JESAJA 2:2

Deel

JESAJA 2:2 Bybel vir almal (ABA)

Eendag sal die berg waarop die Here se tempel staan, hoër wees en vaster staan as die ander berge en heuwels. Baie volke sal na hierdie berg kom.

JESAJA 2:2 Die Bybel 2020-vertaling (AFR20)

In die laaste dae sal die berg van die HERE se huis stewig staan as die hoogste van die berge; hy sal bo die heuwels uittroon. Al die nasies sal daarheen stroom

JESAJA 2:2 Afrikaans 1933/1953 (AFR53)

En aan die einde van die dae sal die berg van die huis van die HERE vasstaan op die top van die berge en verhewe wees bo die heuwels, en al die nasies sal daarheen toestroom.

JESAJA 2:2 Afrikaans 1983 (AFR83)

Daar kom 'n tyd dat die berg waarop die huis van die Here is, 'n blywende plek sal hê bokant die bergtoppe en sal uitstaan bo die heuwels. Al die nasies sal daarheen stroom

JESAJA 2:2 Contemporary Afrikaans Bible 2023 (CAB23)

En aan die einde van die dae sal die berg van die huis van die HERE vasstaan op die top van die berge en verhewe wees bo die heuwels; en al die nasies sal daarheen toestroom.

JESAJA 2:2 Die Boodskap (DB)

In die laaste dae sal die tempel van die Here in Jerusalem die belangrikste plek op aarde word. Mense van oor die hele aarde sal daarheen stroom om daar te kom aanbid.

JESAJA 2:2 Nuwe Lewende Vertaling (NLV)

In die laaste dae sal die berg van die tempel van die HERE die belangrikste plek op aarde word. Nasies sal daarheen stroom.