Maliko 1
1
Yohana mbatizi akutangaza kwiza kwa Yesu
Matayo 3:1,12; Luka 3:1,18; Yohana 1:19,28
1Uno ndo mwanduso wa Mbuli Idamane ya Yesu Kilisito, Mwana wa Mulungu. 2Yandusa gesa ivoyandikigwe muna ichitabu cha mlotezi Isaya,
“Mulungu kalonga, ‘Nanimulagilize mgala nt'hume wangu ili akusasalile nzila.’
3Mnt'hu akutanga kulawa kuchiwala akulonga,
Mndewa nzila yake,
Muisasale kumuhokela Mndewa akeza.”
4Ivo mgala nt'hume iyo kakala Yohana Mbatizi. Kalawila mchiwala akubatiza na kuwalongela Mbuli Zidamane za Mulungu. Akawalongela want'hu waleke zambi zawe na wabatizigwe na Mulungu naawahalavile zambi zawe. 5Want'hu kulawa isi yose ya Yudea na wakaya wose wa Yelusalemu wakala wakaita kwa Yohana kumtegeleza na wakala wakuzitogola na wakamulongela zambi zawe na kuzileka na yeye akawabatiza muna umto Yolidani.
6Yohana kakala kavala mwenda usumigwe na mazoya ya mnyama autangigwa ngamia na mkwiji wa baha mchigudi chake na ndiya yake ikala nzige na uki. 7Yohana akawalongela, “Kulawa nie naeze mnt'hu mkulu kuhuma nie. Ambae nie sikufaya hata kuidulika na kufungula ngozi za makobazi yake. 8Nie huwabatiza kwa mazi mbali yeye naawabatize kwa Muhe wa Mulungu.”
Yesu akubatizigwa na kugezwa
Matayo 3:13; 4:11; Luka 3:21,22; 4:1,13
9Siku izo Yesu akalawa kudi bululu da Nazaleti muna isi ya Galilaya akfika kwa Yohana nae akambatiza muna mto Yolidani. 10Ahoaho Yesu ivo alawile muna mazi akauona ulanga ugubuligwa na Muhe wa Mulungu akamtondokela gesa njiwa. 11Izi ya Mulungu ikahulikika kulawa kuulanga ikalonga, “Weye ndo mwanangu nikubwedile na hubwedezwa na weye.”
12Ahoaho Muhe wa Mulungu ukamulongoza Yesu kwita kuchiwala, 13Yesu akakala siku alubaini kuno akugezigwa na Mwenembago. Uko kakala hamwenga na wanyama wa mmbago na wasank'hani wa kuulanga kwa Mulungu wakawa wakumtaza.
Yesu akuwatanga wakwega wanne wamkole
Matayo 4:12,22; Luka 4:14,15; 5:1,11
14Ivo sifosile siku nyingi Yohana akafungigwa. Yohana ivo akalile mchifungo, Yesu akaita kudibululu da Galilaya. Akawalongela want'hu Mbuli Zidamane za Mulungu. 15Akalonga, “Chipindi cha Mulungu kulongoza chihaguhi kwiza. Ivo mkulondigwa kuzilonga na kuzileka zambi zenu na mzitogole Mbuli Zidamane za Mulungu.”
16Siku dimwe Yesu ivo akalile akufosa mnk'handa nk'handa mwa ziwa Galilaya. Akawaona wakwega waidi, Saimoni na ndugu yake autangwa Andeleya wakala wakukwega somba kwa lwavu. 17Yesu akawalongela, “Nikoleni nie naniwafuze kugala want'hu kumwangu gesa vila mkalile mkukwega.” 18Ahoaho kila imwe akaleka lwavu lwake na kumkola Yesu.
19Ivo aitile halongozi chidogo akawaona Yakobo na Yohana wana wa Zebedayo nao wakala mgati mdidalu kila imwe kakala akulakai lwavu lwake. 20Ahoaho Yesu ivo awaonile akawatanga wawe wanahina wake nao wakamuleka tati yao mdidalu hamwenga na watazi wake na wakamkola Yesu.
Yesu akumuhonya mnt'hu akalile na kinyamkela
Luka 4:31,37
21Kamala Yesu hamwenga na wanahina wake wakaingila kuna dibululu da Kapelinaumu ivo ifikile siku ya Humulo dya Wayahudi Yesu akeingila muikaya ya kufikanila Wayahudi na kuandusa kuwafunza want'hu wakalile mula. 22Want'hu wose wamuhulikile Yesu ivo akalile akufunza wakakangawala nk'hani kwavila hakalile akufunza gesa wala wafunza Malagilizo ya Musa mbali kakala akuwafunza gesa mnt'hu mwenye Ukulu.
