LUKAS 20
20
Pakkuta'nang ripassala kahasana Isa
20:1-8
(Mat. 21:23-27; Mark. 11:27-33)
1Rie' se're allo rihattunna Isa ngajara tau lohe ri Sapo Allataala na lapappauwangii Injili, riekimu imang ponggaha injo na guru Tora' surang tutoa-toa mange konjo 2na akkuta'nangi ri Isa, ”Pauwang sadakang mae battu rikahasa anteeang ripake anggeokang passala intu, na inai assare kahasa ri Kau!” 3Pappihalinna Isa mange ri iyai, ”Nakke rie' todo' se're laKupakkuta'nangang mange ri kau. Pau todo'i mae ri Nakke: 4Panriona Yahya nubattu ri Allataala iyareka nubattu jua ri rupatau?” 5Assibisara ngase'i riparanna na lakua, ”Ampa rikua: Nubattu ri Allataala, a'nassamu lakuana: Ngura nageleiko tappa' ri ia? 6Mingka ampa rikua: Nubattu ri rupatau, a'nassamu labundukinta batu tau lohe inni, saba' tappa' ngase'i, ma'nassana Yahya se'rei nabbi.” 7Jari appihaliimu ma'nassana gele laisseki nubattu ri antee mae panriona injo. 8Jari lakuamo Isa mange ri iyai, ”Ampa appakonjo, injo gele todo'i Kupau mange ri kau kahasa anteeang Kupake anggeokang ripassala injo.”
Pakkalebarang ripassala pakoko anggoro
20:9-19
(Mat. 21:33-46; Mark. 12:1-12)
9 #
Yes. 5:1
Maeng injo Isa labisarai pakkalebarang inni mange ri tau lohe, ”Rie' tau a'bua' koko anggoro; maeng injo lapappitesangangi kokonna mange ripasahala ampai a'lampa mange ri kota maraeng nalasalloi. 10Sungka'i larapi' hattu panduru, lasuromu se're atanna mange ri tau assahala injo, solanna lapassareangi sitangnga mange ri ia hassele koko anggoro'na. Mingka pasahala injo larabungi ata injo ampai lasuro muliang na tide' laerang-erang. 11Rimaenna injo, assuroi pole se're ata maraeng, mingka ata injo rirabung todo'i na ripela' siri'i, ampai risuro muliang na tide' todo' laerang-erang. 12Maenna injo assuroi isse' ata makatallu, mingka tau injo pole rilokoki ripasahala injo, ampai ripamballung ansulukang koko. 13Jari lakuamo opuna koko anggoro injo: Apamo lakugeokang? Lakusuroi ana' sitau-tau kukamaseang injo; tantu ia lakangalikannai. 14Mingka rihattunna pasahala injo lajanjang ana' injo, assamaturukimu, na lakua: Iamo inni tulaharisi'na, maemoko larihunoi, solanna kaharisanna inni a'jari anunta. 15Jari lapamballungimu ansulukang koko ampai lahunoi. Konni-konni apamo lalageokang opuna koko injo mange ri iyai? 16Kalennamo a'lampa mange ri koko anggoro'na na lalahuno ngase' pasahala injo, ampai lapappijamaang kokonna ri tau maraeng.” Rilalangngerinna injo appau ngasekimu, ”Andalalo appakonjo!” 17#Mzm. 118:22Mingka Isa latangarai tau lohe injo na appaui, ”Ampa appakonjo apa pade' battuanna pau inni:
Batu nulapela' injo tukang batu
a'jarimu batu possi' sapo?
18Inai jua a'dappe' rateanna batu injo, lapanra'i, na inai ladappeki batu injo, lajampei.”
19Jari guru Tora' na imang ponggaha injo apparri-parri lalajakkala Isa, saba' laisse'i ma'nassana kalenna lakuangang Isa ripakkalebarang injo, mingka mallakii ri tau lohe.
Passala a'bajara bea ri Kaisar
20:20-26
(Mat. 22:15-22; Mark. 12:13-17)
20Sikonjo guru Tora' na imang ponggaha injo latili'-tilingi Isa. Assuroi mange ri Ia tau laa'juru-juru assimpole tau lambusu, solanna akkulle juai lasikko' Isa rise're pakkuta'nang na laparapaki Isa mange ri tukahasa na pamarenta. 21Iyai injo akkuta'nang appakonni mange ri Isa, ”Guru, kambe taisse'i ma'nassana sikonjo pau surang pangajaramMu toje'i na geleKo mile tau, mingka lambusuKo ngajara a'ra'na Allataala. 22Makala parallukang a'bajara bea mange ri kaisar iyareka andamakang?” 23Mingka Isa latarrusui pikkirang daanai, jari akkuta'nangi mange ri iyai, 24”Pappijanjangangi mae ri Nakke se're doe' seeng; gambara na arenna inai rie' ri injo?” Pappihalinnai, ”Gambara na arenna Kaisar.” 25Jari lakuamo Isa mange ri iyai, ”Ampa appakonjo pade' sareangi Kaisar dahuanna Kaisar na sareang todo'i Allataala dahuanna Allataala.” 26Jari geleimu akkulle lasikko' pau battu ri pappihalina Isa ri a'rakanna tau lohe. Ammangnga-mangnga ngase'i ripappihalinNa injo na ammottoki mamoi.
