2 TIMOTEUS 2:22
2 TIMOTEUS 2:22 Bybel vir almal (ABA)
Daarom, jy moet wegvlug van die verkeerde dinge wat jongmense graag wil doen. Jy moet aanhou probeer om te doen wat reg is, jy moet in Christus glo, jy moet lief wees vir mense en jy moet in vrede lewe met ander mense. Jy moet dit doen saam met die mense wat net die Here dien.
2 TIMOTEUS 2:22 Afrikaans 1933/1953 (AFR53)
Maar vlug vir die begeerlikhede van die jonkheid en jaag ná geregtigheid, geloof, liefde, vrede, saam met die wat die Here uit 'n rein hart aanroep.
2 TIMOTEUS 2:22 Nuwe Lewende Vertaling (NLV)
Vlug vir enigiets wat jeugdige drange aanwakker. Spits jou daarop toe om reg voor God te lewe. Streef na geregtigheid, geloof, liefde en vrede saam met dié wat die Here met rein harte aanroep.
2 TIMOTEUS 2:22 Afrikaans 1983 (AFR83)
Vermy die begeertes wat 'n jongmens in gevaar bring, en streef na opregtheid, geloof, liefde en vrede, saam met almal wat uit 'n rein hart die Here aanroep.
2 TIMOTEUS 2:22 Die Bybel 2020-vertaling (AFR20)
Vlug weg van die begeertes van die jeug en streef, saam met diegene wat die Here met 'n rein hart aanroep, na regverdigheid, geloof, liefde en vrede
2 TIMOTEUS 2:22 Contemporary Afrikaans Bible 2023 (CAB23)
Vlug ook van die begeerlikhede van die jeug, maar jaag geregtigheid, geloof, liefde, vrede na saam met die wat die Here uit 'n rein hart aanroep.
2 TIMOTEUS 2:22 Die Boodskap (DB)
Maak dat jy wegkom van al die verkeerde dinge wat vir ’n jongmens so lekker lyk en wat hy dan so graag wil doen. Gebruik liewer jou energie op ’n ander manier. Probeer liewer reg lewe, op God vertrou en lojaal wees teenoor Hom en die ander Christene. Bewaar die vrede en werk saam met almal wat in ’n opregte verhouding met die Here staan.