1 KRONIEKE 28:9
1 KRONIEKE 28:9 Die Bybel 2020-vertaling (AFR20)
En jy, my seun Salomo, erken die God van jou vader, en dien Hom met 'n onverdeelde hart en 'n gewillige gees, want die HERE ondersoek alle harte, en in elke bedoeling van die gedagtes het Hy insig. As jy Hom soek, sal Hy Hom deur jou laat vind; maar as jy Hom verlaat, sal Hy jou vir altyd verwerp.
1 KRONIEKE 28:9 Die Boodskap (DB)
Salomo, my seun, leer die God van jou voorouers goed ken. Vereer en dien Hom met jou hele lewe en met ’n gewillige gemoed, want die Here weet wat in ’n mens se gedagtes aangaan en Hy verstaan jou planne. As jy Hom soek, sal Hy toelaat dat jy Hom vind, maar as jy van Hom af wegdraai, sal Hy jou vir altyd verwerp.
1 KRONIEKE 28:9 Bybel vir almal (ABA)
En jý, my seun Salomo, jy moet die God van jou pa ken en jy moet Hom dien met jou hele hart. Jy moet dit geniet om dit te doen, want die Here weet wat elke mens dink, Hy ken elke gedagte van 'n mens. As jy die Here soek, dan sal Hy jou help om Hom te kry, maar as jy weggaan van Hom, dan sal Hy jou vir altyd los.
1 KRONIEKE 28:9 Afrikaans 1933/1953 (AFR53)
En jy, my seun Salomo, ken die God van jou vader en dien Hom met 'n volkome hart en met 'n gewillige siel, want die HERE deursoek al die harte, en Hy verstaan elke versinsel van die gedagtes. As jy Hom soek, sal Hy Hom deur jou laat vind; maar as jy Hom verlaat, sal Hy jou vir altyd verstoot.
1 KRONIEKE 28:9 Afrikaans 1983 (AFR83)
En jy, Salomo, my seun, jy moet die God van jou vader ken en Hom dien met jou hele hart en met 'n gewillige gemoed, want die Here ondersoek alle harte en ken die bedoeling van elke gedagte. As jy na Hom vra, sal Hy Hom deur jou laat vind, maar as jy Hom verlaat, sal Hy jou vir altyd verwerp.
1 KRONIEKE 28:9 Contemporary Afrikaans Bible 2023 (CAB23)
En jy, my seun Salomo, ken jy, die God van jou vader, en dien Hom met 'n volkome hart en met 'n gewillige verstand; want die HERE deursoek alle harte en verstaan al die versinsels van die gedagtes; as jy Hom soek, sal van jou gevind word; maar as jy Hom verlaat, sal Hy jou vir ewig verwerp.
1 KRONIEKE 28:9 Nuwe Lewende Vertaling (NLV)
“En jy, Salomo, my seun, sorg dat jy die God van jou pa leer ken. Dien en aanbid Hom met jou hele hart en met ’n gewillige verstand. Want die HERE sien elke hart en verstaan en ken elke plan en gedagte. As jy na Hom soek, sal jy Hom vind. Maar as jy Hom verlaat, sal Hy jou vir altyd verwerp.