Mataayo Obhutangati
Obhutangati
Ekitabho kinu ꞉kyakaamirwe na Mataayo. Yeesu ꞉aabhirikiiye Mataayo okubha mwiyigira waaye kabhaga kanu Mataayo ꞉aariga ˆnaatobhesha riigooti. Amangʼana amaafu ganu Mataayo akaamire mu-kitabho kinu, ni ganu ꞉aarorere omwene meeso meeru. Mu-kitabho kinu, Mataayo ꞉aakaamiiye Abhayawudi, munomuuno bhanu ꞉bheekirisiishe Yeesu. Nawe Amangʼana Amajomu aga Yeesu gatari ku-nsonga ya Bhayawudi abheene era, tari gariwo ku-nsonga ya abhaanu bhoone kutyo abha mu-kyaro kinu. Amangʼana Amajomu agaaika ati Yeesu niwe Kiriisitu na Omwerusi wa abhaanu. Okuturira ku-Yeesu Nyamuwanga ꞉aakuumisiishe amangʼana goone kutyo ganu ꞉aariga aragire abhaanu ati arikora.
Ekitabho kya Mataayo kiri na omuroobhekano mujomu. Na ekisimura mangʼana maafu mu-bhurame bhwa Yeesu ari mu-kyaro anu, okwambira okwibhurwa kwaye, kutyo ꞉aaramire na kutyo ꞉aafuuye na okusuuka. Agati wakyo ekisoosha ameeyigisho maafu ganu Yeesu ꞉aariga ˆneeyigisha abhaanu. Okuturira ku-meeyigisho gaaye, ekimenya kutyo obhukama bhwa Nyamuwanga bhuri, na ekiiyigira okurama rwa kutyo Nyamuwanga keenda.
Tans Gekies:
Mataayo Obhutangati: kya
Kleurmerk
Deel
Kopieer
Wil jy jou kleurmerke oor al jou toestelle gestoor hê? Teken in of teken aan
© 2023, Wycliffe Bible Translators, Inc. All rights reserved