LUK 9
9
Bang Kere-hini Adunyok Kitol
(Mot. 10:5-15)
1Laparake Jisu bang kere-hini inan taram pungo aro analiyok apharan pilo aro si-ik hel aro kiso kilak hel aphuthak kapame ayok apharan pilo, 2aro anang Arnam-alongri alam kapahar aro kiso kilak kapame aphan analiyok tolo. 3Anang analiyok pulo, “Kidam apor nali pene-pena ta en-nek, tokok, lale kicho ahim, lale nohok labang hel isita en-nek, lale chol pak-ni chi-en nek. 4Jaibak ke ahem lut dame, lalongne do, aro lalong para olene dam. 5Ingho si naliyok chidengde, anali rongso para katikang amun, anali ado kido hakhi anat nali kengtak chihijir det.” 6La-aphel anali damo aro rong-rong kime-alamthe paharo, aro kiso helyok pamesi damlongo.
Herod po Angthin Ihik-bihik Kachiplang
(Mot. 14:1-12; Mrk. 6:14-29)
7Herod recho po labang kachiplang ahuwit alam arjulo, aro anang angthin long ihik-bihik chiplango, piyok pu tene anang angkhan arleng hel John Baptist po kithi para thur phakngo pusi pulo, 8angkhan ke Elija po chiklango pusi pulo, aro angkhan ke atono turkihel ihut wangthur phakngo pusi pulo. 9Herod po pulo, “Ne Johon po aphu thu-hletno; manta ne ladi alam karju hlongke labang poke inghote?” Aro Herod po anangyok kilangyok bisaro.
Hajar Phongo Arlengyok Kapacho
(Mot. 14:13-21; Mrk. 6:30-44; Jhn. 6:1-15)
10Adunhel wang chirulsi, anali katikihel Jisu yok thano aro anang analiyok ensi Bethsaida kipu rongso yok damo. 11Konam rat hel labangpo arju hlongo, anali anang phel duno, anang analiyok chidengo aro Arnam-alongri alam analiyok thano aro kanange abang helyok pamelo. 12Anithulo parake adun hel bang kere-hini ta anang dung wangsi pulo, “Rat helyok adung arel kido rongso aro rong hel yok ki-ih kido aro kicho kijun kapahlong yok tol not. Piyok putene ilike holek nisotjot athem longsi do.” 13Manta Jisu analiyok pulo, “Nali bithang analiyok beksobak kicho apot pinot. Anali pu phakngo, “Hali long him plang phongo aro ok jon-ni yok ongchot ingjong— labang rat dungyok kicho kijun aphan nam damde lengke pacho un-eh ye.” 14Piyok pu tene lalong hajar phongo arleng kido. Aro Jisu anang adun hel yok pulo, “Angkol hinine kep arleng akhel-akhel analiyok pangningot.” 15Anali ladisi tikilo aro anali ahuwit yokta pangningo. 16Aro him plang phongo aro ok jon-ni ensi, anang ethakpe yok lango aro bor-eh chihango aro him hel ingbengo, aro adun hel yok pisi rat ayok pathak ngo. 17Aro ahuwit ta cholo aro nengsamo. Pipotsi abeng-ano kiri ahimhel pangrumsi, abeng ano hel pachik kere-hini chokngo.
Pitor po Jisu Alam Kithandak
(Mot. 16:13-20; Mrk. 8:27-30)
18Inirsi Jisu ahudet kapingkit amun, adun hel anangpen kido, la-amun anang lahelyok arjulo, “Arleng hel ke neyok ingho pusi nepudo?” 19Anali pulo, “Johon Baptist po, manta angkhan ke Elija po aro angkhan ke atono turki hel ihut wang thur phakngo pusi pudo.” 20Anang analiyok arjulo, “Manta nalike neyok ingho pusi nepudo? La-amun Pitor po angpu duno, “Arnam karwal Khristo.”
