MATIUS 1
1
Daftar datu nini Yesus Kristus
(Luk. 3:23-38)
1Iti daftar datu nini Yesus Kristus, utus Dawid, utus Abraham. Teka hi Abraham hampe hi Dawid, tasatat kawan ngaran kalayiti:
2-6aAbraham, Ishak, Yakub, Yehuda anri kawan pulaksanaini, Peres anri Zerah (ineh here hi Tamar), Hezron, Ram, Aminadab, Nahason, Salmon; Boas (inehni hi Rahab), Obed (inehni hi Rut), Isai, anri Raja Dawid.
6b-11Teka hi Dawid hampe jaman bangsa Israel nabuang ma Babel nasatat kawan ngaran kalayiti: Salomo (inehni hi Betseba bakas darangan Uria), Rehabeam, Abia, Asa, Yosafat, Yoram, Uzia, Yotam, Ahas, Hiskia, Manasye, Amon, Yosia, Yekhonya anri kawan pulaksanaini.
12-16Teka jaman bangsa Israel nabuang ma Babel hampe Yesus Kristus nakayaan nasatat kawan ngaran kalayiti; Yekhonya, Sealtiel, Zerubabel, Abihud, Elyakim, Azur, Zadok, Akhim, Eliud, Eleazar, Matan, Yakub, Yosef darangan Maria. Hi Maria yiru ngayaan Yesus sa naantuh Kristus.
17Jari teka hi Abraham hampe hi Dawid, katuluhni naan ampatbalas turun. Teka hi Dawid hampe jaman bangsa Israel nabuang ma Babel naan ampatbalas turun pada. Teka jaman bangsa Israel nabuang ma Babel hampe Kristus nakayaan, naan lagi ampatbalas turun.
Yesus Kristus nakayaan
(Luk. 2:1-7)
18Kalayiti saritani neu Yesus Kristus nakayaan. Inehni hanyeyiru hi Maria, batunangan anri hi Yosef. Kude kapihuan here idarangan, bawilah tuu hi Maria haut mihawuntung. Hanye mihawuntung daya kuasa Roh Alatalla. 19Hi Yosef, tunanganni yiru, erang kaulun sa mawitu bujur. Hanye ngunu nyamitus partunangan here, kude anri suni-suni, nampan hi Maria puang umangan hang penah rama. 20Tawuk hi Yosef rahat mamikir-manimbang hal yiru, hanye nganupi. Hawuang upini yiru, hanye kadinung erang kaulun malekat Tuhan sa kaeau ma hanye, “Yosef, utus Dawid, ada hanyu takut narangan hi Maria; daya iya sa naan hawuang wuntungni yiru jari daya kuasa Roh Alatalla. 21Hi Maria sagar ngayaan erang kaulun iya upu. Hanyu harus ngampungaran iya yiru Yesus, daya hanye sagar nyalamat ulun pidianni teka dosa here.”
22Katuluhni jari kalayiru nampan tulus inun sa nawara Tuhan itetei nabini, kalayiti, 23“Erang kaulun wawei bujang paruna sagar mihawuntung balalu ngayaan erang kaulun iya upu. Iya yiru sagar naampungaran Immanuel.” (Immanuel hawuang basa Ibrani aratini, “Alatalla naan baya takam”.)
24Dami hi Yosef kaelan, hanye nampalus inun sa nawara malekat Tuhan yiru ma hanye. Hanye idarangan anri hi Maria. 25Kude salawah hi Maria huan ngayaan iyani yiru, hi Yosef puang mira anre anri hi Maria. Dami iya yiru nakayaan, hi Yosef ngampungaranni Yesus.
