8217;, kani? 37Ngako ni si thumi mithumo ya Tate wangu, mi nga kholweni kwangu. 38Aniko, ngako ni txi yi thuma, hambi mi si kholwi kwangu, kholwani ka yona mithumo, kasi ku tiziva, mi va mi txi ti zivisisa ti taku Tate a kwangu, nani ni kwakwe.&#8221;</div><div class="p"> 39Ngu toneto, va to engeta ve lava ku m&#241;ola, aniko ene a to pshwitimuka manzani kwakwe.</div><div class="p"> 40 # Wona ni ka: Joh. 1:28. Se a to tshumela e tsula mtxhatuko ka Jordhani, ahawa Johani a nga ti khatile kubhabhatisa kona, eya zumba kona. 41Vavangi va tile kwakwe, va ta kha vona:</div><div class="p">&#8220;Johani kha ditshuri, kha maha txidiwukiso ni txa tximwetxo, aniko totshe ti a nga ti womba ngu mhaka ya m'thu wuwa, nda ditshuri.&#8221;</div><div class="p"> 42Se konaho, vavangi va to kholwa kwakwe.</div>
 </div>
 </div>
</div>

A Bíblia em Txitxopi © Bible Society in Mozambique, 2016.

“Ngu ditshuri, ngu ditshuri, na mi gela ti to awule asi wuleliko ngu ha txikeni, txibalani ka tinvuta, kambe a wulelako ngu wumwani wukhalo, ndikhamba, didhawa njigevenga. Ani wule i ku m'dyisi wa tinvuta a wulela ngu txike. Muwoneleti wa txike, wa mtulela txibala, se tinvuta tiengisa dipswi dakwe. Se ene a dhana tinvuta takwe ngu matina a tona, e ti humisa hahanze. Se ngako a di humisile totshe tinvuta takwe, wa thangela masoni ka tona, se tinvuta ti mu londetela ngu msana, nguko ta di ziva dipswi dakwe. Aniko kha ti londeteli awule ti si mu ziviko, kambe ti na mu thava, nguko kha ti di zivi dipswi da vamwanyane.” Jesu a va mahete txidinganiso txiya, aniko vona kha va ti pima ti a nga ti lava ku va gela tona.
Jesu a engetile e va gela kambe a txi khene “Ngu ditshuri, ngu ditshuri, na mi gela ti to ani ngani ni ku txike txa tinvuta. Votshe vale va nga ta, ni sanzi kubwaka ani, makhamba phuho nzigevenga, kambe tinvuta kha ta va engisa. Ani ngani ni ku txike: Ngako m'thu a txi wulela ngu ngani, a na hanyiswa; a na wulela, a txi huma, eya mana lihawu. Dikhamba di tela ku ta pa ni ku ta daya ni ku ta vhandamusa basi. Ani ni tete ku ta ti ninga wutomi, ti txi mana kuhanya ka kuenela.”
“Ani ngani mudyisi wamnene. M'dyisi wamnene ngu wu a ningelako wutomi wakwe ngu mhaka ya tinvuta takwe. Mthumeli wa male, awu i ku si nga m'dyisi, awu tinvuta ti si mu lumbiko, ngako a txi wona dixolwa di txi ta, a leka tinvuta, a txi tutuma, se dixolwa di txi honyola tinvuta, di txi ti hangalasa. Ene a maha tiya nguko a humela male dwe, kha khatali ngu tinvuta. Ani ni M'dyisi wamnene, tinvuta tangu na tiziva, nitona tinvuta tangu ta ni ziva. Nga tiya Tate wangu a ni zivako, nanani na m'ziva Tate, se ni ningela wutomi wangu ngu mhaka ya tinvuta tangu. Nina ni timwani tinvuta kambe, ti sinziko kuvata txibala txiya, aniko kulaveka ti to ni ti tshanganisa, ti ta engisa dipswi dangu, se ku nava ni mtxhambi wumwewo ni M'dyisi mmweyo. Tate wa ni randa, nguko ni ningela wutomi wangu, awu ni tshumelako kambe ni txi wu mana; Ku walo m'thu wu a ni tekelako wutomi, aniko ngani ngu kuranda kwangu ni wu ningelako. Nina ni mtamo wa ku wu ningela, kambe ni na ni mtamo wa kutshumela ni txi wu mana. Awuwa ngu wona mlayo wu ni nga ningwa ngu Tate wangu.”
Ku to wuka kambe kuhambana hagari ka Vajudha ngu mhaka ya dipswi diya. Wungi wawe, va ti ti kha vona: “Ana ni didhimoni, a hundekile! Ngu kutxani mi mu engiselako kani?” Vamwani va txi kha vona: “Mapswi awa hi nga a m'thu wu a ku ni didhimoni. Didhimoni ina di nga tula maso a mabhofu kani?”