Jisu Abithang Duk-Tap Pen Kithi Alam Kithan
(Mot. 16:24-28; Mrk. 8:31—9:1)
21La-amun Jisu analiyok thanklakngo aro kaiyokta kapathan hlonghle thano. 22“Arleng Aso aduk-tap hlongpen nange aro kithe kiding abang, bangthe hel, aro kanong paklang hel arideng anang chidengde ye aro thisi, ni-thom arni burphak hlonge.” 23Lapara ke anang ahuwit yok pulo, “Inghone bak pen angkidune abangke, anali bithangyok chipangdom nang aro arniten abithang kros rungsi nephel wangdun. 24Inghosi abithang ajiu chirale, anali ajiu chipangbo ye aro inghosi abithang ajiu ne natsi chipangbo ye, analike joknge. 25Piyok pu tene arleng ihut, pirthepe long kidokangwe pahlong det yongta, anang bithang ajiu chipangbo, lale chipangho, tene anang pot alab hlonge? 26Inghosi ne yok aro hane lamthe long tharaknge anangyok ke konam anang aro Apa jortang aro kangthir tharlon helpen wange, la-amun Arleng Aso anangyok tharaknge. 27Manta ne naliyok khanangsi thando, holek angkhan arjapsi kido abang Arnam-alongri thek hlongle lengke kithi chithek hlonghle ye.”
Jisu Athok Kachipharlep
(Mot. 17:1-8; Mrk. 9:2-8; 2 Pe. 1:16-18)
28Minonke lamehel kithan narkep arni aphel, Jisu aro Pitor po, Johon po aro Jems po yok en ponsi inglong kartul long kapingkit yok damo. 29Aro anang kapingkit jongne kido amun anang amahang athok chipharlep mo aro anang pehel phlan etno, Elija po yok anang pen lam kachithan thekngo. 30Langot, lalong bang-hini arleng Mosi po pen Elija po anang pen lam kachithan thekngo, lahel akar phlan-et si chiklangsi, 31anang long potbadi Jerusalem long kithi chihonjok damsi chokplenge, labang aron alam kachithan. 32Minonke Pitor po aro anang alok hel ami-ih wang kiber; manta lajong ta chipa-pharatsi anali anang jortang thekngo aro bang-hini arleng anang pen arjapsi kido thekngo. 33Arleng hel anang para kachikak bo amun, Pitor po pulo, “Hemphu, ili holek kidohlong akimelo! Ili kuntulu ahem humthom kem minang, ihumke nang phan, ihumke Mosi po aphan aro ihumke Elija po aphan.” —potsi kipu nange dolo, abithangta chithan un-eh yongo. 34Anang lam kithan jong amun, inghun iplang wangsi analiyok ben thipmo aro analiyok kiben thip theksi anali chipherelo. 35La-amun inghun para labadi lamthe asi wango, “Anang ne So, ne arwal tangdo; anang lamthe onenot.” 36Asipo kithan tang amun lalong Jisu yok detsi thekngo. Aro anali pot kithek, lamehel alam jatsi anali ihut yokta thanthesi do klipmo.
Jisu Si-ik Ajiu Kihap Asoyok Kapame
(Mot. 17:14-21; Mrk. 9:14-29)
37La-aphel arni, anali inglong kartulpe para wang kisun amun rat ako-ong anangyok pochakngo. 38Rat asitem para arleng ihut hangsi pulo, “Paklang po, ne nang chingduk do, nesopo yok langot; piyok pu tene anang nesopo ihutdet. 39Lajongsi isi jiuli anang hapman aro photsi hangchersi artiman. Angho aplep ka-oleyok huwengsi biman; aro anangyok henetsi tikangman. 40Ne nang adun hel yok si-ik ka-ujhar ayok chingdukngo, manta anali un eh yong ngo.” 41Jisu pulo, “Nali kikrolkre awe abang, konbak arniyok nali pen dobo aro nali chihi bo? Nang so poyok holek wanot.” 42Anang kiwang jong amun, si-ik ajiu anangyok parti klakngo, manta Jisu kisim ajiupo yok tamo aro oso soyok pamesi anangpa yok champilo. 43Aro Arnam apharan kithe theksi ahuwit arleng hel asombhik hlongo.
