2 TIMOTEUS 2:15
2 TIMOTEUS 2:15 Bybel vir almal (ABA)
Jy moet hard probeer om God só te dien dat Hy tevrede sal wees met jou werk. Jy moet só werk dat jy nie skaam sal wees daaroor nie. Jy moet op die regte manier vir die mense vertel van die waarheid.
2 TIMOTEUS 2:15 Afrikaans 1933/1953 (AFR53)
Lê jou daarop toe om jou beproef voor God te stel as 'n werker wat hom nie hoef te skaam nie, wat die woord van die waarheid reg sny.
2 TIMOTEUS 2:15 Nuwe Lewende Vertaling (NLV)
Werk hard sodat God jou kan goedkeur. Wees ’n goeie werker, een wat nie nodig het om hom te skaam nie; iemand wat die woord van die waarheid reg verduidelik.
2 TIMOTEUS 2:15 Afrikaans 1983 (AFR83)
Lê jou daarop toe om jou tot beskikking van God te stel as 'n arbeider wat die goedkeuring van God wegdra, 'n arbeider wat hom vir sy werk nie hoef te skaam nie, wat die woord van die waarheid suiwer verkondig.
2 TIMOTEUS 2:15 Die Bybel 2020-vertaling (AFR20)
Lê jou daarop toe om jou voor God te stel as iemand wat die toets deurstaan het, as 'n arbeider wat hom nie hoef te skaam nie, wat met die woord van die waarheid die reguit pad aandui.