Wïlöölö Luubö Mo Cäänö Kaper Wëël Wïlöölö
Luubö Mo Cäänö Kaper Wëël Wïlöölö
Wïlöölö beeye wëëlö mana näk bwödhi ki røk weeli moa en yi Wëël Jwøk.
Wïlöölö tielø 1—11 cäänö kaper gïïa tïïc Jwøki dïkwøŋ kanya cwääc maal ki piny, ki dhaanhø ki jammi bëët. 'Ba dïcwøø ki dhaagø na cwääc Jwøki dïkwøŋ, luum Jwøk adhalge, ni jïëcge ki luum anägö ni bääcge; ni put thøø tägö bäät piny ki køørge. Ni ö nyïïkwaacge thuwø ni dhalge luum Jwøk, ni ö bëët raay ni nyaae bäät piny bäre.
'Ba kanya ö Jwøki na joot bëët raay mar jiy, cwïnye apädhö kiper mana cwääc dhaanhø; ni kööe, ni «Aani, jiy moa cwääa raanynya raanynyø bäät piny, ni beege ki lääy ki weny bëët.» (6:7) 'Ba jøøa bëëdö yïth nïraka, da dhaanhø rege mo bëëtö mare beer mo nyeŋŋe cwøl ni Nöa. Jwøk Nöa aköömme ki man tëëŋ dëëre ki jääy mo dwøŋ, nee eni, ki jø paare, ki wïth lääy mo oriewi-riewi ma thwønh ki maath nee cige yi jääy ki eni nee kwøwge. 'Ba Nöa, gïïa caan Jwøki jïre bëët atïïe. Køøre Jwøk jwïïö aput jääŋŋö bäät piny bäre, ni ö gïïa kwøwi bëët ni thøwge. 'Ba Nöa, ki jø paare, ki wïth lääy moa ci yi jääy, gena kwøw. Kanyøgø Jwøk atudö ki luubö ki Nöa, ki wääte, ki nyïïkwaaye kiper gïïo tïïe kiperge.
'Ba ki køør nïr Nöa, jiy acäŋ nyaay ni thööth, ni wïl wïthge ki luum Jwøk. 'Ba kanya tïm jiyi ni ge manynya man gëëtge ki øt pööki mo bäär, Jwøk aöö ni kier wï dhøk marge, ni putge tïïc manøgø wec, ni keethge bäät piny bäre.
Wïlöölö tiel 12—50 cäänö kaper dhaanhø mana cwøl Jwøki nee tïme na wï jur mo nyään. Ni ŋatøgø nyeŋŋe bee Abram. Jwøk Abram acwöl wøk ki yi poge ni tude ki luubö ki gø, ni wiil nyeŋ gø ni Eeberam, na näk tiere beeye ni «Kwar jiy mo thööth.» 'Ba Jwøk luubö mana tuude acäŋ nwøyø ki Aydhak wär Eeberam, ki Jeekap wär Aydhak, ni kööe, ni «Aani, u tïïa tïïö nou thööth, ni cïba ŋöömö jïïu, ni ö wïth juurre bëët ni gwïëdhi ki køørï ki nyïïkwaayï.» (12:2; 13:15) 'Ba Jwøk nyeŋ Jeekap awiile ni cak gø ni Icriel.
'Ba Jeekap, ni beeye Icriel, wääde mo cwøl ni Jocep aŋeew uutwänni, ni kïthi Ijep. 'Ba ki køør mana tïïc Jwøki, Jocep atïmö na kwäärö mar Ijep, ni ö wänni ki uutwänni ni jïtge ki køny ki køøre ki man ba thøwge ki kääa dwøŋ na tägö wï ŋöömö.
Wëëlö man, luup jiy mo thööth ena yie. 'Ba Jwøk bee eni na pere leth yi wëëlö man. Beeye Jwøk na tïïc jammi bëët, ni bee eni na mëër ki jammi moa cwääe; ni kanya bääc jiyi, bee eni na Jwøk na cäŋ määnyö ki jöö man duu jiy baŋe ki gø.
Luup moa no ogöörö yi wëël Wïlöölö beege ii:
Kanya ö Jwøki na cwääc dhaanhø ki jammi bëët (Tiel 1—2)
Kanya täk raayi bäät piny (Tiel 3)
Jammi moa tägö ra Adam këël mana këët ri Nöa (Tiel 4—5)
Luum jwïïö mana tägö ri Nöa (Tiel 6—10)
Kanya ö Jwøki na keeth dhøk jiy ri tïï øt pööki (Tiel 11)
Luum Eeberam ki Aydhak ki Jeekap (Tiel 12—35)
Luum nyïïkwaac Icøø (Tiel 36)
Luum Jocep ki uutwänni (Tiel 37—45)
Luum jø Icriel kanya cige Ijep (Tiel 46—50) ø
Tans Gekies:
Wïlöölö Luubö Mo Cäänö Kaper Wëël Wïlöölö: AnyuB
Kleurmerk
Deel
Kopieer
Wil jy jou kleurmerke oor al jou toestelle gestoor hê? Teken in of teken aan
© The Bible Society of Ethiopia
Wïlöölö Luubö Mo Cäänö Kaper Wëël Wïlöölö
Luubö Mo Cäänö Kaper Wëël Wïlöölö
Wïlöölö beeye wëëlö mana näk bwödhi ki røk weeli moa en yi Wëël Jwøk.
