YAHYA 12
12
Isa ririo songkabala
12:1-8
(Mat. 26:6-13; Mark. 14:3-9)
1Annangallo rigelenapa Pa'lappasang, ambattumu Isa mange ri Betania, tampa' pammarianna Lazarus tumaeng injo lapakaattalasa muliang Isa battu rikamateang. 2Ri injo a'buaki panganre-nganreang tujunna Isa na Marta a'daha-daha, sala se'renna tuminahang nganre surangi Isa iamo intu Lazarus. 3#Luk. 7:37-38Maeng injo ngalle Maria sitangnga katti minnya' narwastu ka'jala ballinna, ampai laminnyaki bangkenna Isa na uhu'na lapake allu'lu'; na honduna minnya' injo laganna'i sibatu sapo injo. 4Mingka Yudas Iskariot, se'rei suro ri Isa, tugele injomo sallo nalapassareangi Isa, appau, 5”Ngura minnya' narwastu inni gele ribalukang mamo na ballinna ripassareangi mange ri tau kaasi-asi?” 6Passala injo lapaui gele kanara lapariatina tau kaasi-asi inni, mingka ia se'rei palukka'; ia biasai a'kossi'-kossi' doe' tattaro lalang ri purukang lateteng injo. 7Jari appaui Isa, ”Lappasang tommo lageokang passala inni assimpole papiu'rangi ripanguburangKu. 8#Ul. 15:11Saba' tau kaasi-asi intu tulusu rie' juai ri kaui, mingka Nakke gelea tulusu larie' ri kau.”
Passamaturukang larihunoi Lazarus
12:9-11
9Sibageang bakka' tau Yahudi allangngere ma'nassana Isa rie'i konjomange na mange ngase'i konjo gele sangga kanara Isa jua, mingka pole lalajanjangi Lazarus, tumaeng injo lapakaattallasa muliang Isa battu rikamateang. 10Jari sikonjo imang ponggaha assamaturuki ngase'mu lalahuno todo'i Lazarus, 11saba' kanara iamo nalohe tau Yahudi a'boko ri iyai na tappa'i mange ri Isa.
Isa ripakala'biri ri Yerusalem
12:12-19
(Mat. 21:1-11; Mark. 11:1-10; Luk. 19:28-38)
12Rimintara'na mae rihattu lohena tau battu lamange assua'-suara ri Pa'lappasang injo lalangngere ma'nassana Isa rie'mu attangnga lalang lamange ri Yerusalem, 13#Mzm. 118:26ngalle ngase'mu taha-taha nuriare' taha palem, na a'lampai laruppai Isa ampai a'gora-gora:
”Hosana!
Ripakala'birimu Tubattu injo lalang arenna Allataala,
Karaeng Israele!”
14Isa anrumpa'i sikaju ana' kaladai longko ampai nai' a'bai, assimpole rie' ta'ukiri:
15 #
Za. 9:9
”Ako malla', oe ana'rarana Sion,
janjangimu, rie'mu Karaemmu,
attolongi rate ri sikaju ana' kaladai longko.”
16Ripakaramulana ana'-ana' gurunna Isa gele lapahang passala injo, mingka sungka'i maemmo ripakala'biri Isa, ngu'rangii ngase'mu ma'nassana pau injomo lakuangang, na ma'nassana iyai maeng lageokang todo'i mange ri Ia.
17Jari assa'bimu tau lohe tuassurang-surang injo Isa rihattunna lakeo' Lazarus ansulukang battu ri kuburu na lapakaattallasai muliang battu rikamateang. 18Injomo saba'na tau lohe injo a'lampai laruppai Isa, kanara lalangngerinna ma'nassana Ia a'bua' kajariang nugele injo samara. 19Jari appaui tau Farisi injo, ”Kaumo anjanjang ma'nassana tide' jua matu-matunta, janjammu, sibatu lino battu minahang ri Ia.”
