JOB 34:10-11

Deel

JOB 34:10-11 Bybel vir almal (ABA)

Julle slim mense, julle moet luister na my. God doen nie verkeerd nie, die Almagtige doen niks wat sleg is nie. Nee, God gee vir elke mens wat hy moet kry. God kyk hoe elke mens gelewe het, en dan gee God vir hom wat hy daarvoor moet kry.

JOB 34:10-11 Afrikaans 1933/1953 (AFR53)

DAAROM, manne van verstand, luister na my: Ver is God van goddeloosheid en die Almagtige van onreg! Veelmeer vergeld Hy die mens na sy werk, en volgens 'n man se wandel laat Hy hom ondervind.

JOB 34:10-11 Afrikaans 1983 (AFR83)

Maar luister na my, julle wat alles verstaan! God doen nie verkeerd nie, die Almagtige begaan nie 'n onreg nie. Hy straf die mens net vir wat hy doen, Hy laat hom maar net kry wat hy verdien.

JOB 34:10-11 Die Bybel 2020-vertaling (AFR20)

“ Daarom, verstandige manne, luister na my: God sal nooit ooit goddeloos optree nie, of die Almagtige ooit onreg pleeg nie. Ja, Hy vergeld 'n mens sy dade; volgens sy gedrag laat Hy hom dit ervaar.

JOB 34:10-11 Contemporary Afrikaans Bible 2023 (CAB23)

Luister daarom na my, manne van verstand! Dit is ver van God dat Hy goddeloosheid sou doen; en van die Almagtige, dat hy ongeregtigheid sou doen. Want die werk van 'n mens sal hy aan hom vergeld en elkeen laat vind volgens sy weë.

JOB 34:10-11 Die Boodskap (DB)

Elihu het verder gegaan en gesê: “Almal van julle wat verstandig is, luister na my. Julle weet, God doen nooit slegte en verkeerde dinge nie. Hy betaal elkeen volgens wat hy gedoen het. Jy sal kry wat jy verdien.

JOB 34:10-11 Nuwe Lewende Vertaling (NLV)

“Luister na my, julle wat verstand het! Almal weet dat God nie sondig nie. Die Almagtige doen niks verkeerd nie. Hy vergeld mense volgens hulle dade. Hy behandel mense volgens hulle optrede.