ئیشایا 2:9

Kersfees is meer as net ’n feestyd. Dit is ’n herinnering aan God se ongelooflike liefde en getrouheid. In hierdie 3-dag leesplan ontdek ons die dieper betekenis agter die geboorte van Jesus: die Lig wat in ons duisternis skyn, die God wat naby kom, en die geskenk wat vir ewig bly. Of jy hierdie leesplan lees in ’n besige feestyd of in jou eie stiltetyd, weet dat sy lig steeds vandag skyn.

Die Ou Testament is propvol profesieë oor Jesus en sy koms na die aarde. In hierdie reeks reis ons vir sewe dae oor hierdie tekste wat ons in Jesaja vind. Die wêreld is vandag nog op soek na 'n redder. Elkeen van ons was ook al in 'n posisie waar ons redding nodig gehad het. In hierdie reeks sien ons God se reddende karakter raak.

BibleProject het hierdie plan ontwerp om individue, gesinne en groepe te help om na te dink oor sleutelgedeeltes wat die Bybel se veelsydige tema van verlossing uitlig. Wat is verlossing? Hoe werk dit? Wat is die doel daarvan? Deur middel van die Skrif, kort video’s en vrae volg hierdie plan die tema van verlossing vanaf Israel se eksodus tot by Jesus se verhaal en selfs verder en wys hoe God mense uit slawerny en dood red tot vryheid, liefde en ware rus.

Kersfees kan 'n oorweldigende seisoen wees. Dis maklik om te vergeet wat ons werklik met Kersfees vier: Ons vier dat 'n Verlosser vir ons gebore is. Ons vier die vervulling van die Wet en die Profete in Jesus. Ons vier Immanuel, God met ons. Ons bid dat hierdie studie sal help om jou geloof, jou begrip van Kersfees en die koms van Christus ons Verlosser, te verdiep.