Isa lapappiissekang kamateanNa
12:20-36
20Ri iyai tua'lampa injo lassambajang ri allo pa'lappasang, rie' todo' sikura tau Yunani. 21Iyai injo a'lampai mange ri Filipus, assala'na battu ri Betsaida ri Galilea, ampai appaui mange ri ia, ”Karaeng, kambe a'ra'kang assijanjang surang Isa.” 22A'lampai Filipus mange lapauwang Andreas; Andreas surang Filipus lapabattui pasang injo mange ri Isa. 23Appaui Isa mange ri iyai, ”Larapi'mu hattunna Ana' Rupatau laripakala'biri. 24Sitoje'na Nakke appau mange ri kaui: Ampa lisere bae gandong inni gele a'dappe' naung ri tana, ia latulusu silisere'na; mingka ampa matei, ia laa'jari lohe bullere'na. 25#Mat. 10:39, 16:25; Mark. 8:35; Luk. 9:24, 17:33Inai jua lakatutui nyahana, latappela' nyahana, mingka inai jua gele lakatutui nyahana ri lino inni, ia lapiarai ritallasa mannannungang. 26Inai jua anjampangi ri Nakke, ia parallui minahang ri Nakke na ri anteea mae rie' ri injomu pajampangingKu laammari. Inai jua anjampangi ri Nakke, ia ripakala'biri ri Amma. 27Konni-konnina assi'na-si'na batengKu na apamo laKupau? Amma, pakasalama'i battu rikasissaang inni? Gele, saba' rikanaranamo injo Nakke rie' lalang rikasissaang inni. 28Amma, ripakala'birimu aremMu!” Jari kalangngerammu sa'ra battu ri Suruga, ”Nakke maemmu Kupakala'biri, na Nakke laappakala'biri juapa!” 29Tau lohe ammentengi injo na lapilangngeri appau ma'nassana injo sa'ra gunturu. Rie' pole tau appau, ”Se're malaeka' maeng a'bisara surangang Ia.” 30Appihali Isa, ”Sa'ra kalangngerang injo gele kanara ri Nakke, mingka kanara ri kaui. 31Konni-konnina attangngamu pangadelang ri lino inni: konni-konnina pole tukahasana lino inni laripamballungi ansulukang; 32na Nakke, ampa Nakkemo ripakala'biri ri lino, laKubeso' ngase'i sikuanna tau battu injo mae ri Nakke.” 33Inni lapaui Isa lalapappissekangi anteekamua ta'ranna Ia lamate. 34#Mzm. 110:4; Yes. 9:6; Yeh. 37:25; Dan. 7:14Jari appihalimu tau lohe injo, ”Kambe maeng talangngeremu hukkung Tora' ma'nassana Almase tulusu laattallasai situlusu'na; anteekamua lama'ring Kau appau ma'nassana Ana' Rupatau parallu ripakalangkasa? Inai sitoje'na Ana' Rupatau injo?” 35Appaui Isa mange ri iyai, ”Siso'di' kalemamo hattunna sinara injo rie' ri kaui. A'lingkaimoko sangkalang rie'na juapa sinara injo ri kaui, solanna kalammang injo andai kahasa ri kaui; inai jua a'lingka lalang ri kalammang, injo ia gele laisse' antee mae lampana. 36Tappa'ko mange ri sinara injo, ampa rie' juapai sinara injo ri kaui, solanna kaui a'jari ana'-ana' sinara.”
Sungka'i maeng appau appakonjo, Isa a'lampai mange amminsa'bu battu ri tau lohe injo.
Ngurai tau Yahudi inni gele a'ra' tappa'
12:37-43
37Manna injo Isa a'bua'i siloheang kajariang nugele samara ri a'rakang matannai, mingka iyai gele juai tappa' mange ri Ia, 38#Yes. 53:1solanna ripa'rupa pauna Allataala nulaukiri injo Nabbi Yesaya:
”Karaeng, inaimo latappa' mange ripauba?
Na mange ri nai' lima KakahasaamMu Karaeng ripappijanjangang?”
39Injomo saba'na iyai gele akkulle tappa', saba' Yesaya maeng todo'i lapau,
40 #
Yes. 6:10
”Ia maeng lapakabutamu matanna, na lapakaterasa atina,
solanna gele anjanjang matanna, na gele lapahang ri atina,
jari a'gilingi, sa'genna Kupakamole ngase'.”
41Passala inni ripaui ri Yesaya, saba' ia maeng lajanjammu kala'biranNa na maemmu pole lapau-pau passala'na Ia.
