ESTER 8:17
ESTER 8:17 Afrikaans 1983 (AFR83)
In elke provinsie en in elke stad, orals waar die besluit en proklamasie van die koning bekend geword het, was daar vreugde en blydskap onder die Jode. Hulle het maaltye gehou en feesgevier. Ook het baie mense uit die ander volksgroepe Jode geword omdat hulle skrikbevange was vir die Jode.
ESTER 8:17 Die Bybel 2020-vertaling (AFR20)
In elke provinsie en in elke stad, elke plek waar die woord en wet van die koning bekend geword het, was daar vreugde en vrolikheid onder die Jode, maaltye en feesdae. Baie mense uit die volke van die land het hulle as Jode voorgedoen omdat die vrees vir die Jode hulle oorval het.
ESTER 8:17 Bybel vir almal (ABA)
In elke provinsie en elke stad waar hulle gehoor het wat die koning besluit het, was die Judeërs bly en vrolik. Hulle het feesgevier, dit was vir hulle 'n goeie dag. Baie van die ander mense het gesê dat hulle ook Judeërs is, want hulle was baie bang vir die Judeërs.
ESTER 8:17 Afrikaans 1933/1953 (AFR53)
en in al die provinsies en in al die stede waar die bevel van die koning en sy wet ook al aangekom het, was daar vrolikheid en vreugde by die Jode, maaltyd en feesdag; en baie uit die volke van die land het Jode geword, want die skrik vir die Jode het op hulle geval.
ESTER 8:17 Contemporary Afrikaans Bible 2023 (CAB23)
En in elke provinsie en in elke stad, waar die bevel van die koning en sy bevel ook al gekom het, het die Jode vreugde en blydskap gehad, 'n fees en 'n goeie dag. En baie van die mense van die land het Jode geword; want die vrees vir die Jode het op hulle geval.
ESTER 8:17 Die Boodskap (DB)
In elke stad en provinsie waar die koning se proklamasie uitgevaardig is, het die Jode gejuig en reg deur die dag feesgevier. Baie mense het by die Jode aangesluit omdat hulle bang was vir wat die Jode nou aan hulle sou doen.
ESTER 8:17 Nuwe Lewende Vertaling (NLV)
In elke provinsie en in elke stad waar die besluit en proklamasie van die koning afgekondig is, was daar vreugde en blydskap onder die Jode. Hulle het ’n feesdag uitgeroep en saam geëet. Baie mense uit die ander volksgroepe het Jode geword omdat hulle bang was vir die Jode.