Malgo 11
11
Yees wawiŋ gu Yelusalem
(Maday 21:1-11; Luug 19:28-40; Yowaan 12:12-19)
1Han bagal mu gupusaan bel a bel ande Yelusalem, baduul ha bul bwa Bedfaze ande Betani bel a bel ande moŋ wu midi mi olive#11:1 Bedfaze: bul buleen gu ndamb ya to gu misel mi midi mi olive, mu mwa gidaman ande Yelusalem. Betani: bul bwambaan bwa bela bel ande bwa teeg- musel wu midi mi olive: musel mos wuleen gu ndamb ya to ya Yelusalem; wagabaan ande mbaanz mu giwand gya Sedelo.. Yees gadum balongog bande bool, ibun gabalees: 2«Luween gu bul bun gutwaal abeen, daaŋ gag luludula ha bul mween, buludele mwaan wa ane bagagaaŋ mu misiiŋ, ibun ada muud mos wagoniin gele hatal wa. Lugagangal, ibun lwiy lutwaleen. 3Ibun de muud mos wuluwufulu ndaa: “Mumbad akii labal gaguduleen?”, Lumufuduleen ndaa: “Mfum gilene ande mfun ya lwa, gaanz de galusaleen bugalufudul nswal#11:3 Mfum: mu Masonog mambaan Looŋ dolo munga la. Mu gubalaman gwambaan mu bison byakuund, ga ludum ha mumbal yimos..” » 4Baween ibun baguwaneen mwaan ane#11:4 ane: mbiiz wu gul biis loo gilene gaanz gamafwanaan nga nguluŋ. ha nze mu balabal wangagaŋam bela bel ande gifug, ibun bagagudul. 5Ndaamb ya baad bagal han, bawuful ndaa: «Kii labala gid, mumbad akii labala gaguduleen mwaan ane ga?» 6Balongog ba bafuduleen pil gag yi balees Yees, ibun bababomon baween ande ga. 7Badwaal mwaan a ane gul Yees, bagasi mulel hatal, gungoy, Yees gabwensen#11:7 Zag 9:9.. 8Baad bavul badandaman milel mya baa mu nzil, bamban badandaman kaay yi magoon yibagyel mu gilaaŋ#11:8 Nga mu Bat ba yool 9.13, guleen milem mi lugum.. 9Ban bawenaag gutwaal Yees, ande ban bawalabaag, bagal mun gubog ndaa: «Lugum gulu Nzaam! Ibun Nzaam gasagaman wun wawiy mu zin la Mfum! 10Boomon ndaa gimfum gi gimawiy gisagamag, gimfum gya Davil, daad a biis#11:10 Gufwanas Mig 118.25-26.-Lugum (gidin.9) lugum (nzil.10): dal Mad 21.9 ande gison gu masin. ! Ozana mu bihan bimalig Tal!» 11Ibun Yees gawiŋin ha Yelusalem, gaween mu nzo Nzaam, gadal ande nduuŋ ayooz pil yasalamaag maamb amooz; mu pil yaalig daaŋ, gaduug ibun gaween gu Betani gumos ande Balongog bande aba guum ye bool.
Yees gasiiŋ mudi wu bafize
(Maday 21:18-19)
12Mu giluum gyalab, lubadogaag a Betani, Yees gawug nzal. 13Mu gibaal gadeel mudi mos wu bafize wagal ande kaay, ibun gaween mu gudal de nda wuleen ande mbeeŋ. Gaanz daaŋ lugaduul bela bel, gadeel gag kaay, mumbad loo gwagal nsuuŋ ya mbeeŋ yi bafize. 14Ibun Yees galees mudi mween ndaa: «Boomon ndaa ada muud mos loo galya lyaag mbeeŋ yaada mu mudi wa nze mvu ande mvu!» Balongog bande bamuwug munu guwagal ndag yeen.
