2 Timoteus 1:1-3

Paulus, 'n •apostel van •Christus Jesus, deur die wil van God, in ooreenstemming met die belofte van die lewe in Christus Jesus, aan Timoteus, my geliefde kind: Genade, barmhartigheid en vrede van God, die Vader, en Christus Jesus, ons Here. Ek is dankbaar teenoor God, wat ek, soos my voorouers, met 'n skoon gewete dien, wanneer ek onophoudelik, bedags en snags, in my gebede aan jou dink.