Gratis leesplanne en oordenkings oor JOHANNES 17:21

Ons besef hoe belangrik kommunikasie in verhoudings is en ons verhouding met God is nie 'n uitsondering nie. God verlang daarna dat ons met Hom in gebed sal kommunikeer—selfs sy Seun, Jesus, het dit beoefen. In hierdie leesplan sal jy lesse leer uit Jesus se voorbeeld. Jy sal uitgedaag word om tyd in te ruim in jou besige lewe om die voordele van gebed te ervaar. Dit sal rigting en krag in jou lewe gee.

Voel jy dat jou vertroue in die Here werklik die afgelope tyd uitgedaag is? Miskien het 'n geliefde gesterf wat jy geglo het volkome sou genees? Jy mag dalk wonder – kan ek Hom nog vertrou? Hierdie leesplan sal jou help om jou vertroue in die Here te herwin en jou geloof versterk in die wete dat die Here jou werklik liefhet.

Die lewe is nie vir sissies nie. Dit is soms baie hard en gevaarlik. Jan de Wet wil jou daarom herinner dat Jesus ons verseker het dat elke mens, en veral sy kinders, vir God baie kosbaar is. Ons moet dus nie bang wees nie, maar op Hom vertrou. Skep dan moed, Christen! God is by ons en sy liefdevolle sorg is ons veilige hawe.