PREDIKER 9:11
PREDIKER 9:11 Afrikaans 1983 (AFR83)
Verder het ek in hierdie wêreld gesien: dit is nie die vinnigstes wat die reisies wen nie, nie die sterkstes wat die oorlog wen nie, nie dié met wysheid wat kos het nie, nie die verstandiges wat ryk word nie, nie dié met kennis met wie dit goed gaan nie. Alles word bepaal deur tyd en geleentheid.
PREDIKER 9:11 Die Bybel 2020-vertaling (AFR20)
Weer het ek onder die son gesien: Die wedloop is nie vir die vinniges en die oorlog is nie vir die krygshelde nie; brood is ook nie vir die wyses, rykdom is ook nie vir die verstandiges, en guns is ook nie vir die kenners nie; want tyd en toeval is bepalend vir hulle almal.
PREDIKER 9:11 Bybel vir almal (ABA)
Ek het nog iets gesien in hierdie wêreld: Jy kan miskien vinnig hardloop, maar jy wen nie die resies nie, jy is miskien 'n goeie soldaat, maar jy wen nie die oorlog nie, jy het miskien wysheid, maar jy het niks kos nie, jy is miskien verstandig, maar jy word nie ryk nie, jy weet miskien baie dinge, maar niemand hou van jou nie. Die dinge wat met jou moet gebeur, sal gebeur wanneer dit die regte tyd is.
PREDIKER 9:11 Afrikaans 1933/1953 (AFR53)
WEER het ek onder die son gesien dat die wedloop nie is vir die vinniges en die oorlog nie vir die helde nie; en ook die brood is nie vir die wyse of ook rykdom vir die slimmes of ook guns vir die verstandiges nie; want tyd en lotgeval tref hulle almal.
PREDIKER 9:11 Contemporary Afrikaans Bible 2023 (CAB23)
Ek het teruggekeer en onder die son gesien dat die wedloop nie vir die vinniges is nie, en ook nie die stryd vir die sterkes nie, ook nie brood vir die wyses nie, en nog geen rykdom vir manne van verstand nie, nog geen guns vir manne van vaardighede nie; maar tyd en toeval kom met hulle almal oor.
PREDIKER 9:11 Die Boodskap (DB)
Daar is nog iets wat my baie omkrap. En dit is dat die vinnigstes nie altyd die resies wen of die sterkstes die geveg nie. Verder het daardie mens wat reg leef, nie altyd kos nie; ’n skrander mens is ook nie altyd ryk nie en slimmes word nie altyd bevorder nie. Slegte dinge tref almal.
PREDIKER 9:11 Nuwe Lewende Vertaling (NLV)
Ek het nog iets onder die son gesien: Die vinnigste wen nie die resies nie. Die sterkstes wen nie die geveg nie. Ook dié met wysheid is nie dié wat kos het nie. Dis nie verstandiges wat ryk word, of dié met kennis met wie dit goed gaan nie. Alles word bepaal deur tyd en gebeurtenisse.