DEUTERONOMIUM 8:3
DEUTERONOMIUM 8:3 Afrikaans 1933/1953 (AFR53)
En Hy het jou verootmoedig en jou laat honger ly en jou die manna laat eet wat jy en jou vaders nie geken het nie, om aan jou bekend te maak dat die mens nie van brood alleen lewe nie, maar dat die mens lewe van alles wat uit die mond van die HERE uitgaan.
DEUTERONOMIUM 8:3 Afrikaans 1983 (AFR83)
Hy het jou laat swaarkry, laat honger ly en toe met manna gevoed, iets waarmee nóg jy nóg jou voorvaders bekend was. Hy het dit gedoen om jou te leer dat 'n mens nie net van brood leef nie, maar dat hy leef van elke woord wat uit die mond van God kom.
DEUTERONOMIUM 8:3 Bybel vir almal (ABA)
Hy het julle verneder en honger laat word en toe het Hy vir julle die manna gegee om te eet. Julle en julle voorvaders het voorheen nie manna geken nie. Die Here wou hê dat julle moet verstaan dat 'n mens nie net van brood kan lewe nie, 'n mens lewe van elke woord wat uit die mond van die Here kom.
DEUTERONOMIUM 8:3 Die Bybel 2020-vertaling (AFR20)
Hy het jou nederig gemaak, jou laat honger ly en jou die manna laat eet wat jy nie geken het nie en jou voorouers ook nie geken het nie, sodat Hy jou kon laat verstaan dat die mens nie van brood alleen sal leef nie, maar dat die mens leef van elke uitspraak uit die mond van die HERE.
DEUTERONOMIUM 8:3 Contemporary Afrikaans Bible 2023 (CAB23)
En Hy het jou verneder en jou laat honger ly en jou gevoed met manna wat jy nie geken en jou vaders nie geken het nie; sodat Hy jou kan bekend maak dat die mens nie van brood alleen lewe nie, maar van elke woord wat uit die mond van die HERE uitgaan, die mens lewe.
DEUTERONOMIUM 8:3 Die Boodskap (DB)
Jy was dikwels honger, maar die Here het vir jou manna gegee. Dit was iets wat jy en jou voorgeslagte nie geken het nie. So wou die Here jou leer dat ’n mens nie van brood alleen kan leef nie, maar dat die beloftes en die woorde van die Here jou ook versadig maak.
DEUTERONOMIUM 8:3 Nuwe Lewende Vertaling (NLV)
Hy het jou nederig gemaak deur jou te laat honger ly. Hy het jou toe manna laat eet, kos wat jy en jou voorouers nie vroeër geken het nie. Hy het dit gedoen om jou te leer dat mense meer as brood nodig het om van te leef. Ware lewe vir die mens kom van elke woord uit die mond van die HERE.