GENESIS 17:12-13
GENESIS 17:12-13 Die Boodskap (DB)
Elke seuntjie moet agt dae na sy geboorte besny word. Julle moet dit vir altyd doen. Selfs die kinders van jou werkers moet besny word. En die kinders van daardie werkers wat jy van vreemdelinge gekoop het, moet ook besny word. Kortom: al jou werkers se kinders asook daardie werkers wat jy gekoop het, se kinders moet besny word. Aan julle liggaam sal mense dan kan sien dat julle aan My behoort en dat Ek julle God is. En dit sal vir altyd so wees.
GENESIS 17:12-13 Bybel vir almal (ABA)
As 'n seun ag dae oud is, dan moet julle hom besny. Julle moet dit doen met elke seun in julle huis, en met elke slaaf wat in julle huis gebore word. Julle moet dit ook doen met elke slaaf wat julle koop, elke slaaf wat nie julle nageslag is nie. Elke seun in julle huis en ook elke slaaf wat julle gekoop het, moet besny word, sodat daar altyd aan julle liggame 'n bewys van my verbond kan wees.
GENESIS 17:12-13 Afrikaans 1933/1953 (AFR53)
'n Seuntjie van agt dae dan moet onder julle besny word, al wat manlik is in julle geslagte. Die wat in jou huis gebore is, en die wat van enige vreemdeling met geld gekoop is, wat nie van jou geslag is nie — die wat in jou huis gebore en wat met jou geld gekoop is, moet sekerlik besny word. So moet dan my verbond in julle vlees wees as 'n ewige verbond.
GENESIS 17:12-13 Afrikaans 1983 (AFR83)
elke seun onder julle van ag dae oud moet besny word. Dit geld vir elke lid van die manlike geslag onder julle: al julle nageslagte en ook elke slaaf wat as kind in jou besit gebore word, en die slawe wat van 'n vreemde met geld gekoop word, wat nie jou afstammeling is nie. 'n Slaaf wat as kind in jou besit gebore word, en een wat vir geld gekoop word, moet beslis besny word. So sal my verbondsteken aan julle liggame wees as 'n blywende verbond.
GENESIS 17:12-13 Die Bybel 2020-vertaling (AFR20)
Op die ouderdom van agt dae moet elke manlike persoon by julle besny word, deur al julle geslagte heen – ook 'n kind uit die huishouding, en dié wat met geld gekoop is van enige vreemde en wat nie deel is van jou nageslag nie. 'n Kind uit die huishouding en dié wat met geld gekoop is, moet beslis besny word. My verbond moet aan julle liggame wees as 'n ewige verbond.
GENESIS 17:12-13 Contemporary Afrikaans Bible 2023 (CAB23)
En hy wat agt dae oud is, moet onder julle besny word, elke manlike seun in julle geslagte, hy wat in die huis gebore is of met geld gekoop is van enige vreemdeling wat nie uit jou nageslag is nie. Hy wat in jou huis gebore is en hy wat met jou geld gekoop is, moet besny word; en my verbond sal in julle vlees wees as 'n ewige verbond.
GENESIS 17:12-13 Nuwe Lewende Vertaling (NLV)
Elke seun moet op die agtste dag na geboorte besny word. Dit geld nie net jou familie nie, maar ook alle slawe wat in jou huishouding gebore word en dié wat as slawe gekoop word. Almal moet besny word. So sal julle aan julle liggame die teken dra van my ewigdurende verbond.