Gewilde Bybelverse vanaf Yohanes 16

Deel

“Jaji kujarumang memen ararinin dinen mainto’ ona’ ti’ mamin adari daikin na’ankin kalanggangan, mainto’ maama nyawanin kole’a maminkin dapasera nanku’. Tau duniaan di’en to’ parinsa’i lo’in,” ingka kenang. “Poang maam-maam atenin. Pakarasang ikin kole’a maminak manalo lo’a kuasa duniaan,” ingka kenang i Yesus lo’da’.

“Ona’ poang ijarumanga. Arung mondok Sumangat Bareseen. Inang ona’ itamuna ikin ratina jalu tapaten, dajarumang lo’in manyuro’ paita jalu tapaten dari nanna Alatala. Jaji Sumangat Bareseen dinen, okan jarum kuasa diri’a yang to’ dajarumangen. Jalu dadalingaan, dinen bua yang dajarumangen bapi lo’in. To’ dabayaang memen jalu to’ adariin di ona’en,” ingka kenang lo’da’.

Daikin di’en nampi kala’ mamita atas asanku’ poangsi awandi’en rabarik, arungkin mamita atas asanku’ mainto’ sasau jaji nyawanin,” ingka kenang lo’da’.

Poangsi manjarumak tapat-tapat lo’in. Ti’enak inyap di’en, dinen lalo bajao’ maama. Kole’a ti’enak na’an inyap, kosan ratina lo’in, na’an mondok Panggulungiku’ lo’in. Ti’enak ona’ inyap to’ kusuro’ mondok lo’in,” ingka kenang lo’da’ manjarumang mondoka Sumangat Bareseen. “Jaji ti’ mondok ona’ Panggulungiku’, daia to’ mawa bukti lo’a tau duniaan mainto’ datamuna barik sala’a. Sala’a uka’ dinen, kole’a ratina dosana na’an datamu, ratina tapatku’ di’en na’an datamu, ratina Alatala malao’ ukuma lo’a tauen, na’an bapi datamu.

“Jaji awan dinen bea daikin. Susa nyawanin awandi’en kole’a to’ sarakku’ nannin. Barik ona’ ti’ak mamin sidua’ nannin, kabalikanna sasau nyawanin. Jaji sasauna nyawanin dinen na’an mainya’ inyap, na’an dakule’ dala dari atenin,” ingka kenang. “Di mondoka ona’ aso dinen, na’ankin lagi’ matoani lo’ku’. Manjarumak tapat-tapat lo’in. Ona’ dinen rabarik, ai poang yang ipitaan ikin atas asanku’, ka’ bea dameangin kole’a Ama’ku’.

“Manjarumak lo’in tapat-tapat. Daikin ona’ to’ anangiskin manyanyarawang. Poangsi tau duniaan dinen to’ sasau nyawana,” ingka kenang. “To’ susa nyawanin dinen. Poangsi ona’ barik susana nyawanin, kabalikanna to’ sasau nyawanin rabarik,” ingka kenang.