Jisu Abithang Kithi Alam Kithan Phak
(Mot. 17:22-23; Mrk. 9:30-32)
Lalong Jisu katiki ahuwit asal anali asombhik kihlong amunsi, anang adun hel yok pulo, 44“Labang ahuwit alam, nali nolong chiduk, chitenge yek. Arleng Aso yok arleng hel arideng champi ye.” 45Manta anali labang kithan alampo abhu hlonghle yongo; bangpo acho alam anali para butisi bilo, lasi anali labang alam abhu hlonghle yongot. Aro lahel anangyok karju phakyok pherelo.
Inghote Kithechot Po
(Mot. 18:1-5; Mrk. 9:33-37)
46Anali sitem ingho akithe chotpo pusi adun hel chipawang dutno. 47Manta Jisu anali angthin arlo kachiron alam atot hlongsi anang oso ihut eno aro anang kungsi bilo, 48aro analiyok pulo, “Inghosi labang oso yok nemen pen chidenge, anangke neyoksi chidenge, aro inghosi neyok chidenge, anangke neyok wang kitolpo yoksi chidenge; piyok pu tene nali sitem ingho ahuwityok kachipabek chot, anangsi akithe chotpo.”
Ingho Nali Langsetse Anang Nali Phan
(Mrk. 9:38-41)
49Johon po pulo, “Hemphu, hali ihut arleng nang menpen si-ik ka-ujhar thekngo, aro hali anangyok tengklakngo, piyok pu tene anangke ili arleng kalek.” 50Jisu anangyok pulo, “Anangyok tengek, piyok pu tene inghosi nali lang set-setse ma, anangke nali phan.
Samaritan Arong Isi Jisu yok Kidengde
51Konamsi Jisu ethakpe kipon arni adung wanghlengo, anang Jerusalem kidamyok amahang en pono. 52Aro Samaritan rong isi long anang phan honjok wensi kibiyok, anang ngo-ngo si anang ahara tolo; 53manta anang Jerusalem yok kidam amahang kipi apot, lahel anang yok chidengde yongot. 54Konamsi bangpo theksi Jems po pen Johon po, labang hi-ni adun hel pulo, “O Hemphu, nang haliyok sunengpe para me wang pajangyok thansi aro analiyok kapasek aneng do ma? 55Manta Jisu amahang chirting-wolsi, analiyok tamo. 56Laparake Jisu pen adun hel kamprek arongyok damo.
Jisu Aphel Kidune Abang
(Mot. 8:18-22)
57Lahel duwar damjongsi kido amun, inghone bakpo Jisu yok pulo, “Nang daklong dam, lalong yok ne nang phel-phel dune.” 58Aro Jisu anangyok pulo, “Mengsurung hel ke ang-gog do aro wohel ta atar do; manta Arleng Aso ki-ih kisangchok athemso ta ingjong.” 59Kamprek ihutyok Jisu thano, “Nang nephel wangdun not.” Manta anang pulo, “Hemphu, ango netolnot aro ne papo kithi papep dam tolnot.” 60Manta Jisu anang yok pulo, “Akithi abang abithang kithi papep nang; manta nangke, damot aro Arnam-alongri alamthe pahar not.” 61Kamprek ihut ke pulo, “Ne nang phel dune, Hemphu; manta ango nehem arleng hel chipadisi kiwangyok netolnot.” 62Jisu pulo, “Inghosi kapanong nangol along otsi aphel ayok chilangphak anang Arnam-alongri long michangche.”
Tans Gekies:
LUK 9: AMRI-BSI
Kleurmerk
Deel
Kopieer
Wil jy jou kleurmerke oor al jou toestelle gestoor hê? Teken in of teken aan
Amri Karbi N.T. - AKIMI ANGTON N.T.
Copyright © 2017 by The Bible Society of India
Used by permission. All rights reserved worldwide.
