Gratis leesplanne en oordenkings oor JESAJA 40:28

Kom SAAM op reis met die verhaal van Elia en Elisa. Raak met jou eie verhaal STIL by die Here. En staan STERK in jou lewensstryd.

Daar is soveel dinge wat ons elke dag moet doen. Ons kry skaars ons daaglikse werk afgehandel – wat nog te sê om uit te kom by belangrike dinge soos ontspanning, gesinstyd en naastediens. Hierdie 5-dag-leesplan sal jou lei om te besef dat rustyd en ontspanning deel is van God se plan vir jou lewe. Dit is trouens noodsaaklik dat jy moet rus, en veral by God rus moet vind. Hy wil graag jou swaar las van jou skouers afneem en vervang met sy vrede. Hierdie oordenkings is geneem uit DIE SAKPAS-BYBEL MET OORDENKINGS VIR VROUE deur Norma Rossouw © Christelike Uitgewersmaatskappy.

Daar kom vir almal van ons tye wat soos geestelike winters voel. Hierdie leesplan sal jou help om sin te maak van jou geestelike winters en te verstaan dat geestelike winters absoluut noodsaaklik is vir geestelike groei en vrugdra.

Hou vas mams — daar is vreugde te vind onder al daardie vuil skottelgoed! Hierdie leesplan is 'n moederskap oorlewings-gids deur die gewilde webjoernaal skrywer, Lisa Pennington, uit haar nuwe boek "Mama Needs a Do-Over."

Werk deur antwoorde op 52 kernvrae oor God, Christus en die Gees. Elke week het 7 bydraes oor ‘n kernvraag. Dag 1: ‘n Antwoord uit die Bybel met besprekingsvrae. Dag 2-5: Vier verdere bydraes uit die Bybel. Dag 6: Bydraes uit die belydenisskrifte. Dag 7: 'n Boodskap. Die bydraes is gerig op alle gelowiges. Jy kan dit gebruik vir jou stiltetyd of kleingroep.

As jy op die oomblik moeg en gespanne is, is dit maklik om op moedverloor se vlakte te beland. Nina Smit kom bemoedig jou in hierdie 7-dag-leesplan en sê jy moenie toelaat dat die negatiewe omstandighede van die oomblik jou aandag aflei, jou ontmoedig of jou aan God laat twyfel nie. Jy kan moed skep. God is volkome in staat om vir jou weer nuwe moed te gee!

Die wêreld is altyd op soek na hoop. As Christene is ons nie meer op soek na hoop nie; ons het ons hoop gevind in Jesus! Maar al weet ons waar hoop vandaan kom, kan ons steeds moedeloos raak. Wanneer dit lyk of alle hoop verlore is, moet jy op God bly hoop. Die situasie waarin jy is, is dalk heeltemal buite jou beheer, maar dit is nie buite God se beheer nie. Die toekoms is in sy hand! Want God is goed en Hy weet wat die beste vir ons is, selfs al verstaan ons dit nie.

"Yes", jy kan ook in die "A-team" van die lewe speel! Hierdie 7-dagleesplan gebruik die beeld van sport om jou geestelike "journey" te verduidelik. Jy ontdek dat God jou gekies het, Hy is jou coach en kaptein, en Hy maak jou 'n wenner. Deur vasbyt, geloof en die “J-factor” leer jy om "challenges" te oorkom. Selfs ná foute is daar hoop en herstel. Die leesplan help jou om eerlik te kyk na waar jy staan en met "passion", sweet en "joy" by die wenstreep uit te kom. Kom, wees 'n "genuine" wenner "for life"!

Almal wil weet wat liefde eintlik is. Min mense kyk egter wat die Bybel oor liefde sê. Liefde is een van die sentrale temas van die Skrif en die belangrikste aspek van die Christelike lewe. Hierdie leesplan van Thistlebend Ministries, ondersoek die Bybelse betekenis van liefde en hoe om God en mense beter lief te hê.

Wanneer die uitdagings van elke dag oorweldigend voel en jy bemoediging nodig het, is dit tyd om krag te put uit die wete dat jy in God se liefde leef en dat Hý ALLES is wat jy nodig het. Alombekende evangelis, Angus Buchan, herinner jou in hierdie 14-dag leesplan uit sy dagboek, ALLES WAT EK NODIG HET, dat jy op God kan vertrou vir alles wat jy nodig het.

Prys God daagliks met drie of vier beskrywings van Hom, geneem uit die MemLok Bybel se geheuestelsel. Bid drie sinne. "Here, ek prys U vandag omdat ... Dit wat ek die meeste omtrent U waardeer is ... Ek wil hê dat ander U vandag in my lewe sal sien as ..."