Gewilde Bybelverse vanaf Kolossense Kolossense 2

Deel

Soos julle dan Christus Jesus, die Here, aangeneem het, wandel so in Hom. Gewortel en opgebou in Hom, en bevestig in die geloof, soos julle geleer is, en oorvloedig daarin met danksegging.

Pasop dat niemand julle deur wysbegeerte en ydele bedrog buit, volgens die oorlewering van mense, volgens die beginsels van die wêreld en nie volgens Christus nie.

En julle, wat dood was deur julle sondes en die onbesnedenheid van julle vlees, het Hy saam met Hom lewend gemaak deurdat Hy julle alle oortredinge vergewe het; Deur die handskrif van insettinge wat teen ons was, uit te vee, en dit uit die weg geruim deur dit aan sy kruis vas te spyker

Want in Hom woon al die volheid van die Godheid liggaamlik. En julle is volmaak in Hom, wat die Hoof is van alle owerheid en mag.

Laat niemand julle dan oordeel in spys of in drank of met betrekking tot 'n feesdag of nuwemaan of sabbat nie. Wat 'n skaduwee is van toekomstige dinge; maar die liggaam is van Christus.