LUK 19
19
Jisu pen Jakhayas po
1Jisu Jeriko rongpe lutdam hletsi damjongo. 2Jakhayas amen ihut arleng kido aro anang kalukdar aghai aro hem kime arleng kido. 3Jisu ke ingho ma pusi kilangyok kar-ih arleng kido; manta rat ong-ong anat, anangyok thek dunde yongo, piyok pu tene anang ajon akithik kido. 4Lalong anang ango damchotsi Jisu yok kilang ayok dumuru arong arlu damo, piyok pu tene Jisu labang aduwar aga damsi kido. 5Jisu labang athem kihleng amun anang angsong aga langsi anangyok pulo, “Jakheyas po wangsun sarak; piyokte pu tene mini ne nang hem donange.” 6Lasi Jakhayas po wangsun dapmo aro aneng arong pen anang hem chingden pono. 7Ahuwit kithek dun abangke aneng long kanghol halo aro pulo, “Labang papi arleng po ahemsi don badi lutdam do.” 8Jakhayas po ingthursi Hemphu yok pulo, “Langot, Hemphu, ne kido apuru hel ibhak ke kicho kangwe abang yok piman, aro asisik ado pisi, inghone bak para penebak chobel hlong do, tene ne anangyok bhak phili pi phakman. 9Lasi Jisu anangyok pulo, “Mini labang hempo long kijoktang wango, piyok pu tene anangta Abraham po agijing. 10Lasi kachingbo poyok, Arleng Aso bisarsi aro kapajok ayoksi wango.”
Tanga Atheng Athenghlan Alam
(Mot. 25:14-30)
11Anali lamehel arjusi kido amun anang athenghlan isi thano, piyok pu tene anang Jerusalem adungsi kihleng aro piyok pu tene Arnam-alongri wang chok dapme pusi anali kachiron. 12Lasi anang pulo, “Idon ahemphu ihut recho ajakong kihlong yok akaholo alongri damsi wang chirulo. 13Anang bang kep murkiya helyok taramsi abangten yokta kep ser tanga atheng hel pisi anali yok pulo, ne wangwe lengyok ke lamehel pen chijor chihrep. 14Manta abithang alongri arleng hel anangyok pulo, labang arlengpo yok halike aneng dokde aro anang phel arleng tolsi papulo, “Labang arlengpo, hali kapangdom ayok nangne. 15Anang konam recho apharan hlongsi wang chirulo aro kijor kihrep para anali konbak hlongo, anang karjuyok nohok kipi murkiya helyok taramsi pathano. 16Ango ihutpo anang ango wangsi pulo, “Hemphu, nang nekipi ser tangaso kep atheng pa-ong chotno.” 17Aro anang, anangyok pulo, “Nang murkiya akimepo, akime tikilo! Piyok pu tene nang bekso yokta krolman, lasi rongpe kep phuthak nang kilang ayok apharan pido. 18La adun ihutpo ta wangsi pulo, “Hemphu, nang nekipi ser tanga pen ne phongo atheng pa-ong chotno. 19Aro anang, anangyok pulo, “Aro nangyok rongpe phongo kilangyok pharan nang pido.” 20Laparake kamprek ihutpo wangsi pulo, “Hemphu, holek nang ser tanga athengpo do, ne pe abeng pen thipsi kibi, 21ne nangyok kaphere do, piyok pu tene nang ihut angthin kangtang arleng. Nang posi bibe yong, bangposi endunman, aro potsi ripre yong bangposi rotman; lasi ne nangyok chipherelo. 22Anang anangyok pulo, “Ei nangke kangho amurkiya, nang ho alam pensi nangyok bisar-honthe ye; neke angthin kangtang arleng, kaita kibibe along parasi, bangpo enponman, kaita ripre yong, bangpo parasi rotman, bangpo nang kachithan un? 23Piyok ne-nohok so bank along bibe yongo? Kibi hlong tene, ne kiwang amun kichan anohokso pen hlong detno hoi. 24La-aphel adung karjap phrong abang yok anang pulo, “Anang para tanga athengpo ensi, ingho tanga atheng kep do, labang murkiya poyok pinot. 25La-amun anali anangyok pulo, “O Hemphu, anangke ser tanga atheng kep do wendo.” 26Ne naliyok thando, ingho dochong do, anang yoksi pibo; manta ingho long ingjong, anang bekso kidochetso, bangsota pon detne. 27Manta ne la huturhel, lahel aphuthak neyok recho nangne pusi kithan,— holek wan aro nengot analiyok marinot.
