EKSODUS 34:10
EKSODUS 34:10 Afrikaans 1933/1953 (AFR53)
Toe antwoord Hy: Kyk, Ek sluit 'n verbond; voor jou hele volk sal Ek wonders doen soos daar op die hele aarde en onder al die nasies nie geskape is nie, sodat die hele volk onder wie jy is, die werk van die HERE kan sien. Want verskriklik is dit wat Ek aan jou gaan doen.
EKSODUS 34:10 Bybel vir almal (ABA)
Die Here het gesê: “Ek maak nou 'n verbond met julle. Al die Israeliete sal sien dat Ek wonderwerke doen. Niemand het al hierdie wonderwerke gedoen op die hele aarde nie, nie by een van die volke nie. Al die volke rondom julle sal sien wat Ek doen. Hulle sal bang word vir My en hulle sal My respekteer wanneer hulle sien wat Ek vir julle doen.
EKSODUS 34:10 Afrikaans 1983 (AFR83)
Toe het die Here gesê: “Ek sluit nou 'n verbond met julle. Voor jou hele volk gaan Ek magtige dade doen wat nog nooit tevore op die hele aarde onder enige nasie gedoen is nie. Die hele volk by wie jy is, sal sien wat Ek, die Here, doen. Wat Ek vir jou gaan doen, sal hulle met ontsag vervul.
EKSODUS 34:10 Die Bybel 2020-vertaling (AFR20)
Die HERE het gesê: “Kyk, Ek gaan 'n verbond sluit. Voor jou hele volk sal Ek wonders doen wat op die hele aarde of onder al die nasies nog nie deur My verrig is nie. Dan sal die hele volk tussen wie jy is, die werk van die HERE sien. Want ontsagwekkend is dit wat Ek met jou gaan doen.
EKSODUS 34:10 Contemporary Afrikaans Bible 2023 (CAB23)
En hy sê: Kyk, Ek sluit 'n verbond: voor jou hele volk sal Ek wonders doen soos daar nie op die hele aarde of in enige nasie gedoen is nie; en al die volke waarby jy is, sal die werk van die HERE, want dit is 'n verskriklike ding wat Ek met U sal aandoen.
EKSODUS 34:10 Die Boodskap (DB)
Die Here antwoord toe: “Kyk, Ek sal ’n nuwe ooreenkoms met julle maak. Ek sal voor die hele volk wonderlike dinge laat gebeur. Sulke dinge het nog nêrens op die aarde gebeur nie. Geen volk het so iets gesien nie. Al die volke rondom julle sal sien wat die Here kan doen. Ek sal groot dinge met jou laat gebeur.
EKSODUS 34:10 Nuwe Lewende Vertaling (NLV)
Die HERE sê toe: “Goed, Ek sluit met julle ’n ooreenkoms. Ek sal voor die hele volk wonderlike dinge laat gebeur wat nog nêrens op aarde of voor enige volk gebeur het nie. Al die volke sal sien wat die HERE kan doen. Ek sal wonderlike dinge met julle laat gebeur.