23Ahoaho ivo akalile akufunza mnt'hu akalile na kinyamkela akamukilwa akatoa mazange akamuuuza, 24“Yesu wa Nazaleti ukulondaki kumwetu? Egu kwiza kuchangamiza? Hukumanya weye adumwenga atengigwe kulawa kwa Mulungu.”
25Yesu akachibwakila kila kinyamkela na kukilongela, “Nyamala na umulawe mnt'hu ino.”
26Ila chinyamkela akamtingisa ila mnt'hu kamala akalila kwa izi kulu na kumulawa. 27Na want'hu wose wakalile hala wakakangawala na wakaiuza, “Kwani zino mbuli zaki? Vino chikuifunza mbuli za haluse! Mnt'hu ino ana udahi wa kuchibwakila kinyamkela nacho chikutenda gesa ivo achilongele.”
28Ivo mbuli za Yesu zikaenela himahima kila hant'hu muna dibululu da Galilaya.
Yesu akuwahonya want'hu wengi
Matayo 8:14,17; Luka 4:38,41
29Ivo walawile kui kaya ya kufikanila Wayahudi, Yesu hamwenga na wanahina wake, Saimoni Andeleya Yakobo na Yohana wakaita kui kaya ya Saimoni na Andeleya. 30Ivo waitile uko wakamfika mkoi wake Saimoni kagona mdi komwa akulumwa homa, Yesu ivo afikile hant'hu hala wakamlongela mbuli iyo ya kulumwa kwa mama mkoi wake Saimoni. 31Yesu akaita hant'hu hala akalile kagona mama ila na akamtoza mkono wake na kumuinula. Na mama ila akahona homa na akandusa kuwasank'hanila.
32Ivo ifikile dihungile siku ya Humulo ivo imalile want'hu wakamgalila Yesu watamu wose na want'hu wala wamukilwe na vinyamkela. 33Want'hu wengi wa bululu dila wakafikana hanze ya lwivi lwa kuingilila muikaya. 34Yesu akawahonya want'hu wengi wakalile na matamu mbalimbali. Vilavila kaviinga vinyamkela vingi kulawa kwa want'hu na kwavila vikala vikummanya yeye niani, Yesu akavilemesa visekulonga chochote.
Yesu akuwalongela Mbuli Zidamane want'hu wa Galilaya
Luka 4:42,44
35Siku ya kaidi yake nalugunzugunzu zua hadina lawa, Yesu akasegela na kwita hant'hu habule want'hu ili alombe. 36Saimoni na wayage wakaita kumulonda Yesu uko eli. 37Ivo wamuonile wakamulongela, “Want'hu wose waukulonda weye.”
38Yesu akawalongela “Chiteni kuna vibululu vimwenga va haguhi na hano nikawalongele Mbuli Zidamane na uko kwa vila niza kwa mbuli iyo.”
39Kamala Yesu akaita kila hant'hu mdi bululu da Galilaya kuno akuwalongela want'hu Mbuli Zidamane za Mulungu muna zi kaya za kufikanila Wayahudi na kuwalava want'hu vinyamkela.
Yesu akumuhonya mtamu wa mbuza
Matayo 8:1,4; Luka 5:12,16
40Kukala na mnt'hu akalile na utamu wa mbuza akamwitila Yesu na akamtowela mavindi akamulomba akalonga, “Hukulomba unitende ninank'hane kwa vila humanya ukalonda ukudaha kuninank'haniza.”
41Yesu akamuonela ubazi akaugolola mkono wake na kumdosa akamulongela, “Hulonda nank'hana.” 42Ahoaho akahona utamu akalile nao.
43Ahoaho Yesu akamulongela aite na akamulemesa, 44“Usekumulongela mnt'hu yoyote mbuli iyo mbali wite ukailagise kwa mlava nt'hambiko na ukalave nt'hambiko gesa vila Musa awalagilize kwa vila kunank'hana.”
45Mbali mnt'hu ila halekile kuzilonga mbuli azitendile Yesu ivo ikamtenda Yesu aingile kwa kuifisa na kukala hant'hu habule want'hu muna mabululu yose mbali want'hu wakulawa kila hant'hu wakala wank'hali wakumkola.
Tans Gekies:
Maliko 1: DBV
Kleurmerk
Deel
Kopieer
Wil jy jou kleurmerke oor al jou toestelle gestoor hê? Teken in of teken aan
The New Testament in Dowe @The Word for The World International and Dowe Language translation. All rights reserved.