Jisu Nengrong Jerusalem Kilutdam
(Mot. 21:1-11; Mrk. 11:1-11; Jhn. 12:12-19)
28Jisu labang alampo kithan tang aphel, anang pangosi, Jerusalem yok dam jongo. 29Konam anang Olip Anglong adung kido Betphaj pen Bethani adung wang kihleng amun, anang adun bang-hini yok tolsi, 30pulo, “Rongpo amahang aga dam, kilutdam ango nali ihut ta karlule noselmurep ijon kikok theknge. Labangso yok hlone holek wan. 31Inghone bak, “Nali piyok phlok do?” pune arju tene anangyok than, “Hemphu kanange do.” 32Jisu analiyok kithan badisi anali damsi thek damo. 33Anali noselmurep soyok kiphlok amun ahemphupo analiyok pulo, “Piyokte nali phlok do?” 34Anali pulo, “Hemphu kanange do,” 35Aro anali Jisu adung noselmurep soyok wano, lapara anang anali thak pe hlemsi Jisu yok parlulo. 36Aro anang arlusi duwar ajon jon kidam amun, arleng hel anali pehel duwar athak hlemsi bilo. 37Anang adun hel pen kihleng amun Olip Anglong kartulpe aga kidam, anang dunhel aneng arong ongo aro asombhik asal kithek apot Arnam yok kardom pilo. 38Pulo, “Hemphu Arnam amen pen kiwang arechopo bor-eh pado nang, ethakpe long nengsam aro jortang pado nang.” 39Rat long kido angkhan Pharisi hel anangyok pulo, “Paklangpo, nang adun hel yok tam mot.” 40Jisu pulo, “Ne naliyok thando, anali doklip tene arlong hel hangsole.”
Jerusalem Aphan Jisu Aneng Aduk
41Lapara Jisu Jerusalem adungo aro rongpe thekngo, anang anat surulo, 42pulo, “Nang yongta labang adinpe kapangthek nang tene konbak nengsam kichok nange dolo! Manta minon nang mek para mehel butisi bido. 43Khanangke, ladi adin nang phuthak wange, konam nang huturhel nang chikomwelsi aro arlong arpong aro ahuwit aga nangyok nang kom plenge, 44Anali nanghem lungle pasun phrotne aro arlo kido nangso hel, aro hutur hel nang hem arlong athak arlong kidokok tikangke ye, nang phan labang apor wange, piyok pu tene nang Arnam para wang kisun adin pangthek un-eh yongot.”
Jisu Arnam Ahemyok Kidam
(Mot. 21:12-17; Mrk. 11:15-19; Jhn. 2:12-25)
45Laparake Jisu Arnam ahem yok lut damo aro bihini kijor abangyok ujhar ponhi si, 46anali yok pulo, “Labadi wido, ‘Ne hempoke Arnam kapingkit ahem chiplange; manta nali kanghu hel kachibuti ang-gogsi inghol do.” 47Arniten anang Arnam ahem long kapaklang. Bangthe hel, kanong paklang hel aro phu-phang abang anangyok kamari yok awak lango; 48manta anali ladi katiki yok awak hlonghle yongot, piyok pu tene arleng hel itheta tikangkesi anang lam one phrongsi kido.
Tans Gekies:
LUK 19: AMRI-BSI
Kleurmerk
Deel
Kopieer
Wil jy jou kleurmerke oor al jou toestelle gestoor hê? Teken in of teken aan
Amri Karbi N.T. - AKIMI ANGTON N.T.
Copyright © 2017 by The Bible Society of India
Used by permission. All rights reserved worldwide.
