EKSODUS 2:5

Deel

EKSODUS 2:5 Afrikaans 1933/1953 (AFR53)

En Farao se dogter het na die Nyl afgegaan om 'n bad te neem, terwyl haar diensmeisies aan die kant van die Nyl heen en weer geloop het. Toe sien sy die mandjie tussen die riete en stuur haar slavin en laat dit haal.

EKSODUS 2:5 Bybel vir almal (ABA)

Die farao se dogter het na die rivier gegaan om haar te was. Daar was meisies by haar, en hulle het op die rivier se wal geloop. Toe die farao se dogter die kissie tussen die riete sien, het sy haar slavin gestuur om dit te gaan haal.

EKSODUS 2:5 Afrikaans 1983 (AFR83)

'n Dogter van die farao het afgegaan Nyl toe om te swem, en die jongmeisies wat haar vergesel, het aan die kant van die rivier geloop. Toe sy die mandjie tussen die riete sien, stuur sy haar diensmeisie om dit te gaan haal.

EKSODUS 2:5 Die Bybel 2020-vertaling (AFR20)

Die dogter van die farao het afgegaan na die Nyl om haar te was, terwyl haar diensmeisies aan die kant van die Nyl stap. Sy sien toe die mandjie tussen die palmiete en stuur haar slavin om dit te gaan haal.

EKSODUS 2:5 Contemporary Afrikaans Bible 2023 (CAB23)

En die dogter van Farao het afgekom om haar by die rivier te was; en hier het die meisie langs die rivier se kant geloop; en toe sy die ark tussen die vlae sien, het sy haar slavin gestuur om dit te gaan haal.

EKSODUS 2:5 Die Boodskap (DB)

Een van die farao se dogters het in die Nyl gaan bad. Die meisies wat haar elke dag help, het op die wal van die rivier bly staan terwyl sy swem. Sy het die mandjie tussen die riete gesien en een van die meisies gestuur om dit vir haar te gaan uithaal.

EKSODUS 2:5 Nuwe Lewende Vertaling (NLV)

Een van die farao se dogters het afgekom na die Nylrivier om daar te kom bad. Haar bediendes het op die oewer waggestaan. Toe die prinses die mandjie tussen die riete sien, het sy een van haar meisies gestuur om dit te gaan uithaal.