KOLOSSENSE 1:13-14
KOLOSSENSE 1:13-14 Afrikaans 1983 (AFR83)
Hy het ons uit die mag van die duisternis weggeruk en ons onder die heerskappy gestel van sy Seun wat Hy liefhet. Deur die Seun het ons die verlossing verkry, die vergewing van ons sondes.
KOLOSSENSE 1:13-14 Bybel vir almal (ABA)
God die Vader het ons gered van die duiwel en nou weet ons dat sy Seun ons Koning is, sy Seun vir wie Hy baie lief is. Ja, God het sy Seun gestuur en die Seun het ons vrygemaak. So het God ons sondes vergewe.
KOLOSSENSE 1:13-14 Afrikaans 1933/1953 (AFR53)
Hy wat ons verlos het uit die mag van die duisternis en oorgebring het in die koninkryk van die Seun van sy liefde, in wie ons die verlossing het deur sy bloed, naamlik die vergifnis van die sondes.
KOLOSSENSE 1:13-14 Die Bybel 2020-vertaling (AFR20)
God het ons uit die mag van die duisternis gered, en verplaas na die •koninkryk van sy geliefde Seun – deur wie ons bevryding, die vergifnis van sondes ontvang het.
KOLOSSENSE 1:13-14 Contemporary Afrikaans Bible 2023 (CAB23)
Wat ons verlos het uit die mag van die duisternis en ons oorgebring het in die koninkryk van sy dierbare Seun. In wie ons die verlossing het deur sy bloed, ja, die vergewing van sondes
KOLOSSENSE 1:13-14 Die Boodskap (DB)
Wel, ons was eers in die donker mag van God se vyande vasgevang. God het ons egter uit hulle mag geruk. Nou staan ons onder die mag van sy Seun. Dit is die Seun wat Hy liefhet. Hierdie Seun raak ook namens ons ontslae van die skuld wat ons deur ons sondes op ons gelaai het. Deur sy toedoen word ons sondes vergewe.