Gewilde Bybelverse vanaf Joni 16

Deel

Ndamwaambila izhi zhintu, kwaamba mulindime mukabe alumuno. Muno munyika mulakuba a mapenzhi. Pesi amukazhike myoyo! Ndaizunda nyika!”

Pesi ono uyo, Muuya wakashimpe akuza, ulakumutondezha kashimpe koonse. Nkambo takaambi zhaakwe mwiine, pesi ulakupandulula izho zhoonse nzhakanva kuli Taata, alimwi ulakumwaambila zhintu zhichiza.

Kushikila ono, tamuna kulomba chintu nachiba chomwi mu liina lyangu. Amulombe alimwi mulakutambula, alimwi kusekelela kwanu kulakuba kumaninine.

Nchanchobeni ndamwaambila kwaamba, kuunka kwangu nimpindu yanu, chita nzwe ko mugwashi takazi kulindimwe, pesi naa nkaunke ndakumutuma kuza kuli ndimwe. Ono akuza, ulakubazula ba munyika balilubizhile mu mulandu wa chinyonyono, akusalala a lubeta.

Ono kulindimwe, chino nchi chiindi cha kuusa, pesi ndakumubona alimwi, alimwi mulakusekelela, alimwi taaku eshi akamunyange kusekelela uko. Mubuzuba ubo taaku nchishimukalombe. Nchanchobeni ndamwambila kwaamba, Taata ulakumupa mfumbwa nchimushimukalombe mu liina lyangu.

Nchanchobeni ndamwambila ati, mulakulila akuusa kakuli nyika yalo illakuna kusekelela. Mulakuusa akuba a buumba, pesi kuusa kwanu kulakuba mukusekelela.