NEHEMIA 8:10
NEHEMIA 8:10 Afrikaans 1983 (AFR83)
Nehemia die goewerneur, die skrifgeleerde priester Esra en die Leviete wat die gemeente onderrig het, het vir die hele gemeente gesê: “Hierdie dag word gewy aan die Here julle God. Moenie treurig wees nie, moenie huil nie.” Dit was omdat die hele gemeente gehuil het by die aanhoor van die wet.
NEHEMIA 8:10 Bybel vir almal (ABA)
Die goewerneur Nehemia, die priester en sekretaris Esra en die Leviete wat die wette vir die mense verduidelik het, het toe vir al die mense gesê: “Hierdie dag is gewy aan julle God die Here, julle moenie huil of treur nie.” Want al die mense het gehuil toe hulle hoor wat die wette sê.
NEHEMIA 8:10 Afrikaans 1933/1953 (AFR53)
Daarop het Nehemía — hy was die goewerneur — en Esra, die priester, die skrifgeleerde, en die Leviete wat die volk onderrig, aan die hele volk gesê: Hierdie dag is heilig aan die HERE julle God; treur nie en ween nie! Want die hele volk het geween toe hulle die woorde van die wet hoor.
NEHEMIA 8:10 Die Bybel 2020-vertaling (AFR20)
Nehemia – hy was die administrateur – en Esra, die priester en skrifgeleerde, en die Leviete wat besig was om vir die volk te verduidelik, het toe vir die hele volk gesê: “Hierdie dag is heilig vir die HERE julle God. Moenie treur of huil nie!” Ja, die hele volk het gehuil toe hulle die woorde van die Wet hoor.
NEHEMIA 8:10 Contemporary Afrikaans Bible 2023 (CAB23)
Toe sê Hy vir hulle: Gaan heen, eet die vet en drink die soet, en stuur porsies aan hulle vir wie niks berei is nie; want hierdie dag is heilig aan onse HERE; want die blydskap van die HERE is jou sterkte.
NEHEMIA 8:10 Die Boodskap (DB)
Toe die mense besef wat die voorskrifte van die wet vir hulle beteken, het hulle begin huil. Nehemia die goewerneur, Esra die priester en kenner van die wetboek van Moses, en die Leviete wat besig was om die wet vir die mense te verduidelik het vir hulle gesê: “Moenie huil en hartseer wees nie. Hierdie dag behoort aan die Here. Op hierdie dag maak julle ’n nuwe begin voor die Here julle God. Dit is sy nuwe dag!
NEHEMIA 8:10 Nuwe Lewende Vertaling (NLV)
Hy het ook vir hulle gesê: “Gaan eet ’n lekker maaltyd en drink soet drankies. Deel ook van die kos met mense wat niks voorberei het nie. Hierdie is ’n dag wat aan ons God toegewy is. Moenie terneergedruk wees nie, want die blydskap wat die HERE gee, sal julle krag wees!”