Pakkuta'nanna tau Saduki inni passala riattalasa muliang
20:27-40
(Mat. 22:23-33; Mark. 12:18-27)
27 #
Suro-suro 23:8
Maeng injo lohemo tau Saduki rie' mange ri Isa tugele laakui parie'na attallasa muliang battu rikamateang, na akkuta'nangi mange ri Isa, 28#Ul. 25:5”Guru, Musa laukiri parenta inni mae ri ditte: Ampa se're tau rie' uranna siana' bura'ne, matei na bahinenna rie' juapai, mingka tide' ana' labokoi, urannamo siana' parallu labontingi pambaluanna injo na lapianakii larie' pinangka'na ri uranna siana'. 29Rie'mo tau tuju assiana'. Tau lihua injo a'bontingi surang se're bahine, maeng injo mate na tide'pa ana' labokoi. 30Jari bahine injo ribontingii ri ana' makarua injo, 31na ri ana' makatallu injo, na apppakonjo tarrusui ri tau tuju injo assiana', mate ngase'i na tide' ana' labokoi. 32Kamaenganna, mate tommo bahine injo. 33Anteekamua bahine injo konni-konnina, inaimo ri tau tuju injo assiana' laa'jari bura'nenna ri allo attallasa injo muliang rikamateang? Saba' tujuiya maeng ngase'i labontingi.” 34Appihali Isa mange ri iyai, ”Tau lino inni a'bontingi na ripaa'bontingangi, 35mingka sikuanna turirapang siratang languppa dahuang ri allo riboko injo na ri attallasa injo muliang battu rikamateang, gele a'bonting surang ripaa'bontingang. 36Iyai injo gelemu lamate muliang; saba' iyai laassimpolemu malaeka' na iyai injo a'jari ana'-ana'na Allataala, kanara maenginnamo ripakaattallasa muliang. 37#Kel. 3:6Passala attallasa'na muliang tau mate inni, Musa maengi lapappiissekang ri kitta' lalang ripau-pauwanna rompo' katinting, ri injo ia laare'i Karaeng Allataala assimpole Allataalana Abraham na Allataalana Ishak surang Allataalana Yakub. 38Ia gele Allataala ri tau mate inni, mingka Allataala ri tau attallasa, saba' ri a'rakanNa nguppa ngase'i tallasa tau inni.” 39Rilalangngere'na injo lohemo guru Tora' appau, ”Guru, naba toje'i pauMu injo.” 40Injomo saba'na gelemu baranii akkuta'nang mange ri Isa.
Passisambungbijaanna Isa surang Daud
20:41-44
(Mat. 22:41-46; Mark. 12:35-37)
41Maeng injo appaui Isa mange ri iyai, ”Anteekamua tau inni akkulle appau ma'nassana Almase intu ana'na Daud? 42#Mzm. 110:1Saba' Daudmo lapaui lalang ri kitta' Zaburu:
Karaeng Allataala maengi appau mange ri Karaengku:
Attolommoko risa'ri kanangKu,
43sa'genna Kubua' sikonjo balimMu a'jari pa'lisakang bangkemMu.
44Jari, ampa Daud a'ngare' ri Ia Karaeng, anteekamua lama'ring Ia ana'na todo'i?”
Isa appiu'rangi solanna tutu mange risikonjo guru Tora'
20:45-47
(Mat. 23:5-7; Mark. 12:38-40)
45Rihattu asse'reinna tau lohe injo appilangngeri, appaui Isa mange ri ana'-ana' gurunNa, 46#Luk. 11:43”Tutuiko mange risikonjo guru Tora' tulangai injo a'lingka-lingka makeang baju bakka' na langai todo'i narima salama' pappakala'biri ri pasara, tulangai injo attolong kaminang ri a'rakang ri sapo passambajangang na attolong rate ri ulu ripanganreang, 47tungalle passa injo sapo balu-balu na lalampangi matanna tau lohe inni ripangera dowaang lambere'na. Iyaimo injo languppa hukkungang kaminang sarro.”
