Gewilde Bybelverse vanaf Jeremia Jeremia 23

Deel

Kan iemand hom in skuilplekke wegsteek dat ek hom nie sal sien nie? spreek die HERE. Vul ek nie hemel en aarde nie? spreek die HERE.

Kyk, daar kom dae, spreek die HERE, dat Ek vir Dawid 'n regverdige Spruit sal verwek, en 'n Koning sal regeer en voorspoedig wees, en Hy sal reg en geregtigheid op die aarde doen. In sy dae sal Juda verlos word en Israel veilig woon; en dit is sy naam waarmee hy genoem sal word: DIE HERE ONS GEREGTIGHEID.

Wee die herders wat die skape van my weide vernietig en verstrooi! spreek die HERE.

En Ek sal die oorblyfsel van my skape bymekaarmaak uit al die lande waarheen Ek hulle verdryf het, en Ek sal hulle terugbring na hulle krale; en hulle sal vrugbaar wees en vermeerder. En Ek sal herders oor hulle aanstel wat hulle sal wei; en hulle sal nie meer vrees of verskrik word nie, en hulle sal nie ontbreek nie, spreek die HERE.

So sê die HERE van die leërskare: Luister nie na die woorde van die profete wat vir julle profeteer nie; hulle maak julle ydel; hulle spreek 'n gesig uit hul eie hart en nie uit die mond van die HERE nie.