Muuduko 2
2
1Toro te Gooti tool yiuwi'nokai sulugumdo tokwe'aro kwako tokwe'aro noonyumwonyu togai'aro su tonyu me'no sokwollopiyokagano. 2#Moll. 20:11; Hib. 4:4,10Gooti tool toro yokwollopino sumaiyokwe iruko naba 7 tollugwoji abimwogapiyokaikono. Toro tool yakwollo'mo womdo puruv nonaguto tool iruko su tollugwoji womdo miyokaikono. Yiuno iruko to'no amwalokaikono. 3Toro te Gooti tool iruko su tollugwoji sugudo tov uubweyo'no aro adokaikono. “Iruko su tollugwo yiuno nuvnokwenyo'mo ajesumollugwogano. Toro tovino tov judo pumgu'arollugwogano.” Gooti tool yiuwi'nokai tonyu me'no yokwollopino sumaiyokwe iruko to'no amwalokaikono. Iruko su tollugwoji iruko amwaloka tovino tov sugudo adubweyokaikono. 4Kuuguudo akav Gooti Yawel sulugumdo tokwe kwako tokwe tovallu sokwollosoka tovinokwono.
Womdo Iden toru'nokwono
5Muudu'nodo toga Gooti Yawel yiuwi'nokai kwako tokwe sulugumdo tokwe tonyu jokwollosoduke toga noonyumwonyu ikodeyo gwo'gwoptodeyo ton yere mabilallajupogano. Su toro toga buuruko maviyajukokwono. Aki a'mwo noburaujo'mo pworo nonagutogakono. 6Buuruko toro maviyajuko kuvi kuruv kwa'muujudo tov muunyu kai'muu ilodawo kwako akavi aki aiko te iminyo abwolbweyajukokwono.
7 #
1Krn. 15:45
To'no'gwowi Gooti Yawel a'mwo muudu'nodo toollu yakwollo'mo tool kwako puruv malluno sumaiyokwe a'mwo toolluro kulako tov sakwollokaikono. Toro yakwolluno sumaiyokwe toga Gooti Yawel a'mwo toollu aiyo imo'nono'moneyokwe gamoro subuupuuto tovi'aro pwo'mi muujudo kuuwapiyoka toga a'mwo tool aiyo sumo'nokaikono.
8Toruda'ai Gooti Yawel kuujo sumdo sulopiyamoka tomgu womdo puruv soburoudosokaikono. Toro soburoudosoka toru'no yovo tov Idenorukono. Toro towai a'mwo sokwollosoka toollu auluumwallokaikono. 9#Ado. 2:7, 22:2,14Gooti Yawel a'mwo toollu toro kuuluumwalluno sumaiyokwe womdo tovi iko wobeya sumdo yo'mo togai aki ikulsulo nonyo'mo togai tonyu aburoudubweyokaikono. Aki iko judo pumgu'aro toorake'aro womnakuuto tomuu auloujudapiyokaikono. Toro te iko pwolluro ikulsulo tov amano'ji tool aiyo yiunokuudo mujomwekovlawonekono. Toro kuvi kuruv iko pwolluro ikulsulo tov amano'ji tekwono'gwowi kuudo bwotonyago ton youromaronekono. Kuudo sugudo togai'aro ma'no ma'no kuudo togai'aro tonyuno youromaronekono.
10To'no'gwowi womdo Iden akuuto toru wonyo puruv ilowilovabino sumaiyokwe alokwokakwono. Toro te wonyo alokwoka su tov womdo Iden toru kwako tovi iminyo wosoduke tovida'ai noonyumwonyu auloujunallajupo ton ilaiyo to'no abillajupogano. Wonyo su tov roju'nyuno sumaiyokwe wonyo aval aval ton alokwopogano. 11Toro tonyuno yovo ton puruv Pisoonovokwono. Wonyo su tov kantri Havila tomgu'aro kwolokakwono. Kantri su tovi gool tov wo'dowodorukono. 12Gool su tov yiuno sugumaluko to'no ilsoma'dupudokwono. Kantri avalo su to kuvi i'mujako tovida'ai wobeya sudo kuunyokwe tov wo'dowodorukono. Su tovino yovo tov budeliyomovokwono. Aki kantri Havila su toru sulo sugumaluko puruv kaniliyanovo dodupudo tov wo'dowodorukono. 13Toruda'ai aki wonyo puvino yovo tov Gihoonovokwono. Wonyo su tov Kuus tomgu'aro kwolokakwono. 14Aki wonyo puvino yovo tov Taigurisovokwono. Toro tov Asiriya toru kuujo tool sulopiyamoka tomgu'aro kwolokakwono. Aki wonyo aiyowo'mo tovino yovo tov Yiufretisovokwono. Toro te wonyo aval aval su ton toro kwolapogano.