Tans Gekies:
LUKAS 20: LAI_SLY
Kleurmerk
Deel
Kopieer
Wil jy jou kleurmerke oor al jou toestelle gestoor hê? Teken in of teken aan
@LAI 2012 Indonesian Bible Society (Lembaga Alkitab Indonesia)
LUKAS 20
20
Pakkuta'nang ripassala kahasana Isa
20:1-8
(Mat. 21:23-27; Mark. 11:27-33)
1Rie' se're allo rihattunna Isa ngajara tau lohe ri Sapo Allataala na lapappauwangii Injili, riekimu imang ponggaha injo na guru Tora' surang tutoa-toa mange konjo 2na akkuta'nangi ri Isa, ”Pauwang sadakang mae battu rikahasa anteeang ripake anggeokang passala intu, na inai assare kahasa ri Kau!” 3Pappihalinna Isa mange ri iyai, ”Nakke rie' todo' se're laKupakkuta'nangang mange ri kau. Pau todo'i mae ri Nakke: 4Panriona Yahya nubattu ri Allataala iyareka nubattu jua ri rupatau?” 5Assibisara ngase'i riparanna na lakua, ”Ampa rikua: Nubattu ri Allataala, a'nassamu lakuana: Ngura nageleiko tappa' ri ia? 6Mingka ampa rikua: Nubattu ri rupatau, a'nassamu labundukinta batu tau lohe inni, saba' tappa' ngase'i, ma'nassana Yahya se'rei nabbi.” 7Jari appihaliimu ma'nassana gele laisseki nubattu ri antee mae panriona injo. 8Jari lakuamo Isa mange ri iyai, ”Ampa appakonjo, injo gele todo'i Kupau mange ri kau kahasa anteeang Kupake anggeokang ripassala injo.”
Pakkalebarang ripassala pakoko anggoro
20:9-19
(Mat. 21:33-46; Mark. 12:1-12)
9 #
Yes. 5:1
Maeng injo Isa labisarai pakkalebarang inni mange ri tau lohe, ”Rie' tau a'bua' koko anggoro; maeng injo lapappitesangangi kokonna mange ripasahala ampai a'lampa mange ri kota maraeng nalasalloi. 10Sungka'i larapi' hattu panduru, lasuromu se're atanna mange ri tau assahala injo, solanna lapassareangi sitangnga mange ri ia hassele koko anggoro'na. Mingka pasahala injo larabungi ata injo ampai lasuro muliang na tide' laerang-erang. 11Rimaenna injo, assuroi pole se're ata maraeng, mingka ata injo rirabung todo'i na ripela' siri'i, ampai risuro muliang na tide' todo' laerang-erang. 12Maenna injo assuroi isse' ata makatallu, mingka tau injo pole rilokoki ripasahala injo, ampai ripamballung ansulukang koko. 13Jari lakuamo opuna koko anggoro injo: Apamo lakugeokang? Lakusuroi ana' sitau-tau kukamaseang injo; tantu ia lakangalikannai. 14Mingka rihattunna pasahala injo lajanjang ana' injo, assamaturukimu, na lakua: Iamo inni tulaharisi'na, maemoko larihunoi, solanna kaharisanna inni a'jari anunta. 15Jari lapamballungimu ansulukang koko ampai lahunoi. Konni-konni apamo lalageokang opuna koko injo mange ri iyai? 16Kalennamo a'lampa mange ri koko anggoro'na na lalahuno ngase' pasahala injo, ampai lapappijamaang kokonna ri tau maraeng.” Rilalangngerinna injo appau ngasekimu, ”Andalalo appakonjo!” 17#Mzm. 118:22Mingka Isa latangarai tau lohe injo na appaui, ”Ampa appakonjo apa pade' battuanna pau inni:
Batu nulapela' injo tukang batu
a'jarimu batu possi' sapo?
18Inai jua a'dappe' rateanna batu injo, lapanra'i, na inai ladappeki batu injo, lajampei.”
19Jari guru Tora' na imang ponggaha injo apparri-parri lalajakkala Isa, saba' laisse'i ma'nassana kalenna lakuangang Isa ripakkalebarang injo, mingka mallakii ri tau lohe.
Passala a'bajara bea ri Kaisar
20:20-26
(Mat. 22:15-22; Mark. 12:13-17)
20Sikonjo guru Tora' na imang ponggaha injo latili'-tilingi Isa. Assuroi mange ri Ia tau laa'juru-juru assimpole tau lambusu, solanna akkulle juai lasikko' Isa rise're pakkuta'nang na laparapaki Isa mange ri tukahasa na pamarenta. 21Iyai injo akkuta'nang appakonni mange ri Isa, ”Guru, kambe taisse'i ma'nassana sikonjo pau surang pangajaramMu toje'i na geleKo mile tau, mingka lambusuKo ngajara a'ra'na Allataala. 22Makala parallukang a'bajara bea mange ri kaisar iyareka andamakang?” 23Mingka Isa latarrusui pikkirang daanai, jari akkuta'nangi mange ri iyai, 24”Pappijanjangangi mae ri Nakke se're doe' seeng; gambara na arenna inai rie' ri injo?” Pappihalinnai, ”Gambara na arenna Kaisar.” 25Jari lakuamo Isa mange ri iyai, ”Ampa appakonjo pade' sareangi Kaisar dahuanna Kaisar na sareang todo'i Allataala dahuanna Allataala.” 26Jari geleimu akkulle lasikko' pau battu ri pappihalina Isa ri a'rakanna tau lohe. Ammangnga-mangnga ngase'i ripappihalinNa injo na ammottoki mamoi.
