Gewilde Bybelverse vanaf मत्ती 2

Deel

होर तेई घौरा न पुजिआ सौ शोहरू तेइरी आमा मरियमा सैंघै हेरू, होर टुँबड़ै पौड़िया तेइबै प्रणाम केरु होर आपणै-आपणै झोल़ै खोलिया तेइबै सूना, लोबान होर गन्धरसै री भेंट च़ढ़ाई।

ज़ैबै हेरोदेस राज़ा यहूदिया प्रदेशा न राज़ केरदा लागा ती, तैबै बैतलैहम नगरा न यीशु रा जन्म हुआ। यीशु रै पैदा होंणै न किछ़ बौगता बाद पूर्व दिशा न कई ज्योतिषी लोका यरूश्लेम शैहरा न एज़िया पुछ़दै लागै। “यहूदी रा राज़ा ज़ौसरा जन्म हुआ, सा कौखै सा? किबैकि आसै पूर्व दिशा न तेइरै जन्मा रा तारा हेरू सा होर आसै तेइरी आराधना केरदै आऐ सी।”

तेई तारै बै फिरी हेरिया ते बोहू खुश हुऐ, होर तारै रा पिछ़ा केरू। (लूका 2:20)

होर सुपनै न ऐ च़िताऊणी पाईआ कि हेरोदेसा हागै वापस हेरीत् ज़ाँदै, ते होरी बौतै आपणै देशा बै नौठै। ज्योतिषी ज़ाणै न बाद हेरा परमेश्वरा रै एकी स्वर्गदूतै सुपनै न यूसुफा बै हेरूइया बोलू, “उठ, तेई शोहरू होर तेइरी आमा बै लेइया मिस्र देशा बै भग; होर ज़ैबै तैंईंयैं हांऊँ तौभै नी बोलनू, तू तौखै रौही; किबैकि हेरोदेस ऐई शोहरू बै तोपणू आल़ा सा कि ऐईबै मारिया खत्म केरला।”