Utumbulilu 2
2
1Na bhenibhela nde ntundu Chapanga moakajomuli kubhomba kunani na ndema papamu na hindu yokapi yeibhi mkati jaki. 2Na mu lichobha la saba Chapanga akabhi ajomwili lihengu laki lokapi leakahengike. Mu lichobha heli la saba Chapanga akakotwiki kuhenga mahengu ghaki ghokapi ghaakahengike. 3Chapanga akalipengalili lichobha la saba na kuligholola, maghambu mu lichobha leniheli Chapanga akapomulili, paakajomwili kuhenga lihengu laki lokapi la kubhomba leakabhi ahenga. 4Bhenibhela nde kunani na ndema moyabhombakike.
Chijongu cha Edeni
Bambo Chapanga paakabhombiki kunani na pundema, 5ngachepakabhi na mmea pundema ghoukabhi upitalile pundema, wala ngachepabhili na mmea pundema ghoukabhi umelike, maghambu Bambo Chapanga akabhi ngacheajitonyihi iyula panani ja ndema, na wala ngachepabhili na mundu wa kujilema. 6Nambu machi ghaghabhi pahi ja ndema ghakapitiki na kutonyela paluhombi pokapi. 7Bambo Chapanga akumbombiki mundu kuhuma mu luhombi lwa lutopi, akumpulalili muimbulu mbomu ja womi, na mundu hoju akabhi chiumbi chomi.
8Bhela Bambo Chapanga akapandiki chijongu ku Edeni kola, upambala wa kolipita lyobha, na kumbeka mkati jaki mundu hoju joakumbombike. 9Bambo Chapanga akamelihi kila ntundu wa nkongu kuhuma muluhombi, mikongu jejinyambiha mihu na jejipalika kwa chilebhe. Pachilanda ja chijongu hechi kukabhi na nkongu wa womi na nkongu wa umanyi wa ghamboni na mahakau.
10Kukabhi na nkoka ghounyilika machi na kujitalila chijongu cha Edeni, kuhuma konihoku nkoka hoghu ukaghabhaniki kubha mikoka ncheche. 11Nkoka wa kutumbula ukalowakiki Pishoni, ghonihoghu nde ghouyongalota inchi jokapi ja Havila ambaku kubhi na zahabu. 12Zahabu ja inchi jeniheji nde jinyahi. Konihoku kabheti kubhi na manungilu ghaghalowakeka bedola na maganga gha mbija yamaheli ghaghalowakeka shohamu. 13Nkoka wa kabheli nde Gihoni, ambau uyongalota inchi jokapi ja Kushi. 14Lihina la nkoka wa katatu nde Tigilisi, nawombi unyilika upambala wa kolipita lyobha ku inchi ja Ashulu. Na nkoka wa kacheche nde Eufulati.
15Bhela, Bambo Chapanga akuntoliki mundu hoju, na kumbeka mu chijongu cha Edeni, achilemaje na kuchighoha. 16Bambo Chapanga akundaghalaki mundu hoju, akapwaghaje, “Uweza kula mapambiku gha nkongu wokapi wa muchijongu, 17nambu ngawikula mapambiku gha nkongu wa umanyi wa ghamboni na mahakau ng'o, maghambu lichobha pawikulaje mapambiku gha nkongu ghonihoghu, anaupotilaje chakaka.”
18Bhela, Bambo Chapanga akapwaghike, “Nga wichu mundu ajoju abya kanjika jaki, ananuntendila njangatila wa kulengana naku.” 19Bambo Chapanga akabhi abhombiki kuhuma mu lutopi kila chinyama cha muchitengu na kila chijuni cha kunani, akundetili Adamu nahuli abhonaje anaabhaloha mahina bhole, na kila lihina leakachilohiki kila chiumbi chomi, lakabhi nde lihina laki. 20Bhela, Adamu akabhapekihi mahina ghabhu kila chinyama cha kudimakika, ijuni ya kunani, na hinyama yokapi ya muchitengu. Nambu Adamu ngacheakumbweni njangatila wa kupalika.
21Bhela, Bambo Chapanga akundetili Adamu lughonu lukolongwa, najombi paakabhi aghonile akatoliki lundeta lwaki lumu, na kupayekalela pandu pala kwa inyama. 22Bhela, Bambo Chapanga akuntendiki mbomba kuhuma mu lundeta loakalutoliki kuhuma kwaka Adamu lola, na kundeta mbomba hoju kwaka Adamu. 23Panihapa Adamu akapwaghike,
“Sajenu ajoju nde chihupa kuhuma mu ihupa yangu, na inyama kuhuma mu inyama jangu.
Ajoju anaalowakika ‘Mbomba’,
maghambu akabhowakiki kuhuma muka mwanalomi.”
24Kwa ndandi ajeji mwanalomi anaandeka tati waki na mabhu waki na kulombana na nhwanu waki, nabhombi anabhakubha hyegha jimu. 25Adamu na nhwanu waki bhokapi bhakabhi heu, nambu ngachebhaweni iyoni.
Tans Gekies:
Utumbulilu 2: MpBV
Kleurmerk
Deel
Kopieer
Wil jy jou kleurmerke oor al jou toestelle gestoor hê? Teken in of teken aan
The New Testament in Mpoto Language ©The Word for the World International and Mpoto Language Translation, 2020 All rights reserved.
