HANDELINGE 2:44-45

Deel

HANDELINGE 2:44-45 Afrikaans 1933/1953 (AFR53)

En almal wat gelowig geword het, was bymekaar, en het alles gemeenskaplik besit. En hulle eiendomme en besittings het hulle verkoop en die opbrings onder almal verdeel, volgens wat elkeen nodig gehad het.

HANDELINGE 2:44-45 Bybel vir almal (ABA)

Al die gelowiges was bymekaar, en hulle goed het aan hulle almal behoort. Hulle het hulle grond en huise en goed verkoop en hulle het die geld gegee vir mense wat min gehad het.

HANDELINGE 2:44-45 Afrikaans 1983 (AFR83)

Al die gelowiges was eensgesind en het alles met mekaar gedeel. Hulle het hulle grond en besittings verkoop en die geld aan almal uitgedeel volgens elkeen se behoefte.

HANDELINGE 2:44-45 Die Bybel 2020-vertaling (AFR20)

Al die gelowiges was bymekaar en het alles gemeenskaplik besit. Hulle het hulle eiendom en besittings verkoop en aan almal uitgedeel volgens elkeen se behoefte.

HANDELINGE 2:44-45 Contemporary Afrikaans Bible 2023 (CAB23)

En almal wat gelowig was, was saam en het alles gemeen; en hulle besittings en goed verkoop en dit aan almal verdeel, soos elkeen nodig gehad het.

HANDELINGE 2:44-45 Die Boodskap (DB)

Hulle liefde vir Hom en vir mekaar het hulle in ’n hegte eenheid saamgesnoer. Daarom was hulle bereid om selfs hulle besittings met mekaar te deel. Hulle het alles verkoop wat hulle besit het en die geld vir die armes gegee.

HANDELINGE 2:44-45 Nuwe Lewende Vertaling (NLV)

Al die gelowiges het gereeld bymekaargekom, en hulle het alles wat hulle besit het, met mekaar gedeel. Hulle het hulle grond en besittings verkoop en die geld aan almal uitgedeel volgens elkeen se behoefte.