LUK 19
19
Jisu pen Jakhayas po
1Jisu Jeriko rongpe lutdam hletsi damjongo. 2Jakhayas amen ihut arleng kido aro anang kalukdar aghai aro hem kime arleng kido. 3Jisu ke ingho ma pusi kilangyok kar-ih arleng kido; manta rat ong-ong anat, anangyok thek dunde yongo, piyok pu tene anang ajon akithik kido. 4Lalong anang ango damchotsi Jisu yok kilang ayok dumuru arong arlu damo, piyok pu tene Jisu labang aduwar aga damsi kido. 5Jisu labang athem kihleng amun anang angsong aga langsi anangyok pulo, “Jakheyas po wangsun sarak; piyokte pu tene mini ne nang hem donange.” 6Lasi Jakhayas po wangsun dapmo aro aneng arong pen anang hem chingden pono. 7Ahuwit kithek dun abangke aneng long kanghol halo aro pulo, “Labang papi arleng po ahemsi don badi lutdam do.” 8Jakhayas po ingthursi Hemphu yok pulo, “Langot, Hemphu, ne kido apuru hel ibhak ke kicho kangwe abang yok piman, aro asisik ado pisi, inghone bak para penebak chobel hlong do, tene ne anangyok bhak phili pi phakman. 9Lasi Jisu anangyok pulo, “Mini labang hempo long kijoktang wango, piyok pu tene anangta Abraham po agijing. 10Lasi kachingbo poyok, Arleng Aso bisarsi aro kapajok ayoksi wango.”
Tanga Atheng Athenghlan Alam
(Mot. 25:14-30)
11Anali lamehel arjusi kido amun anang athenghlan isi thano, piyok pu tene anang Jerusalem adungsi kihleng aro piyok pu tene Arnam-alongri wang chok dapme pusi anali kachiron. 12Lasi anang pulo, “Idon ahemphu ihut recho ajakong kihlong yok akaholo alongri damsi wang chirulo. 13Anang bang kep murkiya helyok taramsi abangten yokta kep ser tanga atheng hel pisi anali yok pulo, ne wangwe lengyok ke lamehel pen chijor chihrep. 14Manta abithang alongri arleng hel anangyok pulo, labang arlengpo yok halike aneng dokde aro anang phel arleng tolsi papulo, “Labang arlengpo, hali kapangdom ayok nangne. 15Anang konam recho apharan hlongsi wang chirulo aro kijor kihrep para anali konbak hlongo, anang karjuyok nohok kipi murkiya helyok taramsi pathano. 16Ango ihutpo anang ango wangsi pulo, “Hemphu, nang nekipi ser tangaso kep atheng pa-ong chotno.” 17Aro anang, anangyok pulo, “Nang murkiya akimepo, akime tikilo! Piyok pu tene nang bekso yokta krolman, lasi rongpe kep phuthak nang kilang ayok apharan pido. 18La adun ihutpo ta wangsi pulo, “Hemphu, nang nekipi ser tanga pen ne phongo atheng pa-ong chotno. 19Aro anang, anangyok pulo, “Aro nangyok rongpe phongo kilangyok pharan nang pido.” 20Laparake kamprek ihutpo wangsi pulo, “Hemphu, holek nang ser tanga athengpo do, ne pe abeng pen thipsi kibi, 21ne nangyok kaphere do, piyok pu tene nang ihut angthin kangtang arleng. Nang posi bibe yong, bangposi endunman, aro potsi ripre yong bangposi rotman; lasi ne nangyok chipherelo. 22Anang anangyok pulo, “Ei nangke kangho amurkiya, nang ho alam pensi nangyok bisar-honthe ye; neke angthin kangtang arleng, kaita kibibe along parasi, bangpo enponman, kaita ripre yong, bangpo parasi rotman, bangpo nang kachithan un? 23Piyok ne-nohok so bank along bibe yongo? Kibi hlong tene, ne kiwang amun kichan anohokso pen hlong detno hoi. 24La-aphel adung karjap phrong abang yok anang pulo, “Anang para tanga athengpo ensi, ingho tanga atheng kep do, labang murkiya poyok pinot. 25La-amun anali anangyok pulo, “O Hemphu, anangke ser tanga atheng kep do wendo.” 26Ne naliyok thando, ingho dochong do, anang yoksi pibo; manta ingho long ingjong, anang bekso kidochetso, bangsota pon detne. 27Manta ne la huturhel, lahel aphuthak neyok recho nangne pusi kithan,— holek wan aro nengot analiyok marinot.