15Toruda'ai Gooti Yawel a'mwo sokwollosoka toollu womdo Iden towai kuumwallokaikono. Toro tool womdo tovi mollomwalowo'ji ilsoweyoburaudumwalono'moneyokwe kuumwallokaikono. 16Toro uumwalluno sumaiyokwe Gooti Yawel a'mwo toollu aro kuudokaikono. “Yiuwi'nokai iko tooravuro sulo ton ilaiyo nokwo muudanbinekugono. 17Toro kuvi kuruv iko pwol gumiyo'mo kumakekono. Iko su toolluno yovo tov arokwono. Kuudo sugudo togai'aro kuudo ma'no ma'nodo togai'aro tonyu youromallo'molekono. Toro toolluro ikulsulo tov amuudanbi tov kuga'gwo kuuno nobolbinekugono.” Kuudokaikono.
18Gooti Yawel toro wuujuno sumaiyokwe toga aro adokaikono. “A'mwo tool judo tekwo nomwalo'jo. A'mwo toollu do'nuwimwalono'moneyokwe puruv neya yakwollumonyugono. Toro tov a'mwo tooke yogaimo'nyo'mo nokwo mwalbullunovakono.” Adokaikono. 19Toro juno sumaiyokwe toga Gooti Yawel kwako tovida'ai yiuwi'nokai noonyumwonyu ibesa'aiyo allu kuulolo dokato toorai yokwollomwora'no sumaiyokwe a'mwo toollomno yovo yowarono'moneyokwe amokabokaikono. Buro'nyovo yovodolobunyo ton yowaronoldukoneyokwe amokabokaikono. Toro te a'mwo tool yiuwi'nokai judo'no judo'nodo tooraino yovo ton go'no go'no sowarokaikono. Toro te yiuwi'nokai tooraino yovo tov su toro togada'ai sowa'noporogano. 20Toro te a'mwo tool yiuwi'nokai ibesa'aiyo kuulludaiyo toorogai'aro ibesa'aiyo wiyo toorogai'aro yiuwi'nokai dokato toorogai'aro toorai yovo sowaroka su to kuga kuruv gavuge yogaimo'nyo'mo puruv mainodokwopiyomarokaikono.
21Toro te Gooti Yawel a'mwo toollu sa bwotonyo worono'moneyokwe aduuwiyokaikono. Toro te a'mwo tool sa bwotonyo wo'duke toga gamoro lapto pullu galovolukuuroma'no sumaiyokwe kulako tov aki aiko te amollowinopiyokakwono. 22Toro te Gooti Yawel a'mwo toolluro lapto tovida'ai abolo puruv sakwollokaikono. Toro yakwolluno sumaiyokwe a'mwo toollu abuuwiyokaikono. 23Toro abuuwiyoka toga a'mwo tool adokaikono. “Abolo akav numoro yogudo tovida'aiyokwono. Aki toro tov numoro kulako tovida'aiyokwono. Toro tovino abolovo yowa'mokwono.” Adokaikono. 24#Mt. 19:5; Mk. 10:7,8; 1Krn. 6:16; Ef. 5:31Kwolabolo yoma'nyo'mo pasudo tov toro tovida'ai sumo'nokakwono. Toro te a'mwo pwol gami kuunum kwolabolo teyaullu wuugollu'mowo'ji abolo puruv maronekono. Toro teyaul guro'mwonyo'bullu kulako puru'mono imo'nubulluneyaukono.
25Toro te a'mwo kwolabolo teyaul muukanyulmaiyo kiyaul kuruv wogulo mibwosunyajuleyaukono.
