Gewilde Bybelverse vanaf മത്തായി 2

Deel

അവാര് അയി ബീ്ഡ്‌ക്ക് എജ്ജ്‌ഗാട്ടി അവ്വേസി മറിയോഡൊപ്പ മഗാന അവാര് കണ്ടാര്. അവാര് സഡങ്ക ബ്‌ന്ത് അയി മഗാന കുമ്മുഡുനാര്. പ്‌റ അവാര് പെ്ട്ടിന ത്‌റാന്ത് പൊന്നുനാമ്, തുമ്മനാമ്, മൂരു എന്റ് സൊല്ലുവ നല്ല ബാഡെ അഡിക്കുവ ജാദിനാമ് കാണിക്കെ ബെത്താര്.

എരോദ രാജാവായിന്ത കാലാത്ത്‌ല് എഗുദ നാഡ്‌ല ബെദ്ദ്‌ലെഗേമ് പട്ടണാത്ത്‌ല്‌ത്തെ ഏസ്സ് പ്‌റാന്താദ്. ഏസ്സ് പ്‌റാന്ത പ്‌റ ക്‌ളാക്ക് സാരിന്ത് നാള്‌നച്ചെത്ത്‌റ നോഡുന്റവാര് എര്‌സലേമ്‌ക്ക് ബന്താര്. <<എഗുദാര് രാജാവായി പ്‌റാന്ത മഗ ഏദ്‌ല്? അയാള് പ്‌റാന്താന് എന്റ് കാട്ടുവ ബെ്ള്ളി ക്‌ളാക്ക് സാരി കഡാന്ത്‌ദ്‌ന കണ്ട് എമ്മ അയാള്‌ന കുമ്മുഡ്യ ബന്ത്‌റ്‌ന്റേമ്>> എന്റ് അവാര് ആള്‌ഗാള്‌ക്ക് സൊന്നാര്.

അത്തെ അവാര് അയി ബെ്ളളിന കണ്ടാദ്‌നാലെ പിര്യപൊങ്കിമറ്‌ന്താര്.

ആന എരോദ രാജാവു പട്ട്‌ക്ക് തിരിഗി പോഗാദേന് എന്റ് കനേസ്‌ല്‌ല് ബന്ത് സാമി സൊന്നാദ്‌നാലെ അവാര് ബേ്റൊന്റു ബട്ടെമേലെ തമ്മ് നാഡ്‌ക്ക് തിരിഗി പോനാര്. അവാര് പോന പ്‌റ ആണ്ടവാന് ദൂദാന് കനേസ്‌ല്‌ല് ബന്ത് ഓസേപ്‌ക്ക്: <<നീ ഇ്ളാഗി മഗാനാമ് അവ്വേസിനാമ് കൂട്ടി മിസ്‌റേമ് നാഡ്‌ക്ക് ഓഡി പോയി നാന് നിനാക്ക് സൊല്ലമാട്ട്‌ക്ക് അദ്‌ല് താനെ ഇര്. എന്ത്‌ക്കെന്റ് സൊന്ന എരോദ രാജാവു മഗാന കൊല്ല്യ ബേ്ണ്ടി പരാക്ക്യ നെനേക്ക്‌ന്റാന്>> എന്റ് സൊന്നാന്.