LUK 9
9
Bang Kere-hini Adunyok Kitol
(Mot. 10:5-15)
1Laparake Jisu bang kere-hini inan taram pungo aro analiyok apharan pilo aro si-ik hel aro kiso kilak hel aphuthak kapame ayok apharan pilo, 2aro anang Arnam-alongri alam kapahar aro kiso kilak kapame aphan analiyok tolo. 3Anang analiyok pulo, “Kidam apor nali pene-pena ta en-nek, tokok, lale kicho ahim, lale nohok labang hel isita en-nek, lale chol pak-ni chi-en nek. 4Jaibak ke ahem lut dame, lalongne do, aro lalong para olene dam. 5Ingho si naliyok chidengde, anali rongso para katikang amun, anali ado kido hakhi anat nali kengtak chihijir det.” 6La-aphel anali damo aro rong-rong kime-alamthe paharo, aro kiso helyok pamesi damlongo.
Herod po Angthin Ihik-bihik Kachiplang
(Mot. 14:1-12; Mrk. 6:14-29)
7Herod recho po labang kachiplang ahuwit alam arjulo, aro anang angthin long ihik-bihik chiplango, piyok pu tene anang angkhan arleng hel John Baptist po kithi para thur phakngo pusi pulo, 8angkhan ke Elija po chiklango pusi pulo, aro angkhan ke atono turkihel ihut wangthur phakngo pusi pulo. 9Herod po pulo, “Ne Johon po aphu thu-hletno; manta ne ladi alam karju hlongke labang poke inghote?” Aro Herod po anangyok kilangyok bisaro.
Hajar Phongo Arlengyok Kapacho
(Mot. 14:13-21; Mrk. 6:30-44; Jhn. 6:1-15)
10Adunhel wang chirulsi, anali katikihel Jisu yok thano aro anang analiyok ensi Bethsaida kipu rongso yok damo. 11Konam rat hel labangpo arju hlongo, anali anang phel duno, anang analiyok chidengo aro Arnam-alongri alam analiyok thano aro kanange abang helyok pamelo. 12Anithulo parake adun hel bang kere-hini ta anang dung wangsi pulo, “Rat helyok adung arel kido rongso aro rong hel yok ki-ih kido aro kicho kijun kapahlong yok tol not. Piyok putene ilike holek nisotjot athem longsi do.” 13Manta Jisu analiyok pulo, “Nali bithang analiyok beksobak kicho apot pinot. Anali pu phakngo, “Hali long him plang phongo aro ok jon-ni yok ongchot ingjong— labang rat dungyok kicho kijun aphan nam damde lengke pacho un-eh ye.” 14Piyok pu tene lalong hajar phongo arleng kido. Aro Jisu anang adun hel yok pulo, “Angkol hinine kep arleng akhel-akhel analiyok pangningot.” 15Anali ladisi tikilo aro anali ahuwit yokta pangningo. 16Aro him plang phongo aro ok jon-ni ensi, anang ethakpe yok lango aro bor-eh chihango aro him hel ingbengo, aro adun hel yok pisi rat ayok pathak ngo. 17Aro ahuwit ta cholo aro nengsamo. Pipotsi abeng-ano kiri ahimhel pangrumsi, abeng ano hel pachik kere-hini chokngo.
Pitor po Jisu Alam Kithandak
(Mot. 16:13-20; Mrk. 8:27-30)
18Inirsi Jisu ahudet kapingkit amun, adun hel anangpen kido, la-amun anang lahelyok arjulo, “Arleng hel ke neyok ingho pusi nepudo?” 19Anali pulo, “Johon Baptist po, manta angkhan ke Elija po aro angkhan ke atono turki hel ihut wang thur phakngo pusi pudo.” 20Anang analiyok arjulo, “Manta nalike neyok ingho pusi nepudo? La-amun Pitor po angpu duno, “Arnam karwal Khristo.”