Yees mu nzo Nzaam
(Maday 21:12-17; Luug 19:45-48; Yowaan 2:13-22)
15Ibun baduul gu Yelusalem, Yees gawiŋin mu lupaaŋ la nzo Nzaam ibun gayandag guyid baad bagal mun gudeeg ande ban basumaag ha gihan gin; gapaaz mamees ma baad basoboog nziim ande midalag mya baad badegaag mapomb#11:15 ha gihan gin: lusongololo mu muwaaŋ wa nzo Nzaam, lubagangal mumbad ban bago bayuda. Bisob nziim baledeeg nswa gul bayuda badugaag gugi nzeenz mu gusob nziim a baa mumbad gusuum magab ma baa ande gufud gidalgya nzo Nzaam., 16lyaag loo galeed nzil gulu baad bandambalaag mu lupaaŋ la nzo Nzaam mumbad bago gudwaal biim. 17Ibun gayandag gubalooŋ ndaa: «Loo basonog ndaa : “Nzo ya me yil nzo yi bisaam mumbad a baad bamansi amooz?” Gaanz been luyigidili nzo ya biib#11:17 Gufwanas ande Yez 56.7; Yel 7.11.!» 18Bamfum ba bangaaŋ a Nzaam ande balooŋ ba nsig bawug se maamb mween ibun bayandag gugaam pil yi gumuzwa; pamb lo bamuwugaag boom mumbad baad abooz bayidigaag malooŋ mande. 19Daaŋ masig mapusaan, Yees ande balongog bande badoog ha mbaanza#11:19 Gubalman gwambaan: Daaŋ masig ma pusaan,Yees ande balongog bande baduug mu mbaanz..
Yees ande mudi wu bafize wa wum
(Maday 21:20-22)
20Mu giluum gyalab, mukeel lubaligaag, badeel mudi wu bafize wa wum yandag gu to dii gu misos. 21Pedel gawibig paan yaalig, galees Yees ndaa: «Looŋ, dala mudi wu bafize wasiiŋ wa wumu.» 22Yees galees balongog bande ndaa: «Lugal ande lugwigil gulu Nzaam. 23Yawululees nsil mukyeleg: “De ndaa muud malees musel wu ndaa: “dogo hana ibun giluum mu nzal munen”, ibun de loo gasi temb mu mudim ande, gaanz gamagwigil ndaa maamb magawagal bumasalam, bugamadeel masalam. 24Gyagin yabal lulees ndaa: giim agyooz gilaguloom mu bisaam, lugwigileen ndaa lugiwolo, ibun mase bumasalam mumbad a been. 25Ibun daaŋ lu lunimigaga mumbad gusaam, de ndaa luleen ande paan ande muud wambaan, lumulolol, mumbad Daad a been wilene gu tal, gagalulolol masum mabeen. 26Gaanz de loo lumalolol, daad a been wul gu tal, loo se galolol masum mabeen.
Gimfum gya Yees agun gyaduug?
(Maday 21:23-27; Luug 20:1-8)
27Ibun baween lyaag gu Yeluzalem. Daaŋ Yees gagal munu guyadambal mukab lu lupaaŋ lanzo Nzaam, bamfum ba bangaaŋ a Nzaam ande balooŋ bansiig, ande bambud abad se ba pusaan bel a bel ande nde ibun ba muwufuul. 28Ba muwuful ndaa: «Wabala sal maamb maa mu gimfum gyana? Na wamaguwa gimfumu mu gumasal maamb maa?» 29Yees gafudul ndaa: «Me yiluwuful gyuuf gimos gag; lu mfuduleen teeg mvud, ibun me ngayi lulees muziin lakii gimfum yabalasaleen maamb mween. 30Mbodog ya Yowan yaduug gul Nzaam ee, do gul baad? Lumfuduleen.» 31Bayandag guwufulnaan baa ye baa ibun bansuun ndaa : «De budafudul ndaa «Gyaduug gul Nzaam”, gaduwufula lyaag ndaa: “Ibun mumbad akii lagon gumugwigileen?” 32Ada budawagal ndaa yaduug gul baad: mukyeleg bawugaag baad boom, pamb lo baad abooz bagumaneeg ndaa Yowan gil nsil munsuun paan. 33Ibun bafuduleen Yees ndaa: «Loo dayaab» Ibun Yees se gabalees ndaa: me se loo yilulees de mu kii zin lu gimfum yabalasaleen maamb maa.»
Tans Gekies:
Malgo 11: noq
Kleurmerk
Kopieer
Vergelyk
Deel
Wil jy jou kleurmerke oor al jou toestelle gestoor hê? Teken in of teken aan
2025 The Seed Company in coordination with Association Congolaise de Traductions de la Bible