Tans Gekies:
Muuduko 2: SMB
Kleurmerk
Deel
Kopieer
Wil jy jou kleurmerke oor al jou toestelle gestoor hê? Teken in of teken aan
© 2022: Ethnos360 Sanford, Florida
Muuduko 2
2
1Toro te Gooti tool yiuwi'nokai sulugumdo tokwe'aro kwako tokwe'aro noonyumwonyu togai'aro su tonyu me'no sokwollopiyokagano. 2#Moll. 20:11; Hib. 4:4,10Gooti tool toro yokwollopino sumaiyokwe iruko naba 7 tollugwoji abimwogapiyokaikono. Toro tool yakwollo'mo womdo puruv nonaguto tool iruko su tollugwoji womdo miyokaikono. Yiuno iruko to'no amwalokaikono. 3Toro te Gooti tool iruko su tollugwoji sugudo tov uubweyo'no aro adokaikono. “Iruko su tollugwo yiuno nuvnokwenyo'mo ajesumollugwogano. Toro tovino tov judo pumgu'arollugwogano.” Gooti tool yiuwi'nokai tonyu me'no yokwollopino sumaiyokwe iruko to'no amwalokaikono. Iruko su tollugwoji iruko amwaloka tovino tov sugudo adubweyokaikono. 4Kuuguudo akav Gooti Yawel sulugumdo tokwe kwako tokwe tovallu sokwollosoka tovinokwono.
Womdo Iden toru'nokwono
5Muudu'nodo toga Gooti Yawel yiuwi'nokai kwako tokwe sulugumdo tokwe tonyu jokwollosoduke toga noonyumwonyu ikodeyo gwo'gwoptodeyo ton yere mabilallajupogano. Su toro toga buuruko maviyajukokwono. Aki a'mwo noburaujo'mo pworo nonagutogakono. 6Buuruko toro maviyajuko kuvi kuruv kwa'muujudo tov muunyu kai'muu ilodawo kwako akavi aki aiko te iminyo abwolbweyajukokwono.
7 #
1Krn. 15:45
To'no'gwowi Gooti Yawel a'mwo muudu'nodo toollu yakwollo'mo tool kwako puruv malluno sumaiyokwe a'mwo toolluro kulako tov sakwollokaikono. Toro yakwolluno sumaiyokwe toga Gooti Yawel a'mwo toollu aiyo imo'nono'moneyokwe gamoro subuupuuto tovi'aro pwo'mi muujudo kuuwapiyoka toga a'mwo tool aiyo sumo'nokaikono.
8Toruda'ai Gooti Yawel kuujo sumdo sulopiyamoka tomgu womdo puruv soburoudosokaikono. Toro soburoudosoka toru'no yovo tov Idenorukono. Toro towai a'mwo sokwollosoka toollu auluumwallokaikono. 9#Ado. 2:7, 22:2,14Gooti Yawel a'mwo toollu toro kuuluumwalluno sumaiyokwe womdo tovi iko wobeya sumdo yo'mo togai aki ikulsulo nonyo'mo togai tonyu aburoudubweyokaikono. Aki iko judo pumgu'aro toorake'aro womnakuuto tomuu auloujudapiyokaikono. Toro te iko pwolluro ikulsulo tov amano'ji tool aiyo yiunokuudo mujomwekovlawonekono. Toro kuvi kuruv iko pwolluro ikulsulo tov amano'ji tekwono'gwowi kuudo bwotonyago ton youromaronekono. Kuudo sugudo togai'aro ma'no ma'no kuudo togai'aro tonyuno youromaronekono.
10To'no'gwowi womdo Iden akuuto toru wonyo puruv ilowilovabino sumaiyokwe alokwokakwono. Toro te wonyo alokwoka su tov womdo Iden toru kwako tovi iminyo wosoduke tovida'ai noonyumwonyu auloujunallajupo ton ilaiyo to'no abillajupogano. Wonyo su tov roju'nyuno sumaiyokwe wonyo aval aval ton alokwopogano. 11Toro tonyuno yovo ton puruv Pisoonovokwono. Wonyo su tov kantri Havila tomgu'aro kwolokakwono. Kantri su tovi gool tov wo'dowodorukono. 12Gool su tov yiuno sugumaluko to'no ilsoma'dupudokwono. Kantri avalo su to kuvi i'mujako tovida'ai wobeya sudo kuunyokwe tov wo'dowodorukono. Su tovino yovo tov budeliyomovokwono. Aki kantri Havila su toru sulo sugumaluko puruv kaniliyanovo dodupudo tov wo'dowodorukono. 13Toruda'ai aki wonyo puvino yovo tov Gihoonovokwono. Wonyo su tov Kuus tomgu'aro kwolokakwono. 14Aki wonyo puvino yovo tov Taigurisovokwono. Toro tov Asiriya toru kuujo tool sulopiyamoka tomgu'aro kwolokakwono. Aki wonyo aiyowo'mo tovino yovo tov Yiufretisovokwono. Toro te wonyo aval aval su ton toro kwolapogano.