Pakkuta'nanna tau Saduki inni passala riattalasa muliang
20:27-40
(Mat. 22:23-33; Mark. 12:18-27)
27 #
Suro-suro 23:8
Maeng injo lohemo tau Saduki rie' mange ri Isa tugele laakui parie'na attallasa muliang battu rikamateang, na akkuta'nangi mange ri Isa, 28#Ul. 25:5”Guru, Musa laukiri parenta inni mae ri ditte: Ampa se're tau rie' uranna siana' bura'ne, matei na bahinenna rie' juapai, mingka tide' ana' labokoi, urannamo siana' parallu labontingi pambaluanna injo na lapianakii larie' pinangka'na ri uranna siana'. 29Rie'mo tau tuju assiana'. Tau lihua injo a'bontingi surang se're bahine, maeng injo mate na tide'pa ana' labokoi. 30Jari bahine injo ribontingii ri ana' makarua injo, 31na ri ana' makatallu injo, na apppakonjo tarrusui ri tau tuju injo assiana', mate ngase'i na tide' ana' labokoi. 32Kamaenganna, mate tommo bahine injo. 33Anteekamua bahine injo konni-konnina, inaimo ri tau tuju injo assiana' laa'jari bura'nenna ri allo attallasa injo muliang rikamateang? Saba' tujuiya maeng ngase'i labontingi.” 34Appihali Isa mange ri iyai, ”Tau lino inni a'bontingi na ripaa'bontingangi, 35mingka sikuanna turirapang siratang languppa dahuang ri allo riboko injo na ri attallasa injo muliang battu rikamateang, gele a'bonting surang ripaa'bontingang. 36Iyai injo gelemu lamate muliang; saba' iyai laassimpolemu malaeka' na iyai injo a'jari ana'-ana'na Allataala, kanara maenginnamo ripakaattallasa muliang. 37#Kel. 3:6Passala attallasa'na muliang tau mate inni, Musa maengi lapappiissekang ri kitta' lalang ripau-pauwanna rompo' katinting, ri injo ia laare'i Karaeng Allataala assimpole Allataalana Abraham na Allataalana Ishak surang Allataalana Yakub. 38Ia gele Allataala ri tau mate inni, mingka Allataala ri tau attallasa, saba' ri a'rakanNa nguppa ngase'i tallasa tau inni.” 39Rilalangngere'na injo lohemo guru Tora' appau, ”Guru, naba toje'i pauMu injo.” 40Injomo saba'na gelemu baranii akkuta'nang mange ri Isa.
Passisambungbijaanna Isa surang Daud
20:41-44
(Mat. 22:41-46; Mark. 12:35-37)
41Maeng injo appaui Isa mange ri iyai, ”Anteekamua tau inni akkulle appau ma'nassana Almase intu ana'na Daud? 42#Mzm. 110:1Saba' Daudmo lapaui lalang ri kitta' Zaburu:
Karaeng Allataala maengi appau mange ri Karaengku:
Attolommoko risa'ri kanangKu,
43sa'genna Kubua' sikonjo balimMu a'jari pa'lisakang bangkemMu.
44Jari, ampa Daud a'ngare' ri Ia Karaeng, anteekamua lama'ring Ia ana'na todo'i?”
Isa appiu'rangi solanna tutu mange risikonjo guru Tora'
20:45-47
(Mat. 23:5-7; Mark. 12:38-40)
45Rihattu asse'reinna tau lohe injo appilangngeri, appaui Isa mange ri ana'-ana' gurunNa, 46#Luk. 11:43”Tutuiko mange risikonjo guru Tora' tulangai injo a'lingka-lingka makeang baju bakka' na langai todo'i narima salama' pappakala'biri ri pasara, tulangai injo attolong kaminang ri a'rakang ri sapo passambajangang na attolong rate ri ulu ripanganreang, 47tungalle passa injo sapo balu-balu na lalampangi matanna tau lohe inni ripangera dowaang lambere'na. Iyaimo injo languppa hukkungang kaminang sarro.”
Tans Gekies:
:
Kleurmerk
Deel
Kopieer
Wil jy jou kleurmerke oor al jou toestelle gestoor hê? Teken in of teken aan
@LAI 2012 Indonesian Bible Society (Lembaga Alkitab Indonesia)