Gewilde Bybelverse vanaf Jeremia 23

Deel

Of kan iemand in geheime plekke wegkruip, en Ek hom nie sien nie? ” is die uitspraak van die HERE. “Vul Ek nie die hemel en die aarde nie?” is die uitspraak van die HERE.

“Kyk, daar kom dae,” is die uitspraak van die HERE, “wanneer Ek vir Dawid 'n regverdige loot sal laat opkom. Hy sal as koning regeer en verstandig optree; hy sal in die land reg en geregtigheid handhaaf. In sy dae sal Juda verlos word, en Israel sal veilig woon. En dit sal sy naam wees wat hy genoem word, ‘Die HERE is ons geregtigheid.’ ”

“Wee die herders wat die kleinvee van my weiveld ten gronde laat gaan en hulle uitmekaarjaag,” is die uitspraak van die HERE.

“ ‘Maar Ek self sal dié wat oor is van my kleinvee bymekaarmaak uit al die lande waarheen Ek hulle verdryf het, en Ek sal hulle terugbring na hulle weiveld. Dan sal hulle vrugbaar wees en vermeerder. En Ek sal herders oor hulle aanstel, en dié sal hulle laat wei. Hulle sal nie meer bang of verskrik wees of vermis word nie,’ ” is die uitspraak van die HERE.

So sê die HERE, Heerser oor alle magte: “Moenie luister na die woorde van die profete, wat hulle vir julle profeteer nie; hulle gee julle vals hoop. Visioene uit hulle eie hart verkondig hulle – uit die mond van die HERE kom dit nie.