Jerusalema, ku ti ni m'buso wa Kusawulekiswa ka Dithepele. I ti wuxika. Se Jesu a txi tsimbilatsimbila Dithepeleni, m'hubheni ka Solomoni. Vajudha va to mu randela, va txi kha vona kwakwe:
“U na leka ditshiku muni ku hi kanakanisa timbilu, kani? Ngako u di Mesiya, ti wombe ha kubasani.”
Jesu a to xamula a txi khene:
“Ni mi gete, aniko kha mi tumeli. Mithumo yi ni yi mahako ngu ditina da Tate wangu, ngu yona yi ni fakazelako. Kambe anu kha mi tumeli, nguko kha mi nga tinvuta tangu. Tinvuta tangu ta engisa dipswi dangu, se ani na tiziva, nitona ta ni londisa. Ani na ti ninga wutomi wu wu si gumiko. Txima kha ti na mbi lova ni ditshiku ni da dimwedo, kambe kha ku na m'thu wu a no ti honyola manzani kwangu. Tate wangu, a nga ni ninga tona, mbwa hombe ngutu ka votshe; se kha ku na m'thu wu a sikotako kuhonyola txilo manzani ka Tata. Ani ni Tate hi mmweyo.”
Sekoko Vajudha va to tshumela ve rola marigwi, kasi ku m'balisela. Jesu a to va xamula, a txi khene:
“Ni mi kombisile mithumo yo tala, yo tshura, ayi yi humako ngu ka Tata. Mi lava ku ni balisela ngu wuhi ka yona, kani?”
Vajudha va to xamula, va txi kha vona:
“Kha hi lavi ku kubalisela ngu mhaka ya mthumo wa kutshura, aniko ngu mhaka ya txiruko, nguko awe, u ku m'thu, u ti maha Txizimu.”
Jesu a to va xamula a txi khene:
“Ina kha ka bhalwa Mlayoni kwanu tito: ‘Ni ti khani: Mi sizimu.’ Amu ka Mlayo va dhanwa ku i sizimu ava dipswi da Txizimu di nga rumelwa kwawe; se awalo wu a sikotako kufuvisa Mibhalo. Ka wule a nga sawulekiswa e rumwa ngu Txizimu ha ditikoni, anu mi khanu: ‘Awe wa ruka!’ Nguko ni nga khani: ‘Ni Mwanana wa Txizimu’, kani? Ngako ni si thumi mithumo ya Tate wangu, mi nga kholweni kwangu. Aniko, ngako ni txi yi thuma, hambi mi si kholwi kwangu, kholwani ka yona mithumo, kasi ku tiziva, mi va mi txi ti zivisisa ti taku Tate a kwangu, nani ni kwakwe.”
Ngu toneto, va to engeta ve lava ku mñola, aniko ene a to pshwitimuka manzani kwakwe.
Se a to tshumela e tsula mtxhatuko ka Jordhani, ahawa Johani a nga ti khatile kubhabhatisa kona, eya zumba kona. Vavangi va tile kwakwe, va ta kha vona:
“Johani kha ditshuri, kha maha txidiwukiso ni txa tximwetxo, aniko totshe ti a nga ti womba ngu mhaka ya m'thu wuwa, nda ditshuri.”
Se konaho, vavangi va to kholwa kwakwe.

Luister na Johani 10