42Mingka lohe todo' ritangngana ponggaha injo tappa' mange ri Ia, mingka rikanara lohena tau Farisi jari iyai injo gele lapau silambusu'na, solanna gelei ripelaki dere. 43Saba' iyai injo la'bi langaiang ripakala'biri ri rupatau na ripakala'biri ri Allataala.
Pauna Isa langadeli
12:44-50
44Maeng injo appau bakka'i Isa, ”Inai jua tappa' ri Nakke, injo gele Nakke lakatappaki, mingka mange ri Ia, ri Tusasuro injo ri Nakke; 45na inai jua anjanjang ri Nakke, injo Iamo lajanjang, Tuassuro injo ri Nakke. 46Nakke antama' ri lino inni assimpole sinara, solanna sikuanna tau tappa' injo ri Nakke gele ammari rikalammang. 47Ampa rie' se're tau lapilangngeri pauKu, mingka gele lageokang, gele Nakke hakkinna, saba' Nakke rie' mae gele langadeli lino, mingka Kupakasalama'i. 48Inai jua gele tappa' ri Nakke, na gele latarima pauKu, injo ia rie'mo hakkinna. Iamo intu pau Kupau injo. Iamo injo laa'jari hakkinna ampa kiama'mu lino. 49Saba' Nakke appa-pau gele nubattu ri kalengKu to'jua, mingka nubattu ri Amma, Tuassuro injo ri Nakke, iamo assuro ri Nakke laappala'bang apa nuparallu Kupau surang Kupabattu. 50Kuisse'i ma'nassana parentaNa injo iamo intu tallasa mannannungang. Kanara injomo, apa nuKupau injo, Kupabattui assimpole anteekamua ripappauna Amma mae ri Nakke.”
Tans Gekies:
YAHYA 12: LAI_SLY
Kleurmerk
Deel
Kopieer
Wil jy jou kleurmerke oor al jou toestelle gestoor hê? Teken in of teken aan
@LAI 2012 Indonesian Bible Society (Lembaga Alkitab Indonesia)
YAHYA 12
12
Isa ririo songkabala
12:1-8
(Mat. 26:6-13; Mark. 14:3-9)
1Annangallo rigelenapa Pa'lappasang, ambattumu Isa mange ri Betania, tampa' pammarianna Lazarus tumaeng injo lapakaattalasa muliang Isa battu rikamateang. 2Ri injo a'buaki panganre-nganreang tujunna Isa na Marta a'daha-daha, sala se'renna tuminahang nganre surangi Isa iamo intu Lazarus. 3#Luk. 7:37-38Maeng injo ngalle Maria sitangnga katti minnya' narwastu ka'jala ballinna, ampai laminnyaki bangkenna Isa na uhu'na lapake allu'lu'; na honduna minnya' injo laganna'i sibatu sapo injo. 4Mingka Yudas Iskariot, se'rei suro ri Isa, tugele injomo sallo nalapassareangi Isa, appau, 5”Ngura minnya' narwastu inni gele ribalukang mamo na ballinna ripassareangi mange ri tau kaasi-asi?” 6Passala injo lapaui gele kanara lapariatina tau kaasi-asi inni, mingka ia se'rei palukka'; ia biasai a'kossi'-kossi' doe' tattaro lalang ri purukang lateteng injo. 7Jari appaui Isa, ”Lappasang tommo lageokang passala inni assimpole papiu'rangi ripanguburangKu. 8#Ul. 15:11Saba' tau kaasi-asi intu tulusu rie' juai ri kaui, mingka Nakke gelea tulusu larie' ri kau.”
Passamaturukang larihunoi Lazarus
12:9-11
9Sibageang bakka' tau Yahudi allangngere ma'nassana Isa rie'i konjomange na mange ngase'i konjo gele sangga kanara Isa jua, mingka pole lalajanjangi Lazarus, tumaeng injo lapakaattallasa muliang Isa battu rikamateang. 10Jari sikonjo imang ponggaha assamaturuki ngase'mu lalahuno todo'i Lazarus, 11saba' kanara iamo nalohe tau Yahudi a'boko ri iyai na tappa'i mange ri Isa.