15Toruda'ai Gooti Yawel a'mwo sokwollosoka toollu womdo Iden towai kuumwallokaikono. Toro tool womdo tovi mollomwalowo'ji ilsoweyoburaudumwalono'moneyokwe kuumwallokaikono. 16Toro uumwalluno sumaiyokwe Gooti Yawel a'mwo toollu aro kuudokaikono. “Yiuwi'nokai iko tooravuro sulo ton ilaiyo nokwo muudanbinekugono. 17Toro kuvi kuruv iko pwol gumiyo'mo kumakekono. Iko su toolluno yovo tov arokwono. Kuudo sugudo togai'aro kuudo ma'no ma'nodo togai'aro tonyu youromallo'molekono. Toro toolluro ikulsulo tov amuudanbi tov kuga'gwo kuuno nobolbinekugono.” Kuudokaikono.
18Gooti Yawel toro wuujuno sumaiyokwe toga aro adokaikono. “A'mwo tool judo tekwo nomwalo'jo. A'mwo toollu do'nuwimwalono'moneyokwe puruv neya yakwollumonyugono. Toro tov a'mwo tooke yogaimo'nyo'mo nokwo mwalbullunovakono.” Adokaikono. 19Toro juno sumaiyokwe toga Gooti Yawel kwako tovida'ai yiuwi'nokai noonyumwonyu ibesa'aiyo allu kuulolo dokato toorai yokwollomwora'no sumaiyokwe a'mwo toollomno yovo yowarono'moneyokwe amokabokaikono. Buro'nyovo yovodolobunyo ton yowaronoldukoneyokwe amokabokaikono. Toro te a'mwo tool yiuwi'nokai judo'no judo'nodo tooraino yovo ton go'no go'no sowarokaikono. Toro te yiuwi'nokai tooraino yovo tov su toro togada'ai sowa'noporogano. 20Toro te a'mwo tool yiuwi'nokai ibesa'aiyo kuulludaiyo toorogai'aro ibesa'aiyo wiyo toorogai'aro yiuwi'nokai dokato toorogai'aro toorai yovo sowaroka su to kuga kuruv gavuge yogaimo'nyo'mo puruv mainodokwopiyomarokaikono.
21Toro te Gooti Yawel a'mwo toollu sa bwotonyo worono'moneyokwe aduuwiyokaikono. Toro te a'mwo tool sa bwotonyo wo'duke toga gamoro lapto pullu galovolukuuroma'no sumaiyokwe kulako tov aki aiko te amollowinopiyokakwono. 22Toro te Gooti Yawel a'mwo toolluro lapto tovida'ai abolo puruv sakwollokaikono. Toro yakwolluno sumaiyokwe a'mwo toollu abuuwiyokaikono. 23Toro abuuwiyoka toga a'mwo tool adokaikono. “Abolo akav numoro yogudo tovida'aiyokwono. Aki toro tov numoro kulako tovida'aiyokwono. Toro tovino abolovo yowa'mokwono.” Adokaikono. 24#Mt. 19:5; Mk. 10:7,8; 1Krn. 6:16; Ef. 5:31Kwolabolo yoma'nyo'mo pasudo tov toro tovida'ai sumo'nokakwono. Toro te a'mwo pwol gami kuunum kwolabolo teyaullu wuugollu'mowo'ji abolo puruv maronekono. Toro teyaul guro'mwonyo'bullu kulako puru'mono imo'nubulluneyaukono.
25Toro te a'mwo kwolabolo teyaul muukanyulmaiyo kiyaul kuruv wogulo mibwosunyajuleyaukono.
Tans Gekies:
:
Kleurmerk
Deel
Kopieer
Wil jy jou kleurmerke oor al jou toestelle gestoor hê? Teken in of teken aan
© 2022: Ethnos360 Sanford, Florida