Jisu Abithang Duk-Tap Pen Kithi Alam Kithan
(Mot. 16:24-28; Mrk. 8:31—9:1)
21La-amun Jisu analiyok thanklakngo aro kaiyokta kapathan hlonghle thano. 22“Arleng Aso aduk-tap hlongpen nange aro kithe kiding abang, bangthe hel, aro kanong paklang hel arideng anang chidengde ye aro thisi, ni-thom arni burphak hlonge.” 23Lapara ke anang ahuwit yok pulo, “Inghone bak pen angkidune abangke, anali bithangyok chipangdom nang aro arniten abithang kros rungsi nephel wangdun. 24Inghosi abithang ajiu chirale, anali ajiu chipangbo ye aro inghosi abithang ajiu ne natsi chipangbo ye, analike joknge. 25Piyok pu tene arleng ihut, pirthepe long kidokangwe pahlong det yongta, anang bithang ajiu chipangbo, lale chipangho, tene anang pot alab hlonge? 26Inghosi ne yok aro hane lamthe long tharaknge anangyok ke konam anang aro Apa jortang aro kangthir tharlon helpen wange, la-amun Arleng Aso anangyok tharaknge. 27Manta ne naliyok khanangsi thando, holek angkhan arjapsi kido abang Arnam-alongri thek hlongle lengke kithi chithek hlonghle ye.”
Jisu Athok Kachipharlep
(Mot. 17:1-8; Mrk. 9:2-8; 2 Pe. 1:16-18)
28Minonke lamehel kithan narkep arni aphel, Jisu aro Pitor po, Johon po aro Jems po yok en ponsi inglong kartul long kapingkit yok damo. 29Aro anang kapingkit jongne kido amun anang amahang athok chipharlep mo aro anang pehel phlan etno, Elija po yok anang pen lam kachithan thekngo. 30Langot, lalong bang-hini arleng Mosi po pen Elija po anang pen lam kachithan thekngo, lahel akar phlan-et si chiklangsi, 31anang long potbadi Jerusalem long kithi chihonjok damsi chokplenge, labang aron alam kachithan. 32Minonke Pitor po aro anang alok hel ami-ih wang kiber; manta lajong ta chipa-pharatsi anali anang jortang thekngo aro bang-hini arleng anang pen arjapsi kido thekngo. 33Arleng hel anang para kachikak bo amun, Pitor po pulo, “Hemphu, ili holek kidohlong akimelo! Ili kuntulu ahem humthom kem minang, ihumke nang phan, ihumke Mosi po aphan aro ihumke Elija po aphan.” —potsi kipu nange dolo, abithangta chithan un-eh yongo. 34Anang lam kithan jong amun, inghun iplang wangsi analiyok ben thipmo aro analiyok kiben thip theksi anali chipherelo. 35La-amun inghun para labadi lamthe asi wango, “Anang ne So, ne arwal tangdo; anang lamthe onenot.” 36Asipo kithan tang amun lalong Jisu yok detsi thekngo. Aro anali pot kithek, lamehel alam jatsi anali ihut yokta thanthesi do klipmo.
Jisu Si-ik Ajiu Kihap Asoyok Kapame
(Mot. 17:14-21; Mrk. 9:14-29)
37La-aphel arni, anali inglong kartulpe para wang kisun amun rat ako-ong anangyok pochakngo. 38Rat asitem para arleng ihut hangsi pulo, “Paklang po, ne nang chingduk do, nesopo yok langot; piyok pu tene anang nesopo ihutdet. 39Lajongsi isi jiuli anang hapman aro photsi hangchersi artiman. Angho aplep ka-oleyok huwengsi biman; aro anangyok henetsi tikangman. 40Ne nang adun hel yok si-ik ka-ujhar ayok chingdukngo, manta anali un eh yong ngo.” 41Jisu pulo, “Nali kikrolkre awe abang, konbak arniyok nali pen dobo aro nali chihi bo? Nang so poyok holek wanot.” 42Anang kiwang jong amun, si-ik ajiu anangyok parti klakngo, manta Jisu kisim ajiupo yok tamo aro oso soyok pamesi anangpa yok champilo. 43Aro Arnam apharan kithe theksi ahuwit arleng hel asombhik hlongo.