Isa ripakala'biri ri Yerusalem
12:12-19
(Mat. 21:1-11; Mark. 11:1-10; Luk. 19:28-38)
12Rimintara'na mae rihattu lohena tau battu lamange assua'-suara ri Pa'lappasang injo lalangngere ma'nassana Isa rie'mu attangnga lalang lamange ri Yerusalem, 13#Mzm. 118:26ngalle ngase'mu taha-taha nuriare' taha palem, na a'lampai laruppai Isa ampai a'gora-gora:
”Hosana!
Ripakala'birimu Tubattu injo lalang arenna Allataala,
Karaeng Israele!”
14Isa anrumpa'i sikaju ana' kaladai longko ampai nai' a'bai, assimpole rie' ta'ukiri:
15 #
Za. 9:9
”Ako malla', oe ana'rarana Sion,
janjangimu, rie'mu Karaemmu,
attolongi rate ri sikaju ana' kaladai longko.”
16Ripakaramulana ana'-ana' gurunna Isa gele lapahang passala injo, mingka sungka'i maemmo ripakala'biri Isa, ngu'rangii ngase'mu ma'nassana pau injomo lakuangang, na ma'nassana iyai maeng lageokang todo'i mange ri Ia.
17Jari assa'bimu tau lohe tuassurang-surang injo Isa rihattunna lakeo' Lazarus ansulukang battu ri kuburu na lapakaattallasai muliang battu rikamateang. 18Injomo saba'na tau lohe injo a'lampai laruppai Isa, kanara lalangngerinna ma'nassana Ia a'bua' kajariang nugele injo samara. 19Jari appaui tau Farisi injo, ”Kaumo anjanjang ma'nassana tide' jua matu-matunta, janjammu, sibatu lino battu minahang ri Ia.”
Isa lapappiissekang kamateanNa
12:20-36
20Ri iyai tua'lampa injo lassambajang ri allo pa'lappasang, rie' todo' sikura tau Yunani. 21Iyai injo a'lampai mange ri Filipus, assala'na battu ri Betsaida ri Galilea, ampai appaui mange ri ia, ”Karaeng, kambe a'ra'kang assijanjang surang Isa.” 22A'lampai Filipus mange lapauwang Andreas; Andreas surang Filipus lapabattui pasang injo mange ri Isa. 23Appaui Isa mange ri iyai, ”Larapi'mu hattunna Ana' Rupatau laripakala'biri. 24Sitoje'na Nakke appau mange ri kaui: Ampa lisere bae gandong inni gele a'dappe' naung ri tana, ia latulusu silisere'na; mingka ampa matei, ia laa'jari lohe bullere'na. 25#Mat. 10:39, 16:25; Mark. 8:35; Luk. 9:24, 17:33Inai jua lakatutui nyahana, latappela' nyahana, mingka inai jua gele lakatutui nyahana ri lino inni, ia lapiarai ritallasa mannannungang. 26Inai jua anjampangi ri Nakke, ia parallui minahang ri Nakke na ri anteea mae rie' ri injomu pajampangingKu laammari. Inai jua anjampangi ri Nakke, ia ripakala'biri ri Amma. 27Konni-konnina assi'na-si'na batengKu na apamo laKupau? Amma, pakasalama'i battu rikasissaang inni? Gele, saba' rikanaranamo injo Nakke rie' lalang rikasissaang inni. 28Amma, ripakala'birimu aremMu!” Jari kalangngerammu sa'ra battu ri Suruga, ”Nakke maemmu Kupakala'biri, na Nakke laappakala'biri juapa!” 29Tau lohe ammentengi injo na lapilangngeri appau ma'nassana injo sa'ra gunturu. Rie' pole tau appau, ”Se're malaeka' maeng a'bisara surangang Ia.” 30Appihali Isa, ”Sa'ra kalangngerang injo gele kanara ri Nakke, mingka kanara ri kaui. 31Konni-konnina attangngamu pangadelang ri lino inni: konni-konnina pole tukahasana lino inni laripamballungi ansulukang; 32na Nakke, ampa Nakkemo ripakala'biri ri lino, laKubeso' ngase'i sikuanna tau battu injo mae ri Nakke.” 33Inni lapaui Isa lalapappissekangi anteekamua ta'ranna Ia lamate. 34#Mzm. 110:4; Yes. 9:6; Yeh. 37:25; Dan. 7:14Jari appihalimu tau lohe injo, ”Kambe maeng talangngeremu hukkung Tora' ma'nassana Almase tulusu laattallasai situlusu'na; anteekamua lama'ring Kau appau ma'nassana Ana' Rupatau parallu ripakalangkasa? Inai sitoje'na Ana' Rupatau injo?” 35Appaui Isa mange ri iyai, ”Siso'di' kalemamo hattunna sinara injo rie' ri kaui. A'lingkaimoko sangkalang rie'na juapa sinara injo ri kaui, solanna kalammang injo andai kahasa ri kaui; inai jua a'lingka lalang ri kalammang, injo ia gele laisse' antee mae lampana. 36Tappa'ko mange ri sinara injo, ampa rie' juapai sinara injo ri kaui, solanna kaui a'jari ana'-ana' sinara.”