Maliko 1
1
Yohana mbatizi akutangaza kwiza kwa Yesu
Matayo 3:1,12; Luka 3:1,18; Yohana 1:19,28
1Uno ndo mwanduso wa Mbuli Idamane ya Yesu Kilisito, Mwana wa Mulungu. 2Yandusa gesa ivoyandikigwe muna ichitabu cha mlotezi Isaya,
“Mulungu kalonga, ‘Nanimulagilize mgala nt'hume wangu ili akusasalile nzila.’
3Mnt'hu akutanga kulawa kuchiwala akulonga,
Mndewa nzila yake,
Muisasale kumuhokela Mndewa akeza.”
4Ivo mgala nt'hume iyo kakala Yohana Mbatizi. Kalawila mchiwala akubatiza na kuwalongela Mbuli Zidamane za Mulungu. Akawalongela want'hu waleke zambi zawe na wabatizigwe na Mulungu naawahalavile zambi zawe. 5Want'hu kulawa isi yose ya Yudea na wakaya wose wa Yelusalemu wakala wakaita kwa Yohana kumtegeleza na wakala wakuzitogola na wakamulongela zambi zawe na kuzileka na yeye akawabatiza muna umto Yolidani.
6Yohana kakala kavala mwenda usumigwe na mazoya ya mnyama autangigwa ngamia na mkwiji wa baha mchigudi chake na ndiya yake ikala nzige na uki. 7Yohana akawalongela, “Kulawa nie naeze mnt'hu mkulu kuhuma nie. Ambae nie sikufaya hata kuidulika na kufungula ngozi za makobazi yake. 8Nie huwabatiza kwa mazi mbali yeye naawabatize kwa Muhe wa Mulungu.”
Yesu akubatizigwa na kugezwa
Matayo 3:13; 4:11; Luka 3:21,22; 4:1,13
9Siku izo Yesu akalawa kudi bululu da Nazaleti muna isi ya Galilaya akfika kwa Yohana nae akambatiza muna mto Yolidani. 10Ahoaho Yesu ivo alawile muna mazi akauona ulanga ugubuligwa na Muhe wa Mulungu akamtondokela gesa njiwa. 11Izi ya Mulungu ikahulikika kulawa kuulanga ikalonga, “Weye ndo mwanangu nikubwedile na hubwedezwa na weye.”
12Ahoaho Muhe wa Mulungu ukamulongoza Yesu kwita kuchiwala, 13Yesu akakala siku alubaini kuno akugezigwa na Mwenembago. Uko kakala hamwenga na wanyama wa mmbago na wasank'hani wa kuulanga kwa Mulungu wakawa wakumtaza.
Yesu akuwatanga wakwega wanne wamkole
Matayo 4:12,22; Luka 4:14,15; 5:1,11
14Ivo sifosile siku nyingi Yohana akafungigwa. Yohana ivo akalile mchifungo, Yesu akaita kudibululu da Galilaya. Akawalongela want'hu Mbuli Zidamane za Mulungu. 15Akalonga, “Chipindi cha Mulungu kulongoza chihaguhi kwiza. Ivo mkulondigwa kuzilonga na kuzileka zambi zenu na mzitogole Mbuli Zidamane za Mulungu.”
16Siku dimwe Yesu ivo akalile akufosa mnk'handa nk'handa mwa ziwa Galilaya. Akawaona wakwega waidi, Saimoni na ndugu yake autangwa Andeleya wakala wakukwega somba kwa lwavu. 17Yesu akawalongela, “Nikoleni nie naniwafuze kugala want'hu kumwangu gesa vila mkalile mkukwega.” 18Ahoaho kila imwe akaleka lwavu lwake na kumkola Yesu.
19Ivo aitile halongozi chidogo akawaona Yakobo na Yohana wana wa Zebedayo nao wakala mgati mdidalu kila imwe kakala akulakai lwavu lwake. 20Ahoaho Yesu ivo awaonile akawatanga wawe wanahina wake nao wakamuleka tati yao mdidalu hamwenga na watazi wake na wakamkola Yesu.
Yesu akumuhonya mnt'hu akalile na kinyamkela
Luka 4:31,37
21Kamala Yesu hamwenga na wanahina wake wakaingila kuna dibululu da Kapelinaumu ivo ifikile siku ya Humulo dya Wayahudi Yesu akeingila muikaya ya kufikanila Wayahudi na kuandusa kuwafunza want'hu wakalile mula. 22Want'hu wose wamuhulikile Yesu ivo akalile akufunza wakakangawala nk'hani kwavila hakalile akufunza gesa wala wafunza Malagilizo ya Musa mbali kakala akuwafunza gesa mnt'hu mwenye Ukulu.