Utumbulilu 2
2
1Na bhenibhela nde ntundu Chapanga moakajomuli kubhomba kunani na ndema papamu na hindu yokapi yeibhi mkati jaki. 2Na mu lichobha la saba Chapanga akabhi ajomwili lihengu laki lokapi leakahengike. Mu lichobha heli la saba Chapanga akakotwiki kuhenga mahengu ghaki ghokapi ghaakahengike. 3Chapanga akalipengalili lichobha la saba na kuligholola, maghambu mu lichobha leniheli Chapanga akapomulili, paakajomwili kuhenga lihengu laki lokapi la kubhomba leakabhi ahenga. 4Bhenibhela nde kunani na ndema moyabhombakike.
Chijongu cha Edeni
Bambo Chapanga paakabhombiki kunani na pundema, 5ngachepakabhi na mmea pundema ghoukabhi upitalile pundema, wala ngachepabhili na mmea pundema ghoukabhi umelike, maghambu Bambo Chapanga akabhi ngacheajitonyihi iyula panani ja ndema, na wala ngachepabhili na mundu wa kujilema. 6Nambu machi ghaghabhi pahi ja ndema ghakapitiki na kutonyela paluhombi pokapi. 7Bambo Chapanga akumbombiki mundu kuhuma mu luhombi lwa lutopi, akumpulalili muimbulu mbomu ja womi, na mundu hoju akabhi chiumbi chomi.
8Bhela Bambo Chapanga akapandiki chijongu ku Edeni kola, upambala wa kolipita lyobha, na kumbeka mkati jaki mundu hoju joakumbombike. 9Bambo Chapanga akamelihi kila ntundu wa nkongu kuhuma muluhombi, mikongu jejinyambiha mihu na jejipalika kwa chilebhe. Pachilanda ja chijongu hechi kukabhi na nkongu wa womi na nkongu wa umanyi wa ghamboni na mahakau.
10Kukabhi na nkoka ghounyilika machi na kujitalila chijongu cha Edeni, kuhuma konihoku nkoka hoghu ukaghabhaniki kubha mikoka ncheche. 11Nkoka wa kutumbula ukalowakiki Pishoni, ghonihoghu nde ghouyongalota inchi jokapi ja Havila ambaku kubhi na zahabu. 12Zahabu ja inchi jeniheji nde jinyahi. Konihoku kabheti kubhi na manungilu ghaghalowakeka bedola na maganga gha mbija yamaheli ghaghalowakeka shohamu. 13Nkoka wa kabheli nde Gihoni, ambau uyongalota inchi jokapi ja Kushi. 14Lihina la nkoka wa katatu nde Tigilisi, nawombi unyilika upambala wa kolipita lyobha ku inchi ja Ashulu. Na nkoka wa kacheche nde Eufulati.
15Bhela, Bambo Chapanga akuntoliki mundu hoju, na kumbeka mu chijongu cha Edeni, achilemaje na kuchighoha. 16Bambo Chapanga akundaghalaki mundu hoju, akapwaghaje, “Uweza kula mapambiku gha nkongu wokapi wa muchijongu, 17nambu ngawikula mapambiku gha nkongu wa umanyi wa ghamboni na mahakau ng'o, maghambu lichobha pawikulaje mapambiku gha nkongu ghonihoghu, anaupotilaje chakaka.”
18Bhela, Bambo Chapanga akapwaghike, “Nga wichu mundu ajoju abya kanjika jaki, ananuntendila njangatila wa kulengana naku.” 19Bambo Chapanga akabhi abhombiki kuhuma mu lutopi kila chinyama cha muchitengu na kila chijuni cha kunani, akundetili Adamu nahuli abhonaje anaabhaloha mahina bhole, na kila lihina leakachilohiki kila chiumbi chomi, lakabhi nde lihina laki. 20Bhela, Adamu akabhapekihi mahina ghabhu kila chinyama cha kudimakika, ijuni ya kunani, na hinyama yokapi ya muchitengu. Nambu Adamu ngacheakumbweni njangatila wa kupalika.
21Bhela, Bambo Chapanga akundetili Adamu lughonu lukolongwa, najombi paakabhi aghonile akatoliki lundeta lwaki lumu, na kupayekalela pandu pala kwa inyama. 22Bhela, Bambo Chapanga akuntendiki mbomba kuhuma mu lundeta loakalutoliki kuhuma kwaka Adamu lola, na kundeta mbomba hoju kwaka Adamu. 23Panihapa Adamu akapwaghike,
“Sajenu ajoju nde chihupa kuhuma mu ihupa yangu, na inyama kuhuma mu inyama jangu.
Ajoju anaalowakika ‘Mbomba’,
maghambu akabhowakiki kuhuma muka mwanalomi.”
24Kwa ndandi ajeji mwanalomi anaandeka tati waki na mabhu waki na kulombana na nhwanu waki, nabhombi anabhakubha hyegha jimu. 25Adamu na nhwanu waki bhokapi bhakabhi heu, nambu ngachebhaweni iyoni.
Tans Gekies:
:
Kleurmerk
Deel
Kopieer
Wil jy jou kleurmerke oor al jou toestelle gestoor hê? Teken in of teken aan
The New Testament in Mpoto Language ©The Word for the World International and Mpoto Language Translation, 2020 All rights reserved.