Sungka'i maeng appau appakonjo, Isa a'lampai mange amminsa'bu battu ri tau lohe injo.
Ngurai tau Yahudi inni gele a'ra' tappa'
12:37-43
37Manna injo Isa a'bua'i siloheang kajariang nugele samara ri a'rakang matannai, mingka iyai gele juai tappa' mange ri Ia, 38#Yes. 53:1solanna ripa'rupa pauna Allataala nulaukiri injo Nabbi Yesaya:
”Karaeng, inaimo latappa' mange ripauba?
Na mange ri nai' lima KakahasaamMu Karaeng ripappijanjangang?”
39Injomo saba'na iyai gele akkulle tappa', saba' Yesaya maeng todo'i lapau,
40 #
Yes. 6:10
”Ia maeng lapakabutamu matanna, na lapakaterasa atina,
solanna gele anjanjang matanna, na gele lapahang ri atina,
jari a'gilingi, sa'genna Kupakamole ngase'.”
41Passala inni ripaui ri Yesaya, saba' ia maeng lajanjammu kala'biranNa na maemmu pole lapau-pau passala'na Ia.
42Mingka lohe todo' ritangngana ponggaha injo tappa' mange ri Ia, mingka rikanara lohena tau Farisi jari iyai injo gele lapau silambusu'na, solanna gelei ripelaki dere. 43Saba' iyai injo la'bi langaiang ripakala'biri ri rupatau na ripakala'biri ri Allataala.
Pauna Isa langadeli
12:44-50
44Maeng injo appau bakka'i Isa, ”Inai jua tappa' ri Nakke, injo gele Nakke lakatappaki, mingka mange ri Ia, ri Tusasuro injo ri Nakke; 45na inai jua anjanjang ri Nakke, injo Iamo lajanjang, Tuassuro injo ri Nakke. 46Nakke antama' ri lino inni assimpole sinara, solanna sikuanna tau tappa' injo ri Nakke gele ammari rikalammang. 47Ampa rie' se're tau lapilangngeri pauKu, mingka gele lageokang, gele Nakke hakkinna, saba' Nakke rie' mae gele langadeli lino, mingka Kupakasalama'i. 48Inai jua gele tappa' ri Nakke, na gele latarima pauKu, injo ia rie'mo hakkinna. Iamo intu pau Kupau injo. Iamo injo laa'jari hakkinna ampa kiama'mu lino. 49Saba' Nakke appa-pau gele nubattu ri kalengKu to'jua, mingka nubattu ri Amma, Tuassuro injo ri Nakke, iamo assuro ri Nakke laappala'bang apa nuparallu Kupau surang Kupabattu. 50Kuisse'i ma'nassana parentaNa injo iamo intu tallasa mannannungang. Kanara injomo, apa nuKupau injo, Kupabattui assimpole anteekamua ripappauna Amma mae ri Nakke.”
Tans Gekies:
:
Kleurmerk
Deel
Kopieer
Wil jy jou kleurmerke oor al jou toestelle gestoor hê? Teken in of teken aan
@LAI 2012 Indonesian Bible Society (Lembaga Alkitab Indonesia)