Wïlöölö tielø 1—11 cäänö kaper gïïa tïïc Jwøki dïkwøŋ kanya cwääc maal ki piny, ki dhaanhø ki jammi bëët. 'Ba dïcwøø ki dhaagø na cwääc Jwøki dïkwøŋ, luum Jwøk adhalge, ni jïëcge ki luum anägö ni bääcge; ni put thøø tägö bäät piny ki køørge. Ni ö nyïïkwaacge thuwø ni dhalge luum Jwøk, ni ö bëët raay ni nyaae bäät piny bäre.
'Ba kanya ö Jwøki na joot bëët raay mar jiy, cwïnye apädhö kiper mana cwääc dhaanhø; ni kööe, ni «Aani, jiy moa cwääa raanynya raanynyø bäät piny, ni beege ki lääy ki weny bëët.» (6:7) 'Ba jøøa bëëdö yïth nïraka, da dhaanhø rege mo bëëtö mare beer mo nyeŋŋe cwøl ni Nöa. Jwøk Nöa aköömme ki man tëëŋ dëëre ki jääy mo dwøŋ, nee eni, ki jø paare, ki wïth lääy mo oriewi-riewi ma thwønh ki maath nee cige yi jääy ki eni nee kwøwge. 'Ba Nöa, gïïa caan Jwøki jïre bëët atïïe. Køøre Jwøk jwïïö aput jääŋŋö bäät piny bäre, ni ö gïïa kwøwi bëët ni thøwge. 'Ba Nöa, ki jø paare, ki wïth lääy moa ci yi jääy, gena kwøw. Kanyøgø Jwøk atudö ki luubö ki Nöa, ki wääte, ki nyïïkwaaye kiper gïïo tïïe kiperge.
'Ba ki køør nïr Nöa, jiy acäŋ nyaay ni thööth, ni wïl wïthge ki luum Jwøk. 'Ba kanya tïm jiyi ni ge manynya man gëëtge ki øt pööki mo bäär, Jwøk aöö ni kier wï dhøk marge, ni putge tïïc manøgø wec, ni keethge bäät piny bäre.
Wïlöölö tiel 12—50 cäänö kaper dhaanhø mana cwøl Jwøki nee tïme na wï jur mo nyään. Ni ŋatøgø nyeŋŋe bee Abram. Jwøk Abram acwöl wøk ki yi poge ni tude ki luubö ki gø, ni wiil nyeŋ gø ni Eeberam, na näk tiere beeye ni «Kwar jiy mo thööth.» 'Ba Jwøk luubö mana tuude acäŋ nwøyø ki Aydhak wär Eeberam, ki Jeekap wär Aydhak, ni kööe, ni «Aani, u tïïa tïïö nou thööth, ni cïba ŋöömö jïïu, ni ö wïth juurre bëët ni gwïëdhi ki køørï ki nyïïkwaayï.» (12:2; 13:15) 'Ba Jwøk nyeŋ Jeekap awiile ni cak gø ni Icriel.
'Ba Jeekap, ni beeye Icriel, wääde mo cwøl ni Jocep aŋeew uutwänni, ni kïthi Ijep. 'Ba ki køør mana tïïc Jwøki, Jocep atïmö na kwäärö mar Ijep, ni ö wänni ki uutwänni ni jïtge ki køny ki køøre ki man ba thøwge ki kääa dwøŋ na tägö wï ŋöömö.
Wëëlö man, luup jiy mo thööth ena yie. 'Ba Jwøk bee eni na pere leth yi wëëlö man. Beeye Jwøk na tïïc jammi bëët, ni bee eni na mëër ki jammi moa cwääe; ni kanya bääc jiyi, bee eni na Jwøk na cäŋ määnyö ki jöö man duu jiy baŋe ki gø.
Luup moa no ogöörö yi wëël Wïlöölö beege ii:
Kanya ö Jwøki na cwääc dhaanhø ki jammi bëët (Tiel 1—2)
Kanya täk raayi bäät piny (Tiel 3)
Jammi moa tägö ra Adam këël mana këët ri Nöa (Tiel 4—5)
Luum jwïïö mana tägö ri Nöa (Tiel 6—10)
Kanya ö Jwøki na keeth dhøk jiy ri tïï øt pööki (Tiel 11)
Luum Eeberam ki Aydhak ki Jeekap (Tiel 12—35)
Luum nyïïkwaac Icøø (Tiel 36)
Luum Jocep ki uutwänni (Tiel 37—45)
Luum jø Icriel kanya cige Ijep (Tiel 46—50) ø
Tans Gekies:
:
Kleurmerk
Deel
Kopieer
Wil jy jou kleurmerke oor al jou toestelle gestoor hê? Teken in of teken aan
© The Bible Society of Ethiopia