Jisu Nengrong Jerusalem Kilutdam
(Mot. 21:1-11; Mrk. 11:1-11; Jhn. 12:12-19)
28Jisu labang alampo kithan tang aphel, anang pangosi, Jerusalem yok dam jongo. 29Konam anang Olip Anglong adung kido Betphaj pen Bethani adung wang kihleng amun, anang adun bang-hini yok tolsi, 30pulo, “Rongpo amahang aga dam, kilutdam ango nali ihut ta karlule noselmurep ijon kikok theknge. Labangso yok hlone holek wan. 31Inghone bak, “Nali piyok phlok do?” pune arju tene anangyok than, “Hemphu kanange do.” 32Jisu analiyok kithan badisi anali damsi thek damo. 33Anali noselmurep soyok kiphlok amun ahemphupo analiyok pulo, “Piyokte nali phlok do?” 34Anali pulo, “Hemphu kanange do,” 35Aro anali Jisu adung noselmurep soyok wano, lapara anang anali thak pe hlemsi Jisu yok parlulo. 36Aro anang arlusi duwar ajon jon kidam amun, arleng hel anali pehel duwar athak hlemsi bilo. 37Anang adun hel pen kihleng amun Olip Anglong kartulpe aga kidam, anang dunhel aneng arong ongo aro asombhik asal kithek apot Arnam yok kardom pilo. 38Pulo, “Hemphu Arnam amen pen kiwang arechopo bor-eh pado nang, ethakpe long nengsam aro jortang pado nang.” 39Rat long kido angkhan Pharisi hel anangyok pulo, “Paklangpo, nang adun hel yok tam mot.” 40Jisu pulo, “Ne naliyok thando, anali doklip tene arlong hel hangsole.”
Jerusalem Aphan Jisu Aneng Aduk
41Lapara Jisu Jerusalem adungo aro rongpe thekngo, anang anat surulo, 42pulo, “Nang yongta labang adinpe kapangthek nang tene konbak nengsam kichok nange dolo! Manta minon nang mek para mehel butisi bido. 43Khanangke, ladi adin nang phuthak wange, konam nang huturhel nang chikomwelsi aro arlong arpong aro ahuwit aga nangyok nang kom plenge, 44Anali nanghem lungle pasun phrotne aro arlo kido nangso hel, aro hutur hel nang hem arlong athak arlong kidokok tikangke ye, nang phan labang apor wange, piyok pu tene nang Arnam para wang kisun adin pangthek un-eh yongot.”
Jisu Arnam Ahemyok Kidam
(Mot. 21:12-17; Mrk. 11:15-19; Jhn. 2:12-25)
45Laparake Jisu Arnam ahem yok lut damo aro bihini kijor abangyok ujhar ponhi si, 46anali yok pulo, “Labadi wido, ‘Ne hempoke Arnam kapingkit ahem chiplange; manta nali kanghu hel kachibuti ang-gogsi inghol do.” 47Arniten anang Arnam ahem long kapaklang. Bangthe hel, kanong paklang hel aro phu-phang abang anangyok kamari yok awak lango; 48manta anali ladi katiki yok awak hlonghle yongot, piyok pu tene arleng hel itheta tikangkesi anang lam one phrongsi kido.
Tans Gekies:
:
Kleurmerk
Deel
Kopieer
Wil jy jou kleurmerke oor al jou toestelle gestoor hê? Teken in of teken aan
Amri Karbi N.T. - AKIMI ANGTON N.T.
Copyright © 2017 by The Bible Society of India
Used by permission. All rights reserved worldwide.