Tans Gekies:
MATIUS 1: MHY
Kleurmerk
Deel
Kopieer
Wil jy jou kleurmerke oor al jou toestelle gestoor hê? Teken in of teken aan
@ LAI 1999 Indonesian Bible Society (Lembaga Alkitab Indonesia)
MATIUS 1
1
Daftar datu nini Yesus Kristus
(Luk. 3:23-38)
1Iti daftar datu nini Yesus Kristus, utus Dawid, utus Abraham. Teka hi Abraham hampe hi Dawid, tasatat kawan ngaran kalayiti:
2-6aAbraham, Ishak, Yakub, Yehuda anri kawan pulaksanaini, Peres anri Zerah (ineh here hi Tamar), Hezron, Ram, Aminadab, Nahason, Salmon; Boas (inehni hi Rahab), Obed (inehni hi Rut), Isai, anri Raja Dawid.
6b-11Teka hi Dawid hampe jaman bangsa Israel nabuang ma Babel nasatat kawan ngaran kalayiti: Salomo (inehni hi Betseba bakas darangan Uria), Rehabeam, Abia, Asa, Yosafat, Yoram, Uzia, Yotam, Ahas, Hiskia, Manasye, Amon, Yosia, Yekhonya anri kawan pulaksanaini.
12-16Teka jaman bangsa Israel nabuang ma Babel hampe Yesus Kristus nakayaan nasatat kawan ngaran kalayiti; Yekhonya, Sealtiel, Zerubabel, Abihud, Elyakim, Azur, Zadok, Akhim, Eliud, Eleazar, Matan, Yakub, Yosef darangan Maria. Hi Maria yiru ngayaan Yesus sa naantuh Kristus.
17Jari teka hi Abraham hampe hi Dawid, katuluhni naan ampatbalas turun. Teka hi Dawid hampe jaman bangsa Israel nabuang ma Babel naan ampatbalas turun pada. Teka jaman bangsa Israel nabuang ma Babel hampe Kristus nakayaan, naan lagi ampatbalas turun.
Yesus Kristus nakayaan
(Luk. 2:1-7)
18Kalayiti saritani neu Yesus Kristus nakayaan. Inehni hanyeyiru hi Maria, batunangan anri hi Yosef. Kude kapihuan here idarangan, bawilah tuu hi Maria haut mihawuntung. Hanye mihawuntung daya kuasa Roh Alatalla. 19Hi Yosef, tunanganni yiru, erang kaulun sa mawitu bujur. Hanye ngunu nyamitus partunangan here, kude anri suni-suni, nampan hi Maria puang umangan hang penah rama. 20Tawuk hi Yosef rahat mamikir-manimbang hal yiru, hanye nganupi. Hawuang upini yiru, hanye kadinung erang kaulun malekat Tuhan sa kaeau ma hanye, “Yosef, utus Dawid, ada hanyu takut narangan hi Maria; daya iya sa naan hawuang wuntungni yiru jari daya kuasa Roh Alatalla. 21Hi Maria sagar ngayaan erang kaulun iya upu. Hanyu harus ngampungaran iya yiru Yesus, daya hanye sagar nyalamat ulun pidianni teka dosa here.”
22Katuluhni jari kalayiru nampan tulus inun sa nawara Tuhan itetei nabini, kalayiti, 23“Erang kaulun wawei bujang paruna sagar mihawuntung balalu ngayaan erang kaulun iya upu. Iya yiru sagar naampungaran Immanuel.” (Immanuel hawuang basa Ibrani aratini, “Alatalla naan baya takam”.)
24Dami hi Yosef kaelan, hanye nampalus inun sa nawara malekat Tuhan yiru ma hanye. Hanye idarangan anri hi Maria. 25Kude salawah hi Maria huan ngayaan iyani yiru, hi Yosef puang mira anre anri hi Maria. Dami iya yiru nakayaan, hi Yosef ngampungaranni Yesus.
Tans Gekies:
:
Kleurmerk
Deel
Kopieer
Wil jy jou kleurmerke oor al jou toestelle gestoor hê? Teken in of teken aan
@ LAI 1999 Indonesian Bible Society (Lembaga Alkitab Indonesia)