2 KORINTIËRS 8:2
2 KORINTIËRS 8:2 Contemporary Afrikaans Bible 2023 (CAB23)
Hoe dat in 'n groot beproewing van verdrukking die oorvloed van hulle vreugde en hulle diepe armoede oorvloedig geword het tot die rykdom van hulle vrygewigheid.
2 KORINTIËRS 8:2 Bybel vir almal (ABA)
Hierdie gemeentes is baie arm. En God het hulle getoets, ja, hulle het baie swaar gekry. Maar hulle is ook baie bly. En nou het hulle gewys dat hulle ryk is, want hulle het ander gelowiges wat swaarkry, baie gehelp.
2 KORINTIËRS 8:2 Afrikaans 1933/1953 (AFR53)
dat onder baie beproewing deur verdrukking hulle oorvloedige blydskap by hulle diepe armoede oorvloedig was in hulle ryke milddadigheid.
2 KORINTIËRS 8:2 Afrikaans 1983 (AFR83)
Al was hulle swaar beproef deur verdrukking, hulle blydskap was oorvloedig; en al was hulle baie arm, hulle was ryk in hulle oorvloedige vrygewigheid.
2 KORINTIËRS 8:2 Die Bybel 2020-vertaling (AFR20)
dat hulle, te midde van swaar beproewing as gevolg van verdrukking, hulle oorvloedige vreugde en hulle diep armoede laat oorvloei het in 'n rykdom aan vrygewigheid van hulle kant af.
2 KORINTIËRS 8:2 Die Boodskap (DB)
Maar al hierdie ernstige terugslae en swaarkry het hulle blydskap nie ’n enkele oomblik gedemp nie. Hulle het heeltyd opgeruimd gebly. Hulle is ook verskriklik arm. Dit het egter nie gekeer dat hulle sommer ’n groot bedrag geld gegee het vir die kollekte wat ek op die oomblik vir die arm Christene in Judea insamel nie.