NUMERI 20:12

Deel

NUMERI 20:12 Nuwe Lewende Vertaling (NLV)

Die HERE het vir Moses en Aäron gesê: “Julle het My nie genoeg vertrou om vir die Israeliete te wys hoe heilig Ek is nie. Jy sal daarom nie hierdie mense inlei in die land wat Ek vir julle sal gee nie.”

NUMERI 20:12 Bybel vir almal (ABA)

Maar toe sê die Here vir Moses en Aäron: “Julle het nie geglo dat Ek sal doen wat Ek gesê het nie. Julle het nie vir die Israeliete gewys dat Ek die heilige God is nie. Daarom sal julle nie hierdie volk bring in die land wat Ek vir hulle gee nie.”

NUMERI 20:12 Afrikaans 1933/1953 (AFR53)

Toe sê die HERE vir Moses en Aäron: Omdat julle in My nie geglo het om My voor die oë van die kinders van Israel te heilig nie, daarom sal julle hierdie vergadering nie in die land inbring wat Ek aan hulle gegee het nie.

NUMERI 20:12 Afrikaans 1983 (AFR83)

Maar toe sê die Here vir Moses en Aäron: “Omdat julle My nie erken het en My, die Heilige, nie voor die Israeliete gehoorsaam was nie, sal julle hierdie volk nie inlei in die land wat Ek aan hulle gee nie.”

NUMERI 20:12 Die Bybel 2020-vertaling (AFR20)

Maar die HERE het vir Moses en Aäron gesê: “Omdat julle nie vertroue in My gestel het om My heiligheid voor die oë van die Israeliete te erken nie, daarom sal julle hierdie geloofsgemeenskap nie in die land inneem wat Ek vir hulle gegee het nie.”

NUMERI 20:12 Contemporary Afrikaans Bible 2023 (CAB23)

En die HERE het met Moses en Aäron gespreek: Omdat julle My nie geglo het om My voor die oë van die kinders van Israel te heilig nie, daarom mag julle hierdie vergadering nie inbring in die land wat Ek aan hulle gegee het nie.

NUMERI 20:12 Die Boodskap (DB)

Maar die Here het met Moses en Aäron geraas: “Omdat julle nie op My vertrou het nie en nie na My, die groot en heilige God, voor die volk geluister het nie, sal julle nie hierdie volk in die nuwe land inlei wat Ek vir hulle gee nie.”