SPREUKE 8:10-11

Deel

SPREUKE 8:10-11 Bybel vir almal (ABA)

Julle moet doen wat ek vir julle sê, dit is beter as om silwer te hê. Om dinge te weet, is beter as om die beste goud te hê. Ja, wysheid is beter as koraal, wysheid is beter as enige iets wat jy graag sal wil hê.

SPREUKE 8:10-11 Afrikaans 1933/1953 (AFR53)

Neem my tug aan, en nie silwer nie, en kennis liewer as uitgesoekte goud. Want wysheid is beter as korale, en al die kleinode kan daar nie mee vergelyk word nie.

SPREUKE 8:10-11 Afrikaans 1983 (AFR83)

Aanvaar wat ek julle leer, dit is meer werd as silwer; kennis is meer werd as die fynste goud. Ek, Wysheid, is kosbaarder as edelstene; wat jy ook al as baie werd beskou, teen my weeg dit nie op nie.

SPREUKE 8:10-11 Die Bybel 2020-vertaling (AFR20)

Aanvaar my vermaning, en nie silwer nie, aanvaar kennis eerder as goud.” Ja, Wysheid is beter as koraal, en niks wat begeerlik is, kan met haar vergelyk word nie.

SPREUKE 8:10-11 Contemporary Afrikaans Bible 2023 (CAB23)

Ontvang my tug en nie silwer nie; en kennis eerder as uitgesoekte goud. Want wysheid is beter as robyne; en al die dinge wat begeer kan word, is nie daarmee te vergelyk nie.

SPREUKE 8:10-11 Die Boodskap (DB)

“My lewensreëls is baie meer werd as geld. Dit wat ek jou van die lewe wil leer, is baie kosbaarder as aardse skatte. My goeie raad vir ’n gelukkige lewe is baie meer werd as jou peperduur juwele. Dis kosbaarder as enigiets wat jy ooit kan begeer.

SPREUKE 8:10-11 Nuwe Lewende Vertaling (NLV)

Aanvaar eerder wat ek julle leer, dit is meer werd as silwer. My kennis is meer werd as goud. Wysheid is baie meer werd as edelstene. Daar is niks wat jy kan begeer wat teen wysheid kan opweeg nie.”