1 SAMUEL 1:11
1 SAMUEL 1:11 Bybel vir almal (ABA)
Sy het vir die Here belowe en gesê: “Here wat oor alles regeer, ek is u dienaar. U moet asseblief na my kyk en sien hoe hartseer ek is. U moet dink aan my, U moenie vir my vergeet nie. As U vir my 'n seun gee, dan sal ek hom bring om sy hele lewe lank aan U te behoort, en niemand sal sy hare afskeer nie.”
1 SAMUEL 1:11 Afrikaans 1933/1953 (AFR53)
en sy het 'n gelofte gedoen en gesê: HERE van die leërskare, as U waarlik die ellende van u diensmaagd aansien en aan my dink en u diensmaagd nie vergeet nie, maar u diensmaagd 'n manlike kind skenk, dan sal ek hom aan die HERE gee al die dae van sy lewe; en geen skeermes sal op sy hoof kom nie.
1 SAMUEL 1:11 Afrikaans 1983 (AFR83)
Sy het 'n gelofte afgelê en gesê: “Here, Almagtige, as U tog op my ellende wou let en aan my, u dienares, wou dink en my nie vergeet nie en aan my 'n seun gee, sal ek hom sy lewe lank aan U gee, en as teken daarvan sal sy hare nie afgesny word nie.”
1 SAMUEL 1:11 Die Bybel 2020-vertaling (AFR20)
Sy het 'n gelofte afgelê en gesê: “HERE, Heerser oor alle magte, as U tog net die ellende van u slavin wil raaksien en aan my sal dink en u slavin nie sal vergeet nie, en as U aan u slavin 'n manlike nasaat sal gee, dan sal ek hom aan U, HERE, teruggee so lank hy leef. 'n Skeermes sal nooit oor sy kop gaan nie. ”
1 SAMUEL 1:11 Contemporary Afrikaans Bible 2023 (CAB23)
En sy het 'n gelofte gedoen en gesê: HERE van die leërskare, as U die ellende van u dienares en aan my dink, en u dienares nie vergeet nie, maar aan u dienares 'n manlike seun gee, dan sal ek hom aan die HERE al die dae van sy lewe, en geen skeermes sal op sy hoof kom nie.
1 SAMUEL 1:11 Die Boodskap (DB)
het sy ’n belofte gemaak. Sy het gesê: Magtige Here, ek is U nederige diensmeisie. As U regtig my moeilike omstandighede raaksien en my sal onthou en my nie vergeet nie en vir my ’n seunskind gee, sal ek hom vir sy lewe lank aan U, Here, teruggee. Sy hare sal nooit geskeer word nie.