23Ahoaho ivo akalile akufunza mnt'hu akalile na kinyamkela akamukilwa akatoa mazange akamuuuza, 24“Yesu wa Nazaleti ukulondaki kumwetu? Egu kwiza kuchangamiza? Hukumanya weye adumwenga atengigwe kulawa kwa Mulungu.”
25Yesu akachibwakila kila kinyamkela na kukilongela, “Nyamala na umulawe mnt'hu ino.”
26Ila chinyamkela akamtingisa ila mnt'hu kamala akalila kwa izi kulu na kumulawa. 27Na want'hu wose wakalile hala wakakangawala na wakaiuza, “Kwani zino mbuli zaki? Vino chikuifunza mbuli za haluse! Mnt'hu ino ana udahi wa kuchibwakila kinyamkela nacho chikutenda gesa ivo achilongele.”
28Ivo mbuli za Yesu zikaenela himahima kila hant'hu muna dibululu da Galilaya.
Yesu akuwahonya want'hu wengi
Matayo 8:14,17; Luka 4:38,41
29Ivo walawile kui kaya ya kufikanila Wayahudi, Yesu hamwenga na wanahina wake, Saimoni Andeleya Yakobo na Yohana wakaita kui kaya ya Saimoni na Andeleya. 30Ivo waitile uko wakamfika mkoi wake Saimoni kagona mdi komwa akulumwa homa, Yesu ivo afikile hant'hu hala wakamlongela mbuli iyo ya kulumwa kwa mama mkoi wake Saimoni. 31Yesu akaita hant'hu hala akalile kagona mama ila na akamtoza mkono wake na kumuinula. Na mama ila akahona homa na akandusa kuwasank'hanila.
32Ivo ifikile dihungile siku ya Humulo ivo imalile want'hu wakamgalila Yesu watamu wose na want'hu wala wamukilwe na vinyamkela. 33Want'hu wengi wa bululu dila wakafikana hanze ya lwivi lwa kuingilila muikaya. 34Yesu akawahonya want'hu wengi wakalile na matamu mbalimbali. Vilavila kaviinga vinyamkela vingi kulawa kwa want'hu na kwavila vikala vikummanya yeye niani, Yesu akavilemesa visekulonga chochote.
Yesu akuwalongela Mbuli Zidamane want'hu wa Galilaya
Luka 4:42,44
35Siku ya kaidi yake nalugunzugunzu zua hadina lawa, Yesu akasegela na kwita hant'hu habule want'hu ili alombe. 36Saimoni na wayage wakaita kumulonda Yesu uko eli. 37Ivo wamuonile wakamulongela, “Want'hu wose waukulonda weye.”
38Yesu akawalongela “Chiteni kuna vibululu vimwenga va haguhi na hano nikawalongele Mbuli Zidamane na uko kwa vila niza kwa mbuli iyo.”
39Kamala Yesu akaita kila hant'hu mdi bululu da Galilaya kuno akuwalongela want'hu Mbuli Zidamane za Mulungu muna zi kaya za kufikanila Wayahudi na kuwalava want'hu vinyamkela.
Yesu akumuhonya mtamu wa mbuza
Matayo 8:1,4; Luka 5:12,16
40Kukala na mnt'hu akalile na utamu wa mbuza akamwitila Yesu na akamtowela mavindi akamulomba akalonga, “Hukulomba unitende ninank'hane kwa vila humanya ukalonda ukudaha kuninank'haniza.”
41Yesu akamuonela ubazi akaugolola mkono wake na kumdosa akamulongela, “Hulonda nank'hana.” 42Ahoaho akahona utamu akalile nao.
43Ahoaho Yesu akamulongela aite na akamulemesa, 44“Usekumulongela mnt'hu yoyote mbuli iyo mbali wite ukailagise kwa mlava nt'hambiko na ukalave nt'hambiko gesa vila Musa awalagilize kwa vila kunank'hana.”
45Mbali mnt'hu ila halekile kuzilonga mbuli azitendile Yesu ivo ikamtenda Yesu aingile kwa kuifisa na kukala hant'hu habule want'hu muna mabululu yose mbali want'hu wakulawa kila hant'hu wakala wank'hali wakumkola.
Tans Gekies:
:
Kleurmerk
Deel
Kopieer
Wil jy jou kleurmerke oor al jou toestelle gestoor hê? Teken in of teken aan
The New Testament in Dowe @The Word for The World International and Dowe Language translation. All rights reserved.