HOSEA 7:13

Deel

HOSEA 7:13 Nuwe Lewende Vertaling (NLV)

“Hoe tragies is dit vir hulle wat van My af wegvlug! Hulle sal omkom, want hulle het teen My in opstand gekom. Ek wou hulle bevry, maar hulle het vir My leuens vertel.

HOSEA 7:13 Bybel vir almal (ABA)

Dit sal sleg gaan met hulle, want hulle het weggevlug van My. Hulle sal baie swaar kry, want hulle wou nie luister na My nie. Ek wou hulle red, maar hulle het gelieg vir My.

HOSEA 7:13 Afrikaans 1933/1953 (AFR53)

Wee hulle, omdat hulle van My weggevlieg het! Verwoesting oor hulle, omdat hulle teen My oortree het! Ék tog wou hulle verlos, maar húlle het leuens teen My gespreek.

HOSEA 7:13 Afrikaans 1983 (AFR83)

Ellende wag vir hulle omdat hulle van My af wegvlug! Daar wag teëspoed vir hulle omdat hulle teen My in opstand is! Ek was bereid om hulle te red, maar hulle lieg vir My.

HOSEA 7:13 Die Bybel 2020-vertaling (AFR20)

Wee hulle, want hulle vlug weg van My af. Verwoesting wag op hulle, want hulle het teen My oortree. Ek wou hulle verlos, maar hulle het leuens oor My vertel.

HOSEA 7:13 Contemporary Afrikaans Bible 2023 (CAB23)

Wee hulle! want hulle het van My weggevlug, vernietiging oor hulle! omdat hulle teen My oortree het; al het Ek hulle verlos, tog het hulle leuens teen My gespreek.

HOSEA 7:13 Die Boodskap (DB)

Daar wag moeilikheid vir hulle, want hulle het van My af probeer wegvlieg. Hulle gaan vernietig word, want hulle het teen my gerebelleer. “Ek wou hulle graag vrygemaak het, maar hulle het My om die bos probeer lei.