JEREMIA 38:2

Deel

JEREMIA 38:2 Afrikaans 1983 (AFR83)

So sê die Here: Elkeen wat in hierdie stad woon, sal deur oorlog of deur hongersnood of deur pes omkom, maar elkeen wat oorloop na die Galdeërs toe, sal lewe. Hy sal sy lewe red, al sal hy net met sy lewe daarvan afkom.

JEREMIA 38:2 Die Boodskap (DB)

“Die Here sê: As mense in Jerusalem wil agterbly, sal hulle doodgaan as gevolg van die oorlog, of van honger, of van epidemies. Maar as die mense hulle aan die Babiloniërs oorgee, sal hulle bly lewe.

JEREMIA 38:2 Nuwe Lewende Vertaling (NLV)

“Die HERE sê: ‘Mense wat in hierdie stad agterbly, sal as gevolg van die oorlog, hongersnood of siektes sterf. Maar as mense hulle aan die Babiloniërs oorgee, sal hulle met hulle lewe daarvan afkom.’

JEREMIA 38:2 Bybel vir almal (ABA)

Jeremia het gesê: “Die Here sê: Elkeen wat in hierdie stad bly, sal sterf in die oorlog of van honger of van pes. Maar elkeen wat na die Galdeërs toe gaan, sal aanhou lewe. Hy sal niks anders hê nie, maar hy sal lewe.

JEREMIA 38:2 Afrikaans 1933/1953 (AFR53)

So spreek die HERE: Wie in hierdie stad bly, sal sterwe deur die swaard, die hongersnood of die pes, maar wie na die Chaldeërs uitgaan, sal lewe, en sy siel sal vir hom 'n buit wees, en hy sal lewe.

JEREMIA 38:2 Die Bybel 2020-vertaling (AFR20)

“So sê die HERE, ‘Wie in hierdie stad bly, sal sterf deur die swaard, hongersnood en epidemie, maar wie uitgaan na die Galdeërs, sal leef; hy sal sy lewe vir homself as buit behou en bly leef;’ ”

JEREMIA 38:2 Contemporary Afrikaans Bible 2023 (CAB23)

So sê die HERE: Hy wat in hierdie stad oorbly, sal deur die swaard, deur die hongersnood en deur die pes sterwe; maar hy wat na die Chaldeërs uittrek, sal lewe; want hy sal sy lewe as 'n buit hê en sal lewe.