PREDIKER 9:9

Deel

PREDIKER 9:9 Die Bybel 2020-vertaling (AFR20)

Geniet die lewe saam met die vrou wat jy liefhet, al jou sinlose lewensdae wat Hy vir jou gegee het onder die son, al jou sinlose dae; want dit is jou beloning in die lewe by jou inspanning waarmee jy jou afsloof onder die son.

PREDIKER 9:9 Bybel vir almal (ABA)

Jy moet die lewe geniet saam met die vrou vir wie jy lief is. Jy moet elke dag van jou lewe geniet, elke dag wanneer niks is soos dit moet wees nie. Dit is God wat vir jou elke dag gee, elke dag wanneer niks is soos dit moet wees nie, want dít is wat jy kry terwyl jy lewe en hard werk in hierdie wêreld.

PREDIKER 9:9 Afrikaans 1933/1953 (AFR53)

Geniet die lewe met die vrou wat jy liefhet, al die dae van jou nietige lewe wat Hy jou gegee het onder die son — al jou nietige dae; want dit is jou deel aan die lewe en aan jou arbeid wat jy met moeite verrig onder die son.

PREDIKER 9:9 Afrikaans 1983 (AFR83)

Geniet die lewe met die vrou wat jy liefhet, dié lewe wat tot niks kom nie, maar wat God jou in hierdie wêreld gegee het, die hele lewe wat tot niks kom nie. Dit is wat jou toekom in die lewe, wat jou toekom vir al jou geswoeg in hierdie wêreld.

PREDIKER 9:9 Contemporary Afrikaans Bible 2023 (CAB23)

Leef met vreugde saam met die vrou wat jy liefhet al die dae van die lewe van jou nietigheid wat hy jou gegee het onder die son, al die dae van jou nietigheid; want dit is jou deel in hierdie lewe en in jou arbeid wat jy doen onder die son.

PREDIKER 9:9 Die Boodskap (DB)

Geniet die lewe met die vrou vir wie jy lief is. Geniet haar elke dag in die sinlose lewe wat jou gegun is. Sy sal jou troos wees in hierdie sinlose wêreld waarin jy jou dag en nag moet afsloof.

PREDIKER 9:9 Nuwe Lewende Vertaling (NLV)

Leef gelukkig saam met die vrou wat jy liefhet, solank die sinlose lewe aanhou wat God jou onder die son gegee het. Dit kom jou toe in die lewe, onder al jou geswoeg onder die son.