JESAJA 43:20-21
JESAJA 43:20-21 Afrikaans 1933/1953 (AFR53)
Die wilde diere van die veld sal My eer, die jakkalse en die volstruise; want Ek gee waters in die woestyn, riviere in die wildernis om my volk, my uitverkorene, te laat drink. Die volk wat Ek vir My geformeer het, hulle sal my lof verkondig.
JESAJA 43:20-21 Afrikaans 1983 (AFR83)
Die wilde diere sal My vereer, die jakkalse en die volstruise, omdat Ek water gee in die woestyn, riviere in die droë wêreld om my volk, my uitverkore volk, se dors te les. Dit is die volk wat Ek vir My geskep het, en wat my lof sal verkondig.
JESAJA 43:20-21 Die Bybel 2020-vertaling (AFR20)
Die wilde diere sal My eer, die jakkalse en steenuile, omdat Ek water in die woestyn, ja, riviere in die wildernis gee, om my uitverkore volk te laat drink. Die volk wat Ek vir my gevorm het – my lof sal hulle verkondig.
JESAJA 43:20-21 Contemporary Afrikaans Bible 2023 (CAB23)
Die diere van die veld sal My eer, die jakkalse en die uile, want Ek gee waters in die woestyn en riviere in die woestyn om te drink aan my volk, my uitverkorene. Hierdie volk het Ek vir My gevorm; hulle sal my lof verkondig.
JESAJA 43:20-21 Die Boodskap (DB)
Die jakkalse en die volstruise, al die wilde diere in die veld sal daarvoor vir My kom dankie sê. Ek het water in die woestyn gegee vir hulle om te drink. Ek het riviere deur eensame gedeeltes laat loop sodat die volk wat Ek vir My gekies het, daaruit kan drink. Hulle is die volk wat Ek vir My bymekaargemaak het om My te loof en te prys.
JESAJA 43:20-21 Nuwe Lewende Vertaling (NLV)
Die wilde diere sal dankbaar wees daaroor. Die jakkalse en die volstruise sal bly wees omdat Ek vir hulle water in die woestyn gee. Ek maak fonteine in die woestyn sodat my uitverkore volk hulle dors kan les. Ek het hierdie volk vir Myself gemaak sodat hulle My sal eer.