Gewilde Bybelverse vanaf 1 Mose 9

Deel

Nzambi wubuela kamba: «Tala, thudidi dimbu ki nguizani va khati ka minu ayi beno ayi bibio bidi moyo, thangu zizio nate mbandu zi nkuiza. Thudidi mbumba nanga mu matuti, dimbu ki nguizani kudi minu ayi kudi ntoto. Mayiba dimbu kimbambulanga moyo mu nguizani yimphengi va khati minu ayi ntoto.

Thangu zizio mbumba nanga bu yitotukidi mu matuti, bu mbueni yawu, buna mandibambukanga moyo mu nguizani yimvu ka mvu yindivanga va khati ka minu Nzambi ayi bibio bidi moyo va ntoto.»

Ti mutu tengudi menga Ma mutu wunkaka, Menga ma mutu wowo Phe mamatengulua kudi Ndiandi mutu, Bila Nzambi wuvanga Mutu mu kifuani kiandi.

Nzambi wusakumuna Nowa ayi bana bandi bababakala ayi wubakamba: «Butaneno, niekeno ayi wesanu ntoto wuwo.

Bibio binkibanga ayi bidi moyo biawu mabiba bidia bieno banga kuandi ndiluvanina biti bikhunzu, bobo ndiluvanini bibio.

Tona buabu bulu bibio bi ntoto ayi zinuni zizio ku tsi zulu mabilutinanga wonga ayi tsisi bibio bindiatilanga mu vumu ayi mbizi zizio mu mbu biveno mu mioko mieno.

Vayi kudi beno, butaneno, niekeno, tembakaneno va ntoto ayi funeno.»