Jisu Abithang Kithi Alam Kithan Phak
(Mot. 17:22-23; Mrk. 9:30-32)
Lalong Jisu katiki ahuwit asal anali asombhik kihlong amunsi, anang adun hel yok pulo, 44“Labang ahuwit alam, nali nolong chiduk, chitenge yek. Arleng Aso yok arleng hel arideng champi ye.” 45Manta anali labang kithan alampo abhu hlonghle yongo; bangpo acho alam anali para butisi bilo, lasi anali labang alam abhu hlonghle yongot. Aro lahel anangyok karju phakyok pherelo.
Inghote Kithechot Po
(Mot. 18:1-5; Mrk. 9:33-37)
46Anali sitem ingho akithe chotpo pusi adun hel chipawang dutno. 47Manta Jisu anali angthin arlo kachiron alam atot hlongsi anang oso ihut eno aro anang kungsi bilo, 48aro analiyok pulo, “Inghosi labang oso yok nemen pen chidenge, anangke neyoksi chidenge, aro inghosi neyok chidenge, anangke neyok wang kitolpo yoksi chidenge; piyok pu tene nali sitem ingho ahuwityok kachipabek chot, anangsi akithe chotpo.”
Ingho Nali Langsetse Anang Nali Phan
(Mrk. 9:38-41)
49Johon po pulo, “Hemphu, hali ihut arleng nang menpen si-ik ka-ujhar thekngo, aro hali anangyok tengklakngo, piyok pu tene anangke ili arleng kalek.” 50Jisu anangyok pulo, “Anangyok tengek, piyok pu tene inghosi nali lang set-setse ma, anangke nali phan.
Samaritan Arong Isi Jisu yok Kidengde
51Konamsi Jisu ethakpe kipon arni adung wanghlengo, anang Jerusalem kidamyok amahang en pono. 52Aro Samaritan rong isi long anang phan honjok wensi kibiyok, anang ngo-ngo si anang ahara tolo; 53manta anang Jerusalem yok kidam amahang kipi apot, lahel anang yok chidengde yongot. 54Konamsi bangpo theksi Jems po pen Johon po, labang hi-ni adun hel pulo, “O Hemphu, nang haliyok sunengpe para me wang pajangyok thansi aro analiyok kapasek aneng do ma? 55Manta Jisu amahang chirting-wolsi, analiyok tamo. 56Laparake Jisu pen adun hel kamprek arongyok damo.
Jisu Aphel Kidune Abang
(Mot. 8:18-22)
57Lahel duwar damjongsi kido amun, inghone bakpo Jisu yok pulo, “Nang daklong dam, lalong yok ne nang phel-phel dune.” 58Aro Jisu anangyok pulo, “Mengsurung hel ke ang-gog do aro wohel ta atar do; manta Arleng Aso ki-ih kisangchok athemso ta ingjong.” 59Kamprek ihutyok Jisu thano, “Nang nephel wangdun not.” Manta anang pulo, “Hemphu, ango netolnot aro ne papo kithi papep dam tolnot.” 60Manta Jisu anang yok pulo, “Akithi abang abithang kithi papep nang; manta nangke, damot aro Arnam-alongri alamthe pahar not.” 61Kamprek ihut ke pulo, “Ne nang phel dune, Hemphu; manta ango nehem arleng hel chipadisi kiwangyok netolnot.” 62Jisu pulo, “Inghosi kapanong nangol along otsi aphel ayok chilangphak anang Arnam-alongri long michangche.”
Tans Gekies:
:
Kleurmerk
Deel
Kopieer
Wil jy jou kleurmerke oor al jou toestelle gestoor hê? Teken in of teken aan
Amri Karbi N.T. - AKIMI ANGTON N.T.
Copyright © 2017 by The Bible Society of India
Used by permission. All rights reserved worldwide.